ကြောက်ရွံ့ခြင်းဆိုသည်မှာအဘယ်နည်း
ဘုရားသခင်ကိုကြောက်ရွံ့ခြင်း
အနာဂတ်ကိုကြောက်ရွံ့ခြင်း
ကျရှုံးခြင်းကိုကြောက်ခြင်း
ဒုက္ခဆင်းရဲခြင်းကိုကြောက်ရွံခြင်း
သေခြင်းတရားကိုကြောက်ရွံ့ခြင်း
ကြောက်ရွံ့ခြင်းဆိုသည်မှာအဘယ်နည်း
ကြောက်ရွံ့ခြင်းသည် လျှို.ဝှက်သောရန်သူကဲ့သို့ဖြစ်၏။ ခေတ်ကာလ အဆက်ဆက်နှင့် လူမျိုး အဆက်ဆက်တိုင်းနှင့် ခပ်သိမ်းသော လူသားတို့ ဘဝထဲသို့ ဝင်ရောက်ကျုးကျော်ပြီး အနှောင့်ယှက်ပေးလျက်ရှိနေပါသည်။ ယင်းကြောက်ရွံ့
ခြင်းသည် လိမ်မာပါးနပ်ပြီး လွန်စွာ ဖျက်ဆီးစေတတ်သည်။လူသားတို့ စဉ်:စားဉာဏ်ထဲသို့ အဆိပ်အတောက်သဖွယ်
ပျံ့နှံ့လျက်နေ၏။ လူတို့၏ ငြိမ်သက်ချမ်းသာခြင်းကို လုယူသိမ်းပိုက်သည့် အတွက် လူသားတို့၌ ပျော်ရွှင်သောဘဝဖြင့် အသက်ရှင်သန်ရေးအမှုများမှာ တစ်စတစ်စ ပျောက်ကွယ် သွာ:စေပါသည်။ ယင်းသည် ကျွန်ုပ်တို့ကို စိုးရိမ်ပူပန်သော
သူများအထိတ်တလန့်ဖြစ်သောသူများ စိတ်ဝေဒနာရှိသောသူများ၀မ်းနည်းသောသူများနှင့် သူရဲဘောနည်းသောသူများ ဖြစ်စေ၍ အဆင်မပြေမှုများ နှင့် မလိုလားအပ်သော အရာများကိုသာ ခံစားစေပါသည်။ ကျွန်ုပ်တို့သည် ရှုပ်ထွေးသည့် အမှုကိစ္စများ! အပြောင်းအလဲများ! ကျရှုံးမှုများနှင့် စိတ်ပျက်စရာ အမှုများကို ကြောက်ရွံ့ တတ်ကြပါသည်။ လူတစ်ချို့
တို့သည် ဖျားနာခြင်းနှင့် ဒုက္ခဆင်းရဲခြင်းတို့ကို ကြောက်ကြ၏။ တစ်ချို့တို့မှာ သူတို့ချစ်ရသောသူတို့အပေါ်သို့ ထိခိုက် နှစ်နာမှုများကျရောက်မည်ကို ကြောက်ကြသည်။ တစ်ချို့တို့မှာ တခြားသောလူများနှင့် အခြားသောခံယူချက်များကို ကြောက်ကြသည်။ အခြားသောသူတို့မှာ အမှောင်(သို့) အထီးကျန်ခြင်းကို ကြောက်ကြသည်၊ များစွာသော လူတို့သည် သေခြင်းနှင့် သေပြီးနောက် သူတို့မသိရှိနိုင်သော အရာများနှင့် ရင်ဆိုင်တွေ့ဆုံရမည့် အဖြစ်ကို ကြောက်နေကြသည်။
မိမိ၏ ကယ်တင်ခြင်းအပေါ် စိတ်ချမှုမရှိဟု ကြောက်ရွှံ့သောသူများ (သို့) မိမိတို့၏ အပြစ်ဒုစရိုက်များကို ဘုရားသခင် ခွင့်မလွှတ်မည်ကို ကြောက်ရွှံ့သောခရစ်ယာန်များစွာ ရှိကြပါသည်; သူတို့သည် သေခြင်းကိုသာ ကြောက်ရွှံ့ ကြသည် မ
ဟုတ် အသက်ရှင်ခြင်းကိုပင် ကြောက်ရွှံ့သူများဖြစ်ကြသည်။ကြောက်ရွှံခြင်းသည် ကျွန်ပ်တို့ စိတ်နှလုံးထဲသို့ ဖြည်းညှင်း စွာနှင့် တိတ်ဆိတ်စွာဖြင့် ဝင်ရောက်လာ၍ ကျွန်ပ်တို့သည် ယင်း၏ဖျက်ဆီးမှုဖြင့် လွှမ်မိုးခြင်:ခံရသော သားကောင်များ ဖြစ်လာကြသည်ကိုသိရှိနားလည်နိုင်ရန်ပင် မတတ်နိုင်ကြပေ သေးငယ်သော ကြောက်ရွှံ့ခြင်းဖြစ်စေကာမူ ရေထည့်ထား သော ဖန်ခွက်ထဲသို့ အရောင်ဆိုးဆေး တစ်စက်မျှချရုံဖြင့် ရေအားလုံး အရောင်းအဆင်းပြောင်းလဲသွားဘိသကဲ့သို့ ပင်ဖြစ် ပါသည်။ ယင်းအနည်းငယ်မျှသော ကြောက်ရွံ့ခြင်းသည် ရပ်တန့်မသွားဘဲ ပျော်ရွှင်စရာကောင်းသော ဦးတည်ချက်လမ်း ကြောင်း ကိုပင် ပျောက်ဆုံးစေနိုင်ပါသည်ကျွန်ုပ်တို့၏ ဘ၀အသက်တာသည် အလွန်ရှုပ်ထွေးလှပါသည်။ ကမ္ဘာလောက၏ ဆိုးရွားမှုသည် ပြင်းထန်လှပါသည် သို့သော် အပြင်သဏ္ဍာန်၏ ဒုက္ခဆင်းရဲခြင်းကြောင့် အတွင်းသဏ္ဍာန်ဉ္ခ်ရှိသော ငြိမ်သက် ခြင်းကို မဖျက်ဆီးစေသင့်ပေ။ ယင်းသည် ကျွန်ုပ်တို့ ရင်ဆိုင်ကြရမည့် အတွင်းသဏ္ဍာန်နှင့်ဆိုင်သောကြောက်ရွံ့ခြင်း ပင်ဖြစ် ပါသည်။ကျွန်ုပ်တို့၏ လိုအပ်ချက်များကို မတွေ့ ရှိရကြသည့်အချိန်ဉွ် ကြောက်ရွံ့ခြင်း ဝင်ရောက်လာတတ်ပါသည်။ ကျွန်ုပ်
တို့ ဝိညာဉ်သည် ဘုရားသခင်၏ ပုံသဏ္ဍာန်တော်နှင့်အညီ ဖန်ဆင်းထားသည်ဖြစ်၍ ထာဝရဘုရားသခင်ကို တောင့်တနေ တတ်ကြခြင်း ပင်ဖြစ်ပါသည်။ ကျွန်ုပ်တို့သည် ဘုရားသခင်နှင့် ကင်းကွာသောအခါ ကြောက်စိတ် ဝင်ရောက်လာ သဖြင့် အသက်တာ ရှုပ်ထွေးပြီးကြောက်ရွံ့ခြင်းများနှင့် ပြည့်နက်လာတတ်ပါသည်။ စာတန်မာရ်နတ်သည် ကျွန်ုပ်တို့၏ ကြောက်ရွံ့ ခြင်းကို အခွင့်ကောင်း ယူလျက် ကျွန်ုပ်တို့၏ဘဝအသက်တာကို အပြည့်အဝ အသုံးချပါသည်။ စာတန်သည် ခပ်သိမ်းသော အခွင့်အရေး ရှိသမျှတို့၌ ယင်းတို့ကိုပြင်းထန်စေပြီး ယင်းကိုပို၍ စစ်မှန်သည်သကဲသို့ ပို၍ယုတ္တိရှိသည် သကဲ့သို့ ဖန်တီး နေ ပါသည်။ကျွန်ပ်တို့၏ လမ်းသည်မှောင်သထက်မှောင်လာ၍ ကျွန်ပ်တို့စိတ်နလုံး၏ ဝန်ထုတ်ဝန်ပိုးတို့သည် လွတ်မြောက်ခြင်း တည်းဟူသော မျှော်လင့်ခြင်း အားလုံးကို ဆုံးရူံးလာသည်အထိ လေးလံသထက် လေးလံစေပါသည်။ စာတန်မာရ်နတ်သည် မှောင်မိုက်ထဲတွင် အလုပ်လုပ်ပါသည် သူသည် အလင်း၌ အလုပ်မလုပ်ပေ။ အကြောင်းမှာ “ဘုရားသခင်သည် အလင်း ဖြစ် တော်မူ၏။ ဘုရားသခင်၌ မှောက်မိုက်အလျှင်းမရှိ (၁ယော-၁:၅)” သောကြောင့်ဖြစ်ပါသည်စာတန်မာရ်နတ်သည် ကျွန်ုပ်တို့ အားနည်းချက် များကို သိသည်ဖြစ်၍ ယင်းနေရာများတွင် အထင်အမြင်နှင့် ကြောက်ရွံ့ခြင်း တို့ကိုသွင်းပေးနေပါသည်။ သူသည် သမ္မာတရားကို ပယ်ဖျက်ရန်နှင့် ကျွန်ပ်တို့ ဘ၀အသက်တာကို ရှုပ်ထွေးစေဖို့ရန်အတွက် ရှာဖွေနေသူဖြစ်ပါသည်။ ထိုအရာများကို မှောင်မိုက်သော ကျွန်ပ်တို့၏ စိတ်နှလုံးထဲတွင်သိမ်းဆည်းထားကြလျှင် စာတန်မာရ်နတ်သည်စိတ်ပျက်ခြင်း နှင့် ကြောက်ရွံ့ခြင်းတည်းဟူသော သူ၏ ဆိုးညစ်သောအလုပ်ကို ဆက်လက် လုပ်ဆောင်သွားမည်ဖြစ်ပါသည်။ အကယ်၍
ကျွန်ုပ်တို့သည် အလင်းနှင့် ထိတွေ့စေနိုင်လျှင်မူကား သူ့ကို အောင်နိုင်ကြမည်ဖြစ်ပါသည်, သူ၏တန်ခိုးကိုလည်း ဖယ်ရှား
နိုင်မည်ဖြစ်ပါသည်
ဘုရားသခင်ကိုကြောက်ရွံ့ခြင်း
အပြစ်တရားက ဆိုးညစ်သောလူ့ဘ၀အသက်တာသည် ဘုရားသခင် မနှစ်သက်သောအရာဖြစ်သည်ဆိုသောအသိတရားကို ရရှိစေပါသည်။အာဒံနှင့် ဧဝတို့သည် ဥယျာဉ်အလယ်ဥွ်ရှိသောအပင်၏အသီးကိုမစားရန် ဘုရားသခင် ပညတ်တော်မူခဲ့ပါသည်။ သို့သော် ယင်းပညတ်ချက်ကို မလိုက်နာရန် စာတန်မာရ်နတ်၏ အကြံပေးချက်ကိုလက်ခံ၍ မာရ်နတ်၏ သွေးဆောင်လှည့်ဖြား ခြင်းထဲသို့ လိုက်ပါသည့်အရာသည် အင်မတန်ဝမ်းနည်းစရာကောင်းသော နေ့ရက်ပင် ဖြစ်ပါသည်။မနာခံခြင်း(သို့)ဘုရားသခင် ၏ ပညတ်တော်ကို မနာခံခြင်းအားဖြင့် သူတို့သည် အပြစ်ထဲသို့ ကျရောက်ပြီး ဘုရားသခင်၏ မျက်မှောက်တော်မှ လွတ်ဖို့ရန် အတွက် ဥယျာဉ်အပင်တို့ ကြားတွင် ပုန်းကွယ်ခဲ့ကြပါသည်။ ညနေ အေးချိန်တွင် ဘုရားသခင်က သူတို့ကို ခေါ်တော်မူသော အခါ “ကိုယ်တော်၏ အသံကို ကျွန်တော်ကြားလျှင် ကြောက်၍ ပုန်းလျက်နေပါသည် (ကမ္ဘာ-၃:၁၀)” ဟု လျှောက်ခဲ့ပါသည်။ ထိုအချိန်မှစပြီး ခပ်သိမ်းသော လူသားအားလုံးတည်းဟူသော အာဒံမျိုးစဉ်မျိုးဆက်သည် ယင်းအပြစ်တရား၏ အရိပ်အောက် ၌ ကျရောက်လာခဲ့ပြီးဖြစ်၏။ ယင်းသည် ဘုရားသခင်၏ အပြစ်ဒဏ်စီရင်ခြင်းကို ကြောက်ရွံ့ခြင်းပင်ဖြစ်၍ လူပုဂ္ဂိုလ် တစ်ဦး သည် မိမိအပြစ်မှ နောင်တရခြင်းအားဖြင့် ကြောက်ရွံ့စိတ်ကို ပယ်ရှားမည် ဆိုပါက ထိုသူ၏ ဘဝအသက်တာ အပေါင်း လက္ခ ဏာ ဆောင်သော ခွန်အားများ ရရှိလာမည် ဖြစ်ပါသည်။ “ထာဝရဘုရားကို ကြောက်ရွံ့သော သဘောသည် ပညာ၏အချုပ် အခြာ(ပညာ၏အစမူလ)(ဆာလံ-၁၁၁:၁၀)” ဖြစ်၏။ ၎င်းသည် မှန်ကန်သည့်ချစ်ကြောက် ရိုသေသောသဘောပင်ဖြစ်ပါသည်။ ကျွန်ုပ်တို့သည် ဘုရားသခင်၏ ကြီးမြတ်ခြင်း၊ဖြောင့်မတ်ခြင်း၊ အပြစ်ဒဏ် စီရင်ခြင်းချစ်ခြင်း၊ သနားခြင်းကရုဏာ၊ပညာတော် နှင့် သူ၏ထာဝရဖြစ်ခြင်း အဖြစ်တော် ဇာတိများကို တစ်စိတ်တစ်ပိုင်း မျှလောက်သာသိနိုင်ကြပါသည်။ သူသည်သဗ္ဗညုတ ဉာဏ် နင့် ပြည့်စုံသောသူ၊ အနန္တတန်ခိုးနှင့် ပြည့်စုံသောသူနှင့် တစ်ကြိမ်တည်း၌ ခပ်သိမ်:သောနေရာတွင် ရှိတော်မူသောသူ ဖြစ်တော်မူပါသည်။ ကျွန်ုပ်တို့၏ ဖြစ်တည်ခြင်း အရာအားလုံး သည် သူ၏လက်တော်၌ရှိပြီး ကျွန်ုပ်တို့အားလုံးသည် ရှေ့တော် ၌ သူဖန်ဆင်းထားသော သတ္တဝါများ ဖြစ်ကြသည်ကို ကျွန်ုပ်တို့သဘောပေါက်နားလည်ရပါသည် ထို့ကြောင့် ဘုရားသခင်၏ စိတ်တော်နှင့် မတွေ့မိကြမည်ကို ကျွန်ုပ်တို့ ကြောက်ရွံ့ ကြခြင်:ဖြစ်ပါသည်။
ဘုရားသခင်၏ ဖြောင့်မတ်ခြင်းသည် အပြစ်၌ အသက်ရှင်သောသူများကို ငရဲမီးအိုင်ထဲသို့ ပစ်ချမည်ဟု ကျွန်ုပ်တို့ သိရှိ ရသည်မှာ အကြောင်းမူကား သမ္မာတရားကို သိပြီးမှ ကိုယ်အလိုသို့လိုက်ရ၍ ပြစ်မှားပြန်လျှင် နောက်တဖန် အပြစ်ဖြေသော ယဇ်ကိုပူဇော်ရာ အခွင့်မရှိဘဲ ပြစ်ဒဏ်စီရင်ခြင်းကို ခံရမည်ဟု ကြောက်ရွံ့ဖွယ်သော မျှော်လင့်ရသော အကြောင်း ငြင်းဆန် သောသူတို့ကိုဖျက်ဆီးဖို့ရာ အမျက်တော်မီးလောင်ခြင်းကိုခံရသောအကြောင်းရှိ၏ (ဟေဗြဲ-၁၀:၂၆-၂၇)” ဟု လာသော ကြောင့်ဖြစ်ပါသည်။ ၎င်းအသိတရားသည် အပြစ်ကို ကြောက်ရွံ့စေပါသည်။ ကျွန်ုပ်တို့သည်ဘုရားသခင်ကို ကျွန်ုပ်တို့ မိတ်ဆွေကဲ့သို့ သိရှိဖို့ရန်အတွက် နောင်တရခြင်း၊ ခွင့်လွှတ်ခြင်းနှင့် နာခံခြင်းရှိလာကြသောအခါ ဘုရားသခင်၌ ကျွန်ုပ်
တို့ အစေခံခြင်းအမှု သည်လည်း ဘုရားသခင်ကို ချစ်ကြောက်ရိုသေခြင်း အားဖြင့်၎င်း၊ ချစ်ခြင်းမေတ္တာအားဖြင့်၎င်း ပြောမပြနိုင်သော သူ၏ကယ်တင်ခြင်း ဆုကျေးဇူးအားဖြင့် ကျွန်ုပ်တို့ကို ခွန်အားရရှိစေပါသည်1 “ချစ်ခြင်း မေတ္တာသည် ကြောက်ခြင်းသံဝေဂ နှင့် မပေါင်းနိုင်ရာ၊ သံဝေဂသည် ပူပန်ခြင်းဝေဒနာကို ဖြစ်စေသောကြောင့် စုံလင်သော မေတ္တာ
သည် သံဝေဂကို ပယ်ရှားတတ်၏ သံဝေဂ(ကြောက်ရွံ့ခြင်း) ရှိသောသူသည် မေတ္တာနှင့်မပြည့်စုံသေး”(၁ယော-၄း၁၈)။ ဘုရားသခင်အပေါ်၌ ကျွန်ုပ်တို့၏ ကြောက်ရွံ့ခြင်းသည် ကျွန်ုပ်တို့ စိတ်နှလုံးကို ခိုက်ရန်ပြုစေသော အရာမဟုတ်ပေ၊
သို့သော် ဘုရားသခင်အပေါ်၌ ကျွန်ုပ်တို့၏ ချစ်ခြင်းမေတ္တာ ကိုပို၍ နက်ရှိုင်းစေသော အရာဖြစ်ပါသည်။ ၎င်းကို ကျွန်ုပ်တို့
၏ အသက်တာ၌ အပြည့်အဝအသုံးချလျှင် အခြားသောအရာ အားလုံးကို အောင်မြင်နိုင်မည်ဖြစ်ပါသည်( ထို့ကြောင့် မိမိ၏ စိတ်နှလုံးကို ဒုက္ခရောက်စေ၍ မိမိ၏ ဘဝအသက်တာလမ်းခရီးကို မှောင်မိုက်စေခြင်းငှါ များစွာသောကြောက်ရွံ့ခြင်းမိုးတိမ်
ကို အဘယ်ကြောင့် အဝင်ခံကြမည်နည်း။ ဘုရားသခင်၏ လမ်းတော်သည်ငြိမ်သက်ခြင်းနှင့် ယုံကြည်ကိုးစားခြင်း လမ်းပင် ဖြစ်ပါသည်။ ဥပမာအားဖြင့် ညအမှောင်ထဲတွင် တစ်ယောက်တည်း လမ်းမလျှောက်ရဲသော သူငယ်တစ်ယောက် နှင့် တူပါ သည်။ သူ့ဖခင်သည် သူနှင့်အတူ လျှောက်လာပြီး သူ့လက်ကို ဆွဲကိုင်သောအခါ ထိုသူငယ်၏ ကြောက်ရွံ့ခြင်း အားလုံး ပျောက်ကွယ်ခဲ့ရပါသည်။ မှောင်မိုက်သည် ကြောက်ရွံ့ခြင်းကို မဖြစ်စေနိုင်တော့ပေ။ ထိုသို့ဖြစ်ရခြင်းမှာ သူငယ်သည် သူ၏ ဖခင်ကို ချစ်ပြီး ယုံကြည်စိတ်ချသောကြောင့်ဖြစ်ပါသည်။ ထို့အပြင် သူ့ဖခင်သည် သူ့ကို ဂရုစိုက်မည်ကို သူငယ် သိသော ကြောင့်ဖြစ်ပါသည်။ ယင်းသည် ကျွန်ုပ်တို့အတွက် ကြောက်ရွံ့ခြင်းမှ လွတ်မြောက်ရန် အဓိကသော့ချက်ပင်ဖြစ်ပါသည် ကျွန်ုပ်တို့သည် ကောင်းကင်ဘုံ၌ ရှိတော်မူသော အဖခမည်းတော်ကို ကောင်းမွန်စွာ သိဖို့ရန် သင်ယူရပါမည်။ ထိုဘုရား သခင်ကို ကျွန်ုပ်တို့သိကျွမ်းလာသောအခါ ကျွန်ပ်တို့ ဘဝအသက်တာကို လုံးလုံးယုံကြည် စိတ်ချလာ၍ ကျွန်ုပ်တို့သည် လုံခြုံစိတ်ချစွာဖြင့် သူ့အထံတော်သို့ ကျွန်ုပ်တို့၏ လက်ကို ကမ်းလှမ်းပေးနိုင်ကြမည်ဖြစ်ပါသည် ကျွန်ုပ်တို့၏ ဘဝအ သက် တာ၌ ကပ်ဆိုးရောဂါကဲ့သို့ဖြစ်သော ဝမ်းနည်းပူပန်ခြင်းများသည် ကျွန်ုပ်တို့ကို မျှော်လင့်ချက်ကင်းမဲ့ရာသို့ ကျရောက် စေ မည့်အမှုအရာများကို ဘုရားသခင်ထံ နှိမ့်ချစွာဖြင့် ပြောပြနိုင်ကြမည်ဖြစ်ပါသည်။ လေမုန်တိုင်း ပြင်းထန်နေသော ဂါလိလဲ အိုင်ပေါ်မှာ ယေရှုမိန့်တော်မူခြင်းအားဖြင့် ရေပေါ်တွင်လျှောက်လှမ်းနိုင်ခဲ့သော တမန်တော် ရှင်ပေတရု၏ ပုံသက်သေကို လည်း ကျွန်ုပ်တို့ တွေ့ရှိနိုင်ပါသည်။ ပေတရုသည် သခင်ယေရှုကို ကြည်ရှုပြီး ရေပေါ်တွင် လျှောက်သွားသည့်အချိန်၌ ကြောက်ရွံ့ ခြင်း မရှိခဲ့ပေ; သို့သော် သူသည် ကြောက်စရာကောင်းသော ရေလှိုင်းကို ကြည့်သောအခါ ကြောက်ရပြီး နစ်မွန်းလုနီးပါးဖြစ်ခဲ့သည်(မ-၁၄:၂၄-၃၁)။ ကျွန်ုပ်တို့သည် ကြောက်ရွံ့ခြင်းမှ လွတ်မြောက်ခြင်းရရှိရန် ရှာဖွေကြသည်နှင့် ဘုရားသခင်၌ ကျွန်ုပ်တို့၏ ယုံကြည်ကိုးစားခြင်းကို ပေးအပ်သောအခါ ဘုရားသခင်၏ ဝိညာဉ်တော်သည် ကျွန်ုပ်တို့ကို တိတ်ဆိတ်ညင်သာစွာဖြင့် စကားပြောတော်မူမည်ဖြစ်ပါသည်( ကျွန်ုပ်တို့သည် ကြောက်ရွံ့ခြင်:အမှုများထက် ဘုရားသခင်ကို သာ မျှော်ကြည့်ကြလျှင် ဘဝအသက်တာ၌ လေပြင်းမုန်တိုင်းများသည် ကျွန်ုပ်တို့အတွက် ငြိမ်သက် သွားမည်ဖြစ်သည်။ ထိုသို့ ဘုရားသခင်သည် ကျွန်ုပ်တို့၏ ရှုပ်ထွေးသော အမှုအရာများအတွက် ဖြေရှင်းပေးတော်မူသောအခါ ကျွန်ုပ်တို့ ယုံမှားတတ် သော သံသယအစား ယုံကြည်စိတ်ချမှုအဖြစ်အစားထိုးပေးတော်မူပြီးအထံတော်၌ကျွန်ုပ်တို့လက်ကိုနှစ်သိမ့်စွာဖြင့် လက် ကမ်းပေးနိုင်ကြမည်ဖြစ်၏။ ကျွန်ုပ်တို့သည် ဘုရားသခင်၏ ကျေးဇူးတော်အားဖြင့် ကြီးမားစွာ ပျက်စီးစေတတ်သော ကြောက်
ရွံ့ခြင်း၏အကျိုးဆက်များကို အောင်မြင်နိုင်ကြမည်ဖြစ်ပါသည်။
အနာဂတ်ကိုကြောက်ရွံ့ခြင်း
လျှို့ဝှက် နက်ရှိုင်းလှသော အနာဂတ်၏ အကြောင်းကို မသိရှိရမှုကြောင့် တစ်ချို့သော လူတို့သည် မပျှော်ရွင် နိုင်ကြပေ။ မနက်အိပ်ယာမှ ထသောအခါ မခန့်မှန်းနိုင်သော နေ့ဖြစ်သည်ကို သတိရတတ်ကြသည်။ သူတို့၏ စိတ်နှလုံးသည် စိုးရိမ် ပူပန်စရာကောင်းသော စိတ်ကူးမှောင်မိုက်ချိုင့်ထဲသို့ ပြေးဝင်သောကြောင့် “ဒီလိုဖြစ်ရင်” ဟူသော ဒုက္ခကိုရင်ဆိုင် ကြရသည်။ “ အဘယ်အမှုအရာမျှ စိုးရိမ်ခြင်းမရှိဘဲ အရာရာ၌ ကျေးဇူးတော်ကို ချီးမွမ်းခြင်းနှင့်တကွ ဆုတောင်းပဋ္ဌနာ ပြုသောအားဖြင့် သင်တို့ တောင်းပန်လိုသော အရာများတို့ကို ဘုရားသခင်အား ကြားလျှောက်ကြလော့ ” (ဖိလိ-၄း၆)။ အနာဂတ်အရာတို့သည် ဘုရားသခင်၏ လက်တော်၌ရှိသည်ကို ယုံကြည်ကိုးစားခြင်းအားဖြင့် ယင်းမသိရှိနိုင်သော ဝန်ထုပ် ဝန်ပိုးကို ဘုရားသခင်ထံ
ကျွန်ုပ်တို့ လက်မြောက်အရှုံးပေး ရပါမည်။ ကြိုးစားအားထုတ်၍ ဤအရာများကို သင်နားလည် သင့်ပေသည်။ မိမိတို့၏ ဘဝ အသက်တာ၌ မှားယွင်းသော ဦးတည်ချက်များကြောင့် အနာဂတ်အတွက် စိုးရိမ်ပူပန်ကြောက်ရွံ့ခြင်းများစွာ ရှိနေခြင်းဖြစ်ပါ သည် မည်သည့်အရပ်နေရာသို့ သွားကြသည်ကို သူတို့မသိ၊ သူတို့၏ စိတ်လေး ရင်လေးစရာ အတွေးများစွာ ရှိနေပေသည်။ ဘုရားသခင်သည်အနာဂတ်တွင် မည်သည့်အရာများဖြစ်မည်ကို သိတော်မူသည်ဖြစ်၍ ထိုသူတို့သည် ဘုရားသခင် လမ်းပြဦး ဆောင်မှုကို လက်ခံကြလျှင်မူကားသူတို့၏ ဘဝအသက်တာ ခရီးသည် ရည်ရွယ်ချက် မရှိသောခရီး မဟုတ်တော့ဘဲ ဘုရား သခင်၏ အိမ်တော်သို့ ဦးတည်သော ရည်ရွယ်ချက်ဖြင့်ပြည့်ဝသည့် လမ်းခရီးဖြစ်လာမည်ဖြစ်သည်။မသိရှိနိုင်သော အနာဂတ် အရာနှင့် ရင်ဆိုင်နေရသော်လည်း ဘုရားသခင်သည် သူ့ကို ယုံကြည်ကိုးစားသောသူတို့၏ သစ္စာရှိမည်ဟု ကတိတော် ပေး ထားခဲ့ပြီးဖြစ်သည်။ သင်ယုံကြည်ပါသလား? မည်ကဲ့သို့သော ပြင်းထန်သည့် လေပြင်း မုန်တိုင်း(သို့)မှောင်မိုက်(သို့) မြင့်စွာ သော တောင်ဖြစ်ပါစေ။ ကိုယ်တော်သည် ထိုအရာများကြားမှ သင့်ကိုကူမတော်မူလိမ့်မည်။
ကျရှုံးခြင်းကိုကြောက်ရွံ့ခြင်း
ကျွန်ုပ်တို့သည် အောင်မြင်လိုချင်သော ဆန္ဒရှိကြပါသည်။ သို့သော် ကျွန်ုပ်တို့သည် မိမိကိုယ်ကိုသော်၎င်း၊ အိမ်ထောင် မိသားစုကို၎င်း မိမိဘဝအသက်တာကို၎င်း၊ ကျရှုံးသွားမည်ကို ကြောက်ရွံ့တတ်ကြပါသည်။ ကျွန်ုပ်တို့သည် မှားယွင်းသော အကြံအစည်ကို ပြုမိ၍ မှားယွင်းသောလမ်:သို့ လိုက်သွားမိမှာကို ကြောင်ရွံ့တတ်ကြပါသည်။ ဘုရားသခင်သည် ယောရှုအား “အားယူ၍ ရဲရင့်ခြင်းရှိလော့။ မကြောက်နှင့်! စိတ်မပျက်နှင့်၊သွားလေရာရာဥ် သင်၏ ဘုရားသခင် ထာဝရဘုရားရှိသည်”ဟု မိန့်တော်မူခဲ့ပါသည်။ ကျွန်ုပ်တို့ ဘဝအသက်တာကို ဘုရားသခင် လမ်းပြတော်မူသည့် ဦးဆောင်မှုအောက်၌ ထားရှိကြ သော အခါ ကျရူံးခဲ့သောအရာများ နောက်တွင် ကျရှုံးခြင်းရှိတော့မည်မဟုတ်ဘဲ အောင်မြင်မှုရည်မှန်းချက်ပန်းတိုင် တက်လှမ်း ရာ
လမ်း သို့ရောက်ရှိလာနိုင်ကြမည်ဖြစ်ပါသည်။
ဒုက္ခဆင်းရဲခြင်းကိုကြောက်ရွံ့ခြင်း
ကျွန်ုပ်တို့ လူသားအားလုံးသည် ကိုယ်ကာယပိုင်းဆိုင်ရာ နာကျင်ခြင်း ဝေဖန်ပြစ်တင်မှုကြောင့် နာကျင်ခြင်း၊ အထီး ကျန်မှုကြောင့် ဝေဒနာခံစားခြင်း နှင့် ပူဆွေးဖွယ်ရာ ဖြစ်ရပ်တို့ကို တွေးတောပြီး ကြောက်ရွံ့တွန့်ဆုတ်တတ်ကြပါသည်။ ဘုရားသခင်သည် ဒုက္ခဆင်းရဲခြင်းအလုံးစုံမှ ကျွန်ုပ်တို့ကို ကွယ်ကာပေးမည်မဟုတ်ပေ။ သို့သော် ဘုရားသခင်သည် ၎င်းဒုက္ခ ဆင်းရဲခြင်းများကို သည်းခံနိုင်ဖို့ရန်အတွက် သူ၏ကျေးဇူးတော်ကို ထောက်ပံ့ပေးတော်မူမည်ဖြစ်ပါသည်( ကျွန်ုပ်တို့ဒုက္ခ ဆင်း ရဲခြင်း အလယ်ဥွ် ငြိမ်သက်ခြင်းနှင့် ယုံကြည်စိတ်ချခြင်း တည်းဟူသော ကတိတော်ကိုပေးတော်မူခဲ့ပြီးဖြစ်ပါသည်။ ထို့ကြောင့် ကြောက်လန့်စရာမလိုအပ်ပေ(ဆာလံ-၄၆:၁၂)! ကျွန်ုပ်တို့သည် ဘုရားသခင်ကို အမှန်ချစ်လျှင် ဘုရားသခင်သည် ဒုက္ခဆင်းရဲ ခြင်းကို ကျွန်ုပ်တို့ ကောင်းကျိုးအတွက် အသုံးပြုတော်မူမည်ဖြစ်ပါသည်။ ဒုက္ခဆင်းရဲခြင်းသည် ဘုရားသခင်၏ အတူပါရှိခြင်း မျက်မှောက်တော်နှင့် တည်တော်မူသော တန်ခိုးတော်ကို သိဖို့ရန်အတွက် အခွင့်ထူးကိုဖြစ်ပေါ်စေပါသည် ၎င်းသည် နက်ရှိုင်း သောအကျင့်စရိုက်နှင့် စိတ်နှလုံးကို နားလည်စေသော အသိတရားကိုလည်း ရရှိစေပါသည်။ ဒုက္ခဆင်းရဲခြင်းသည် ကျွန်ုပ်တို့ ကိုတည်ဆောက်စေနိုင်ပါသည် (သို့မဟုတ်) ကျွန်ုပ်တို့ကိုပျက်စီးစေနိုင်ပါသည်။သင့်အတွက်မည်သို့ဖြစ်စေသင့်ပါသနည်း။
သေခြင်းတရားကိုကြောက်ရွံ့ခြင်း
လူသားအားလုံး သေခြင်းတရားကို ကြောက်ရွံ့ကြ၏ “ဂွတ်ဒ်ဘိုင်”ဟု နှုတ်ဆက်စကား ပြောဆိုခြင်းသည် စိတ်ထိခိုက်စရာ အကောင်းဆုံးသောအရာပင်ဖြစ်၏။ “လူသည် အသက်ပြန်ရှင်သန်နိုင်လိမ့်မည်လော”ဟူသော မေးခွန်းဖြင့် ကျွန်ုပ်တို့ ဖြေရှင်းဖို့ လိုအပ်ပါသည်(ယောဘ-၁၄:၁၄)။ သေခြင်းတရားကို ကြောက်ရွံ့ခြင်းမှ ကျွန်ုပ်တို့ကို ကယ်လွှတ်ဖို့ ယေရှုခရစ်တော် ကြွလာတော်မူခဲ့ပါသည်(ဟေ-၂:၁၄-၁၅)။ ထိုအကြောင်းကြောင့်သူသည် အသေခံပြီး! ပြန်၍သေခြင်းမှ ထမြောက်တော်မူခဲ့ ပြီးနောက် “ငါသည် အသက်ရှင်သောကြောင့် သင်တို့သည်လည်း အသက်ရှင်ရကြလိမ့်မည်”ဟု မိန့် တော်မူ ခဲ့ပါသည်(ယော-၁၄:၁၉)။ ကိုယ်တော်နှင့်အတူရှိလျှင် သေခြင်းတရားသည် အချည်းနီးသက်သက်သို့ ပို့ဆောင်ပေး သော တံခါး၀ မဟုတ် တော့ပေ။ သို့သော် အသစ်သော အသက်တာသို့ ဦးတည်သော ထွန်းလင်းတောက်ပသည့် တံခါးဝ ဖြစ်လာ၏။ “ယေရူက သင်တို့ စိတ်နှလုံးပူပန်ခြင်း; မရှိစေနှင့်။---- ငါ့အဘ၏ အိမ်တော်၌ နေစရာအခန်: အများရှိ၏။ ----သင်တို့ နေစရာအရပ်ကို ပြင်ဆင်ခြင်းငှါ ငါသွားရ၏“(ယော-၁၄:၁-၂)ဟု မိန့်တော်မူပါသည် ၎င်းပြင်ဆင်ထားသော နေရာ
သည် ပြင်ဆင်မှုရှိသော လူသားအားလုံးအတွက်ဖြစ်၏။ သင်သည် ပြင်ဆင်နေပြီလော? သင့်ဘဝ အသက်တာ၏ အပြစ် ဒုစရိုက် ကြောင့် နောင်တရရှိပြီးပြီလော? နောင်တတရားသည် သင်၏ အတိတ်တွင် ပြစ်မှားခဲ့သော အရားများအတွက် နောင်တရရှိခြင်း ဖြစ်၍ သင့်ဘဝ အသက်တာဟောင်းနှင့် ဝေးသောနေရာသို့ သင့်ကို လှည့်ပြန်သွားစေပါသည်! သင်သည် ယေရှုထံသို့ ဆုတောင်းခြင်းဖြင့် ရောက်လာပြီး သင်၏ ဝန်ထုပ်ဝန်ပိုး သင်၏ စိုးရိမ်ပူပန်ခြင်းနှင့် သင်၏ကြောက်ရွံ့ခြင်းတို့ကို ဆုံးအပ်နှံခဲ့ပါ သနည်။ ယေရှုက “ဝန်လေး၍ ပင်ပန်းသောသူ အပေါင်းတို့ ငါ့ထံသို့လာကြလော့ ငါသည် ချမ်းသာပေးမည် (မ-
၁၁း၂၈)”ဟု သင့်ကို မိန့်တော်မူနေပါသည်။ ထိုကဲ့သို့သော ဖိတ်ခေါ်ခြင်းနှင့် ကတိတော်ပင် မဟုတ်ပါလော။
သင်သည် ယုံကြည်ကိုးစားခြင်း အားဖြင့်၎င်း ဆုတောင်းခြင်း အားဖြင့်၎င်း၊ ကြီးစွာသော မျှော်လင့်ချက်အားဖြင့်၎င်း ယေရှုခရစ်
တော်ထံသို့ လာပါလော့။ သင်သည် စိတ်နလုံးငြိမ်သက်ခြင်းကို ရရှိပိုင်ဆိုင်လိမ့်မည်။
လာပါလော့၊ သင်သည် ကြွယ်ဝချမ်းသာသော အသက်ရှင်ခြင်း နူးညံ့သိမ်မွေ့သော ဝမ်းမြောက်ခြင်းကို သိမြင်လာ လိမ့်မည်။
သင်သည် ယေရှုဓရစ်တော်ကို ယုံကြည်ကိုးစားဖို့ရန်နှင့် ကြောက်ရွံ့ခြင်းမှ လွတ်မြောက်ခြင်း တည်းဟူသော လွတ်မြောက်
သောသူ ဖြစ်ဖို့ရန်အတွက် ဘုရားသခင်သည် ယနေ့သင့်ကို ခေါ်ဖိတ် နေတော်မူပါသည်။ လာပါလော.။