“សមាគម​ខិត្តប័ណ្ណដំណឹងល្អនិងព្រះគម្ពីរប៊ីប បានប្ដេជ្ញាចិត្តចំពោះការផ្សាយពីព្រះរាជសារនៃសេចក្ដីសង្គ្រោះទៅមនុស្សគ្រប់ជាតិសាសន៍នៅលើពិភពលោក។ បេសកកម្មសំខាន់របស់ពួកយើង គឺផ្សាយពីព្រះបន្ទួលនៃព្រះគម្ពីរដោយចែកចាយខិត្តប័ណ្ណតូចៗ។ ខិត្ដប័ណ្ណទាំងនេះពន្យល់ពីអ្វីៗដែលព្រះគម្ពីរបានចែងអំពីសេចក្ដីសង្គ្រោះ ជីវិតរបស់ព្រះយេស៊ូវគ្រីស្ទ ហើយជីវិតរបស់គ្រីស្ទបរិស័ទ។ មានប្រជុំអត្ថបទនៅគេហទំព័រយើងសម្រាប់អាន ក៏មានសំឡេងខ្សែរអាត់ជាច្រើននៃអត្ថបទទាំងនោះផងដែរ។ អង្គការរបស់យើងដំណើរការដោយពួកអ្នកស្ម័គ្រចិត្ដដែលមានចក្ខុវិស័យមួយ គឺចង្អុលបង្ហាញមនុស្សទាំងអស់ទៅកាន់ផ្លូវនៃសេចក្ដីសង្រ្គោះតាមរយៈព្រះយេស៊ូវគ្រីស្ទ។ ការងាររបស់ពួកបេសកជនស្ម័គ្រចិត្ត គឺជួយការបោះពុម្ព និងចែកចាយខិត្តប័ណ្ណនៅទ្វីបអាមេរិកខាងជើង អាមេរិកខាងត្បូង អាហ្រ្វិក អឺរ៉ុប និងអាស៊ី។ ពួកគេក៏អាចទាក់ទងជាមួយនឹងអ្នក ដែលមានសំណួរនៅកន្លែងដែលពួកគេរស់នៅផងដែរ។ សមាគមមានទីស្នាក់ការកណ្ដាលពីរ មួយ​នៅ​រដ្ឋ Kansas សហរដ្ឋ​អាមេរិក ហើយ​មួយ​ទៀត​នៅ Manitoba ប្រទេស​កាណាដា។ ការិយាល័យនៅទីស្នាក់ការទាំងពីរនោះ ធ្វើការទំនាក់ទំនងជាច្រើនជាមួយនឹងពួកអ្នកផ្សាយខិត្តប័ណ្ណ បញ្ចូលពាក្យស្នើសុំ ពួកយើងនឹងផ្ញើរទៅឱ្យ។ បុគ្គលិករបស់ពួកយើងមានទំនាក់ទំនងយ៉ាងល្អតាមរយៈភាសានានា ដោយជួយដោះស្រាយបញ្ហាប្រឈមផ្សេងៗជាមួយនឹងការបោះពុម្ព ហើយបញ្ជូនខិត្តប័ណ្ណរបស់ពួកយើង ទៅកាន់ពិភពលោកទាំងមូល។ ខិត្តប័ណ្ណរបស់យើង ពន្យល់ពីប្រធានបទដូចជា៖ ជីវិតគ្រីស្ទបរិស័ទ ព្រះយេស៊ូវគ្រីស្ទ បញ្ហាខុសក្រមសីលធម៌ សន្តិភាព ជីវិតក្រុមគ្រួសារ អំពើបាប និងអនាគតកាល។ យើងផ្តល់ជូនជាង១០០ខិត្តប័ណ្ណខុសៗគ្នាជាភាសាអង់គ្លេស ដែលត្រូវបានបកប្រែជាង៨០ភាសា។”