Title here
Summary here
Weetst du daut doa Wäa es waut aules omweet von die? Jesus, Gottes Sän weet aules waut du jeemols jedonen hast. Hee haft de Welt jemoakt un aules waut oppe Welt es. Hee weet de Vegonenheit, de Jäajenwuat un de Tookunft. Hee haft ne Leew fa die un kjeem no dise Welt om die to raden von diene Sinden. Hee haft een Plon fa dien Läwen toom die Freid brinjen.
En de Heilje Bibel läs wie: „Un ekj sach de Doodes, kjlien un groot, ver Gott un dän Troon stonen, un doa worden Bieekja opjemoakt. Dan wort noch een Buak opjemoakt, un daut wia daut Läwensbuak. Un de Doodes worden doano jerecht, waut en dee Bieekja von äare Woakjen jeschräwen stunt“ (Openboarunk 20,12). Dit es bewies daut Gott Räakjnunk helt.
Jesus Dien Frint Ekj hab een Frint. Hee es de basta Frint waut ekj jeemols jehaut hab. Hee es soo leeftolich un tru daut mie daut sea jefaulen wudd, wan du Am uk kjanen wurscht. Sien Nomen es Jesus. Un daut wundascheene Dinkj es daut Hee uk jleichen wudd dien Frint to sennen. Lot mie die emol von Am vetalen. Wie läsen dise Jeschicht en de Bibel. De Bibel es de Woarheit. Daut es Gott sien Wuat.
De Bibel jeft ons dän Plon fa een Heim waut schmock jeplont un stoakj jebut es, un waut uk een frooet benämen haft. Daut Heim kaun ne Städ sennen wua Eenichkjeit un Tofrädenheit es, ooda een Heim wua Zank un Striet es. Es jun Heim froo un stoakj; kaun daut derch de Storms em Läwen bestonen bliewen?
Best du ne frooe Persoon? Ooda vedoaft de Schult un Angst aul diene Freid? Du wurscht jleichen diene Schult aula loos to woaren, oba woo? Du muchst wundren, „Woa ekj jeemols wada froo kjennen sennen?“ Ekj hab goode Norecht fa die! Doa es Eena dee die halpen kaun, Dee die diene Sinden vejäwen kaun, un Dee die bliewende Freid kaun schenkjen. Sien Nomen es Jesus. Lot mie die von Am vetalen. Gott es Deejanja, dee de Welt jemoakt haft. Hee haft uk aules jemoakt waut enne Welt es. Hee haft uk die un mie jemoakt.
„Fräd, jo wua es Fräd fa ons Launt, onse Heims, un väl mea fa ons Hoat un ons Jemiet?“ Dit vezoagde Jeroop es derch aule Tieden lud to hieren jewast. Es dit uk wua diene Seel no schricht? Menschen sent foaken meed un beduat. Onen twiewel fält doa Rechtunk, Rot, Sechaheit un Toovetruen. Ons fält daut aun Fräd, un däm well wie uk haben. Frädlichet Jewessen, waut fa een kjestlicha Schauz! Kaun dis Schauz äwahaupt jefungen woaren wua soo väl Oneenichkjeit, Vetwiewlunk, Striet un Trubbel es?
Waut es Angst? De Forcht Gottes Forcht äwa de Tookunft De Angst äwa Fälschlach Forcht fa Lieden Forcht fa dän Doot Angst es een plietscha Fient dee de Menschen en jieda Rauss uk en irjent een Ella, un en aule Wäaj em Läwen bedrenjt. Angst es lestich un brinjt tonicht, moakt onse jedanken orrein, nemt onsen ennalichen Fräd wajch un bedrekjt onsen Moot toom Läwen. Dee moakt ons nerwees, onwool, oppjeräacht, vestieet, vedrisslich, wuttich un mootloos—waut vonne schlajchte jefeelen, dee kjeena haben well!
„Lot de kjliene Kjinja no mie komen un hoolt dee nich trigj; wiels soone jrod jehieet daut Gottesrikj“ (Markus 10:14).
Jesus sajcht ons daut de Himmelsdäa woat nich op sennen fa dee waut nich wadajebuaren sent. Doawäajen froag wie: Frint, best du wadajebuaren? Kjoakjen Jliet, best du wadajebuaren? Wan nich, dan best du noch veloaren. Wiels Jesus sajcht: „Wäa nich noch eemol jebuaren es, kaun Gott sien Rikj nich seenen” (Johanes 3,3).