“Gospel Tract and Bible Society es flietich de biblische Bootschoft von de Erleesunk met aule Lied weltwiet mettodeelen. Wie achten opp daut jeschräwne Wuat, un brucken eefache Traktaten (Hefta). Dise Traktaten erkjläaren waut de Bibel ons sajcht von de Erleesunk, daut Läwen von Jesus Christus, en daut Christliche Läwen. Onse Traktaten sent opp onse Webstäd to läsen, un Väl von dee sent uk en Audio-Format.

Onse Organisazion woat jedräwen von Friewelje, dee daut Ziel haben, de Menschen dän Wajch von de Erleesunk derch Jesus Christus to wiesen. Wie haben Friewelje Missionoaren, dee doa halpen met dee Traktaten to Drekjen un uttodeelen en Nuadamerika, Siedamerika, Afrika, Europa, un Asien. See sent uk wellich tom auntwuaten wan äant wäa aunroopt un Froagen haft.

Wie haben twee Offitzen, eene en Kansas, USA, un dee aundre en Manitoba, Canada. Dise Offitzen behaundlen mieeschtens onse Unjahoolungen, Bestalungen, un daut rutschekjen. Onse Oabeida sent met veschiedne Sproaken bekaunt. Dee schaufen daut notokomen met dee Traktaten to drekjen un äwa de gaunse Welt ruttoschekjen.

Onse Traktaten beschriewen Teemasch soo aus Christlichet Läwen, Jesus, moralische Omstend, Fräd, Famieljeläwen, Sind, de Tookunft un soo wieda. Wie beeden mea aus 100 Traktaten en Enjlisch aun, un väl von dee sent aul en mea aus 80 Sproaken äwasat. "