Jesu Mweenzinyoko
Ndijisi mweenzuma. Ngo mweenzuma uyinda kuli boonse mbondijisi. Oyu ngu siluse alimwi ngwa kasimpe cakuti njanda kuti umuzibe anduwe. Zina lyakwe ngu Jesu. Cintu cibotu ncakuti uyanda kuti abe mweenzinyoko.
Koleka ndikwaambile mbwabede. Tulabala kaano aka mu Bbaibbele. Bbaibbele lili kasimpe. Ndijwi lya Leza.
Leza nguwakalenga nyika azyoonse zili muli njiyo. Ngu Mwami wa Julu anyika. Ulapa buumi akuyooya kuli zintu zyoonse.
Jesu ngu Mwana wa Leza. Leza Wakamutuma kuzwa kujulu kuboola munyika ino kutegwa abe Mufutuli wesu. Leza wakayiyandisisya nyika (oku nkokwaamba kuti Wakatuyanda yebo andime) cakuti Wakatuma Mwanawakwe simuzyalwa alike, Jesu, (kuti azoofwide zinyonyoono zyesu) kuti kufumbwa usyoma mulinguwe atakafwidilili, pele abe abuumi butamani (Johane 3:16).
Jesu wakasika munyika mbuli muvwanda. Bawisi abanyina anyika ino bakali ba Josefa a Maria. Wakazyalilwa mu muŋanda mwakali koona ŋombe aboobo bakamulazika mucilido cazyo.
Jesu Wakakomena abawisi Josefa alimwi abanyina Maria kabapa bulemu. Wakalijisi banabakwabo basankwa abamacizi mbaakali kusobana abo. Wakali kugwasya Josefa mucintoolo cakwe cakubeza mapulanga.
Jesu naakakomena kuba mwaalumi, Wakayiisya bantu aa-makani a Wisi uli mukati kajulu. Wakabatondeezya kuti Leza ulabayanda. Wakasilika bakali kuciswa akumbulizya abo bakali mumapenzi. Wakali mweenzinyina a-bana basyoonto. Wakali kuyanda kuti bana basyoonto kabali afwaafwi a-Nguwe. Wakalijisi ciindi cakuba ambabo. Bana bakali kumuyanda Jesu alimwi bakali kuyanda kabali a-Nguwe.
Bamwi bantu tebakali kumuyanda Jesu. Bakaba a-bbivwe a-kumunyonokela. Bakamunyonokela cakuti bakayanda kumujaya. Obo buzuba bubi bakamujaya Jesu a-kumunkamina a-ciingano. Jesu kanyina cinyonyoono ncakacititide. Wakafwa a-busena bwesu nkaambo yebo a-ndime ndiswe twakabisya.
Kaano ka Jesu takagoli alufu lwakwe pe. Leza wakamubusya kuzwa kubafu. Basiciiya bakwe bakamubona. Nkabela buzuba bumwi Wakabweeda kujulu.
Sunu Ulakonzya kukubona a-kukuswiilila. Ulizi mbuli mbobede alimwi Ulakweembela caluse. Kobola kuli Nguwe mumupailo.
Komwaambila zya mapenzi ako oonse. Ulilibambilide kukugwasya. Yebo inga wavuntama mutwe wako akwaambaula anguwe, ciindi cili coonse, kufumbwa kubusena nkobede.
Buzuba bumwi Ulaboola alimwi! Uyakutoola boonse basyoma mulinguwe kumunzi Wakwe kujulu.
