Mam tara zoa. Mam na pa paam zoa sẽ yaa sõama wʋsgo wa a Zezi ye. Eb yaa sõama la b pa tõe n bas maam ye. Woto yĩng la mam dat tɩ fo bãng a Zezi. Eb sẽ ya nin sõnga yĩnga, b rat n yɩɩ fo zoa. Mam na n goma ne foo bãmb yelle. D tõe n karma eb kibar Wẽnnaam sebra pʋga. Wẽnnaam sebra yaa sɩda. A yaa Wẽnnaam gomde.
Wẽnnaam yaa a soab ning sẽ naana dũninyã la bũmb nins fãa sẽ be a pʋgẽwã. Eb yaa saasẽ la tẽng Zu-soaba. Yaa Wẽnnaam n kõt bũmb fãa vɩɩm.
A Zezi yaa Wẽnnaam biiga. Wẽnnaam sẽ tʋm-b la dũniyã zug t’b wa yɩ tõnd Fãagda. Wẽnnaam nonga dũniyã hal wʋsgo (woto rat n yeelame tɩ Wẽnnaam nonga maam la foom). Rẽ n kɩt t’b tʋm b bi-yendã, a Zezi (t’b wa kii tõnd yelwẽnã yĩnga) sẽ na n yɩlẽ tɩ ned ninga fãa sẽ tẽed bãmba kõ n sãam ye, la a na n paama vɩɩm sẽ pa sɛta. (Zã 3:16)
A Zezi waa dũniyã zug wa bi-pɛɛlga. B ba la b ma dũniyã zug ya a Zozɛf ne a Maari. Eb roga rũms roogẽ tɩ b gãneg-b rũms rɩɩb koglg pʋga.
A Zezi vɩɩmd a Zozɛf ne a Maari taoore la b saka b roagdbã. Bãmb ra tara yap kom-dibli ne kom-pugli n deemdẽ. A Zezi sõnga b ba a Zozɛf a tʋʋma zĩigẽ t’b kaad raadã.
A Zezi sẽ wa n lebg raowa, b zãmsa neba b Ba sẽ be arzãna yelle. B togsa bãmb tɩ Wẽnnaam nonga bãmba. A Zezi maaga bãad rãmba la b kõo neb sẽ be sũ-sãoong pʋg raoodo. A Zezi yaa kom- bãanes zoa. B nongame tɩ kamba wa bãmb nengẽ. A Zezi ra tara weer tɩ zĩnd ne kambã. Kamba ra nong-a Zezi la b ra nongame tɩ zĩnd bãmb nengẽ.
Neb kẽer da pa nong a Zezi ye. Eb da maanda sũ-kiir ne bãmba, hal n kisa Zezi. Eb kisga bãmba, hal n dat n kʋ bãmba. Daar a ye sẽ ya ra-wẽnga, b kʋya a Zezi n ka-b kũum dapɩka zugu. A Zezi ra pa maan bũmb sẽ yaa wẽng ye. A Zezi ra segd n kiime. Tɩ bõe? Maam ne fo maana wẽnga.
A Zezi kibarã pa yalsd a kũuma tɛk bal ye. Wẽnnaam vʋʋga a Zezi kũum dãmb sʋka. B karem-biisa yãa bãmba. La woto loogr poore, b lebg n leba arzãna.
Rũnda, b tõe n yãa foo, la b kelg foom. Eb mii fo yɛla fãa la b rata foom. Gom ne-a Zezi, fo yɛla fãa t’b na n sõnga foom. Fo tõe n sʋlga f zug n togs bãmba fo yiira fãa sẽ bee zĩig ning fãa; la wakat ning fãa. Daar a yembre, b na n lebg n waame! Eb na n waa rɩka neb nins fãa sẽ tẽedb bãmba n tall n kẽng ne arzãna.
