" Sosyete Evanjelik Labib ak Bwochi dedye pou pataje mesaj sali ki nan Labib ak tout pèp nan tout lemonn. Nou konsantre sou pawòl enprime a, nou sèvi avèk ti bwochi senp. Bwochi sa yo esplike kisa Labib di nou sou sali, lavi Jezi Kri, ak lavi Kretyen an. Bwochi nou yo disponib sou sit entènèt pou tout moun kapab li yo, e anpil ladan yo disponib nan fòm odyo tou. Òganizasyon nou an opere pa mwayen volontè ki gen yon vizyon pou montre moun chemen sali a pa mwayen Jezi Kri. Nou gen misyonè volontè pou ede enprime e distribye bwochi yo nan Amerik Nò, Amerik Sid, Afrik, Ewòp ak Azi. Yo disponib pou pale ak moun ki ka gen kesyon tou. Nou gen de biwo prensipal, youn nan Kansas, USA, e lòt la nan Manitoba, Kanada. Biwo sa yo resevwa pi fò nan kominikasyon nou yo, kòmann yo, ak anbake bwochi yo. Anplwaye nou yo kapab kominike byen nan diferan lang yo, e yo toujou okouran de difikilte yo pou enprime e voye bwochi nou yo nan tout lemonn. Bwochi nou yo esplike anpil sijè tankou: Lavi Kretyen, Jezi, pwoblèm immoral, Lapè, Lavi fanmi, Peche, e Fiti a. Nou ofri plis pase 100 bwochi diferan nan lang Angle, anpil ladan yo gentan tradwi nan plis pase 80 lang."