Neli jirpo inut do. Alangliso thot ajirpo keme de avelo. Alangli koan kangjinso thek lapen ahokpet abang. Neli nangli phan jokta pachini ji ning hang. Alangtli men lake jisu. Manghumeme akam ke alangli jokia nangli pen jirpo chebi ji ning hang.
Neli nangliphan alangli lam nangli than lang. labangso atomo elitum bible pu alo along charli longlo. Bi8ble lake ahokpet. Lake arnam alam.
Arnam ke enutpet alangli pensi pirthe lapen la arlo kedo ason an pinchonglo. Alangli helo pirthe lapin sining ahemphu. Alangli si kadodave ason aphan chethe lapen akai pilo.
Jisu helo arnam asopi. Arnam si alangli phan sisning pen dak pirthe itum aphan kapejokjisi nangtoi lo. Arnam lapuan pirthe aphan inghonlo (atheke nangli phan lapen neliphan) la apot si alangli sopo jisu enutpet ta nangtoi lo. (elitum apap pen apot alangli thi lo) la apotsi alangliphan kekroi atum an kevirvedetji bonta kejut un-e achethe longji. (john 3:16)
Jisu inut bihek a-oso ason cheplangsi pirthe vanglo. Pirthe athak alangli pei lapen alangli po lake mary lapen joshep helo. Alangli phan chaining aroi along lapin longhong arlo si pi-I lo.
Joshep lapin mary alongsi jisu the dinglo, lapen alangli pei lapen alangli po alam charju pik alangli pen kejui rap-rap ji aphan alangli korte lapen alangli ingjur do. Alangli apo joshep aphan thengpi akam keklem along rap dun pik.
Lapin jisu the dingsi, alangli monit atum aphan sisning angsong kedo alangli po alam than lo.arnam monit atum aphan chinghon pik pu alangli peklanglo. Alangli keso pemelo lapen keduk kesung atum aphan akerengme pilo. Alangli osomar atum aphan ta ajirpo lo alangli osomar atim adung kevang ji aphan khang khe, alangli halatum aphan apor chepi. Osomar atum jisu aphan chinghon pik pen apot alangli pen dorap rapjisi rapjisi aning hang.
Penang amonit atum jisu aphan aning dokde. Halatum alangli phan hijim lo lapen pinrem lo. Halatum alangli phan langselet pik pin apot kepathijisi aninghanglo. Arni isi kaphere meme arni halatum jisu aphan aria akeng gojal saksi thengparpan athak pathilotlo. Jisu thang kechokche akamta klemkle. Alangli elitum apharman si thilo. Athema nangli lapen neli akechokche akam keklem kedo kok pen apot.
Jisu kethi pen amat le alangli tomo ta kejut lo lapu kali. Arnam alangliphan kethitang pen pethur thu lo. Alangli sangho atum alangli phan thek long lo, lapen arni si arni alangli sining chedam thulo.
Pini alangli nanllitum phan nang thed long un lapen nangli se arju long un. Alangli nangli tum aphan kado kave alam chini pet lapen mathaver. Karoom pen alangli dung vang non.
Nangli akesung lapen akeduk an alangli phan than non. Alangli nangli phan kerap jisi chesik dinglo. Nangli phu chedongdikra alangli phan aling apor aling adim pen sitame ingduk pen ardom non.
Mo arni si alangli ako vangthuji ! Alangli phan kekroi atum an aphan sining hem rengme cheponji.
