Pananglit usa ha iyo may usa ka gatos nga karnero, ngan mawara in usa ha ira—ano man an iya bubuhaton? Binabayaan niya an nobentay nuybe didto han panibsiban, ngan nalakat hiya hin pamiling han nawara, tubtob nga iya ini hiagian. Kon hiagian na ini niya, malipayon na hiya, ngan papas-anon ini niya, ngan dadad-on hin pag-oli ngadto ha ira. Niyan, iya dadapiton an iya kasangkayan ngan mga kahigrani, ngan sisidngon niya, ‘Pagsaurog kita! Malipayon ako hin duro nga hinagian ko an akon nawara nga karnero! [Lucas 15:4-6].

August 12, 2025 in  Kristohanon Nga Kinabuhi, Color 5 minutes

An mga kasamok ngan problema aada ha ngatanan nga lugar. An sakit, kasubo, ngan damo nga karaotan upod bahin han kinabuhi. Diin ito nagtikang? Permi la ba ito sugad? An Biblia, an pulong han Dios, may-ada mga baton hini nga mga pakiana.

June 13, 2025 in  Kristohanon Nga Kinabuhi, Color 5 minutes

Nakahunahuna ka na ba kun paonan-o nagtikang an ngatanan? Damu an mga hayop, tamsi, kahoy, ngan tanom ha tuna. Diin hira tikang? Permi na ba hira dinhi? It tawo? Kitaa an imo kalugaringon ngan kun paonan-o nagbubuhat an imo lawas. Giggagamit mo an imo mga mata ha pagkita, an imo mga talinga ha pamati, ngan an imo mga tiil ngan mga kamot ha pagbuhat han mga butang ngan pag-kadto ha mga lugar nga karuyag mo. Nahitabo la ba ini ngatanan, o may naghimo hito?

June 13, 2025 in  Kristohanon Nga Kinabuhi, Gugma, Color 3 minutes

May-ada ako sangkay. Hiya an gimaopayi nga sangkay nga akon nakarawat. Maopay gud Hiya ngan tangkod ngan karuyag ko nga makilala mo liwat Hiya. An iya ngaran hi Jesus. An urusahon nga butang amo nga karuyag Niya magin imo sangkay. Tugoti ako hin pagsumat ha imo mahitungod ha Iya. Nabasa naton ini nga istorya ha Biblia. Tuod an Biblia. Pulong ito han Dios. An Dios an naglarang han kalibotan ngan han ngatanan nga aada hito. Hiya an Ginoo han langit ngan han tuna. Hiya an naghahatag hin kinabuhi ngan gininhawa ha ngatanan nga butang.

June 13, 2025 in  Hesus, Gugma, Pagkasangkay, Kamamingaw, Color 3 minutes

Maaram ka ba nga may-ada libro nga nagsasaysay kon paonan-o nagtikang an kalibotan? An siyahan nga mga pulong hini nga libro amo ini, “Ha tinikangan ginhimo han Dios an langit ngan an tuna”. Katapos hini nga mga pulong, iginsusumat hito kon paonan-o ginlarang an kalibotan, ngan mahitungod han siyahan nga lalaki ngan babaye nga naukoy dinhi ha tuna. Diri la ito nagsusumat ha aton mahitungod han tinikangan han panahon, kondi nagsusumat liwat kon ano an mahitatabo katapos matapos ini nga kinabuhi. Ha bug-os hini nga libro, mababasa naton kon paonan-o kita sadang magkinabuhi basi magin andam ha kinabuhi katapos mamatay.

March 26, 2025 in  Kristohanon Nga Kinabuhi, Ebanghelyo, Color 4 minutes

Maaram ka ba nga may-ada Usa nga maaram han ngatanan mahitungod ha imo? An Dios an naghimo han kalibotan ngan han ngatanan nga aada hito. Hi Jesus, an Anak han Dios, maaram liwat han ngatanan nga imo nabuhat. Maaram Hiya han naglabay, yana, ngan tiarabot. Hinigugma ka Niya ngan kinanhi ha kalibotan basi talwason ka tikang ha sala. May plano Hiya para ha imo kinabuhi basi magin malipayon ka.

March 26, 2025 in  Hesus, Gugma, Ebanghelyo, Color 3 minutes

Ugsa magtikang an panahon, may-ada na Dios. Iya ginhimo an kalibotan ngan an ngatanan nga aada hito. Tungod han iya gugma, ginhimo han Dios an tawo ha iya kalugaringon nga dagway ngan iginbutang hiya ha makaruruyag nga hardin. Waray sumugot an tawo ha mga instruksyon han Dios. Ini nga pagtalapas amo an sala ngan nagbulag han tawo tikang ha Dios. Ginsidngan Niya hira nga kinahanglan maghalad hin perpekto nga bata nga hayop para ha ira mga sala. Ini nga mga halad waray magbayad para han ira sala kondi nagtutodlok la han pangkataposan nga halad nga ighahatag han Dios. Usa ka adlaw ipapadara han Dios an iya Anak nga hi Jesus nganhi ha tuna basi magin pinakaimportante nga katapusan nga halad para ha mga sala han ngatanan nga mga tawo.

March 25, 2025 in  Hesus, Color 5 minutes

Malipayon ka ba? An kahadlok ngan pag-abat hin sala makakakuha han imo kalipay. Bangin magpakiana ka, ‘Paonan-o ako magigin malipayon? May-ada ako maopay nga sumat para ha imo! May-ada usa nga makakabulig ha imo. Mapapasaylo niya an imo mga sala ngan tatagan ka hin waray kataposan nga kalipay. Jesus an iya ngaran. Tugoti ako hin pagsumat ha imo mahitungod ha Iya. An iya Amay, an Dios, amo an naghimo han kalibotan. Hiya an naghimo han ngatanan nga butang ha kalibotan. Iya kita ginhimo.

March 25, 2025 in  Hesus, Color 4 minutes

Ha tinikangan ginhimo han Dyos an kalibutan. Iya ginlarang an adlaw, bulan ngan mga bitoon, an mga hayop ngan mga tanom. Ha ikaunom ka adlaw ginhimo Niya an tawo uyon ha Iya kalugaringon nga dagway ngan ginhuyop ha iya an gininhawa han kinabuhi.

March 25, 2025 in  Kabubwason, Ebanghelyo, Langit, Color 4 minutes