Title here
Summary here
ဤမေးခွန်းသည် လူတိုင်းအတွက် မေးခွန်းကောင်းတစ်ခုဖြစ်ပေသည်။ လူ၏ဝိ ညာဉ်ထာဝရသွားရမည့်လမ်းကြောင်းဖြစ်၍၊ ထာဝရအသက်ပင်ဖြစ်ပါသည်။ အသစ်တ ဖန်မွေးဖွားခြင်းကိုမခံရသေးသူဖြစ်ပါက၊ ယေရှုက သင့်အား “ဒုတိယမွေးခြင်းကိုခံရမည်” (ယော ၃း၇)ဟု ပြောပါလိမ့်မည်။ “ဒုတိယမွေးခြင်း” ဆိုသည်မှာ အဘယ်နည်း။ ၎င်းသည် အသစ်ပြန်လည်မွေးဖွားခြင်းခံရသည်ဟု စိတ်နှလုံးထဲ၌ ခံစားရခြင်းကို ဆိုလိုပါသည်။ တစ်နည်းအားဖြင့်ပြောရလျှင် အသစ်တဖန်ပြုပြင်ခြင်းဖြစ်ပါသည်။ “သင် တို့အပြစ်များကိုပြေစေခြင်းငှာ …” (တ ၃း၂၀)။ “အသစ်မွေးဖွားခြင်း” သည် မည်သူ့အတွက်လိုအပ်ပါသနည်း။ အကောင်းအဆိုးခွဲခြားသိမြင်နိုင်ပြီဖြစ်သောသူတိုင်း ဝိညာဉ်တော်အားဖြင့် မွေး ဖွားခြင်းကိုခံရန်လိုအပ်ပါသည်။ သန့်ရှင်းသောဝိညာဉ်တော်၏ သွန်သင်မှုအားဖြင့် ပရော ဖက်ဟေရှာယ အခန်းကြီး(၅၃)၌ လူသားတို့၏အပြစ်များအတွက် သခင်ခရစ်တော်ခံ စားရမည့်ဝေဒနာများအကြောင်းကို နှစ်ရာပေါင်းများစွာ ကြိုတင်၍ ဟောကြားခဲ့ပါသည်။ အခန်းငယ်(၆)၌ “ငါတို့ရှိသမျှသည် သိုးကဲ့သို့ လမ်းလွဲလျက် ကိုယ့်လမ်းသို့ အသီးသီး လိုက်သွားကြသည် ”ဟုဆိုထား၏။ ယေရှုက ယုဒလူတို့တွင် အရာရှိဖြစ်သော နိကောဒင် အမည်ရှိဖာရိရှဲအား ၎င်းအချက်ကို ရှင်းလင်းပြခဲ့သည်။ ကိုယ်တော်က “ဒုတိယမွေးခြင်း ကိုမခံသောသူမည်သည်ကား ဘုရားသခင့်နိုင်ငံတော်ကို မမြင်ရဟု ငါအမှန်အကန်ဆိုသည်” ဟု (ယောဟန် ၃း၃)တွင် တွေ့ရပါသည်။ ထိုမျှမက ကိုယ်တော်က ဝိညာဉ်တော်အားဖြင့် မွေးဖွားခြင်းကိုဆိုကြောင်း မြွက်ဆိုခဲ့သည်။ အလုံးစုံသည် သန့်ရှင်းသောဝိညာဉ်တော် အားဖြင့်သာဖြစ်သည်။
ကြောက်ရွံ့ခြင်းဆိုသည်မှာအဘယ်နည်း ဘုရားသခင်ကိုကြောက်ရွံ့ခြင်း အနာဂတ်ကိုကြောက်ရွံ့ခြင်း ကျရှုံးခြင်းကိုကြောက်ခြင်း ဒုက္ခဆင်းရဲခြင်းကိုကြောက်ရွံ့ခြင်း သေခြင်းတရားကိုကြောက်ရွံ့ခြင်း ကြောက်ရွံ့ခြင်းသည် လျှို့ဝှက်သော ရန်သူကဲ့သို့ဖြစ်၏။ ခေတ်ကာလအဆက်ဆက်နှင့် လူမျိုး အဆက်ဆက်တိုင် ခပ်သိမ်းသောလူသားတို့ဘဝထဲသို့ဝင်ရောက်ကျူးကျော်ပြီး အနှောင့်အယှက် ပေးလျက်ရှိနေပါသည်။ ယင်းကြောက်ရွံ့ခြင်းသည် လိမ္မာပါးနပ်ပြီး လွန်စွာဖျက်ဆီးစေတတ်သည်။ လူသားတို့စဉ်းစားဉာဏ်ထဲသို့ အဆိပ်အတောက်သဖွယ်ပျံ့နှံ့လျက်နေ၏။ လူတို့၏ငြိမ်သက် ချမ်းသာခြင်းကို လုယူသိမ်းပိုက်သည့်အတွက် လူသားတို့၌ ပျော်ရွှင်သောဘဝဖြင့် အသက်ရှင်သန်ရေး အမှုများမှာ တစ်စတစ်စ ပျောက်ကွယ်သွားစေပါသည်။ ယင်းသည် ကျွန်ုပ်တို့ကို စိုးရိမ် ပူပန်သောသူများ၊ အထိတ်တလန့်ဖြစ်သောသူများ၊ စိတ်ဝေဒနာရှိသောသူများ၊ ဝမ်းနည်းသောသူများနှင့် သူရဲဘောနည်းသောသူများဖြစ်စေ၍ အဆင်မပြေမှုများနှင့် မလိုလားအပ်သောအရာများကိုသာခံစားစေပါသည်။ ကျွန်ုပ်တို့သည် ရှုပ်ထွေးသည့်အမှုကိစ္စများ၊ အပြောင်းအလဲများ၊ ကျရှုံးမှုများနှင့် စိတ်ပျက်စရာ အမှုများကို ကြောက်ရွံ့တတ်ကြပါသည်။ လူအချို့တို့သည် ဖျားနာခြင်းနှင့် ဒုက္ခဆင်းရဲခြင်းတို့ကိုကြောက်ကြ၏။ အချို့တို့မှာ သူတို့ချစ်ရသောသူတို့အပေါ်သို့ ထိခိုက်နစ်နာမှုများကျရောက်မည်ကိုကြောက်ကြသည်။ အချို့တို့မှာ တခြားသောလူများနှင့် အခြားသောခံယူချက်များကိုကြောက်ကြသည်။ အခြားသောသူတို့မှာ အမှောင် (သို့) အထီးကျန်ခြင်းကိုကြောက်ကြသည်၊ များစွာသောလူတို့သည် သေခြင်းနှင့် သေပြီးနောက် သူတို့ မသိရှိနိုင်သောအရာများနှင့် ရင်ဆိုင်တွေ့ဆုံရမည့်အဖြစ်ကိုကြောက်နေကြသည်။ မိမိ၏ကယ်တင်ခြင်းအပေါ် စိတ်ချမှုမရှိဟုကြောက်ရွံ့သောသူများ(သို့) မိမိတို့၏အပြစ်ဒုစရိုက်များကို ဘုရားသခင် ခွင့်မလွှတ်မည်ကိုကြောက်ရွံ့သောခရစ်ယာန်များစွာရှိကြပါသည်။ သူတို့သည် သေခြင်းကိုသာကြောက်ရွံ့ကြသည်မဟုတ် အသက်ရှင်ခြင်းကိုပင် ကြောက်ရွံ့သူများဖြစ်ကြသည်။ ကြောက်ရွံ့ခြင်းသည် ကျွန်ုပ်တို့စိတ်နှလုံးထဲသို့ ဖြည်းညှင်းစွာနှင့် တိတ်ဆိတ်စွာဖြင့် ဝင်ရောက်လာ၍ ကျွန်ုပ်တို့သည် ယင်း၏ ဖျက်ဆီးမှုဖြင့် လွှမ်းမိုးခြင်းခံရသောသားကောင်များဖြစ်လာကြသည်ကို သိရှိ နားလည်နိုင်ရန်ပင် မတတ်နိုင်ကြပေ။ သေးငယ်သောကြောက်ရွံ့ခြင်းဖြစ်စေကာမူ ရေထည့်ထားသော ဖန်ခွက်ထဲသို့ အရောင်ဆိုးဆေးတစ်စက်မျှ ချရုံဖြင့် ရေအားလုံးအရောင်အဆင်းပြောင်းလဲသွားဘိ သကဲ့သို့ပင်ဖြစ်ပါသည်။ ယင်းအနည်းငယ်မျှသောကြောက်ရွံ့ခြင်းသည် ရပ်တန့်မသွားဘဲ ပျော်ရွှင်စရာ ကောင်းသော ဦးတည်ချက်လမ်းကြောင်းကိုပင် ပျောက်ဆုံးစေနိုင်ပါသည်။
စိတ်နှလုံးငြိမ်သက်ခြင်း- ကျွန်ုပ်တို့၏တိုင်းပြည်အတွက်၊ ကျွန်ုပ်တို့၏အိမ်ထောင်မိသားစုတို့အတွက်၊ အထူးသဖြင့် ကျွန်ုပ်တို့၏ စိတ်နှလုံးအတွက် ငြိမ်သက်ခြင်းအသက်တာသည် အဘယ်မှာနည်း၊ ပြင်းထန်သော ဤငိုကြွေးသံသည် ခေတ်အဆက်ဆက်၌ ပဲ့တင်ရိုက်ခတ်ခဲ့လေပြီ၊ ဤကမ္ဘာပေါ်တွင် လေပြင်းမုန်တိုင်းနှင့် ထိတ်လန့်ဖွယ်ရာများ ပို၍ဖြစ်ပေါ် လာသည်နှင့်အမျှ ယင်းငိုကြွေးသံသည်လည်း ပို၍ပြင်းထန်လာပါသည်၊ ထိုအရာသည် သင့်နှလုံးသား၏ ငိုကြွေးသံများ ဖြစ်နေပါသလား၊ မကျေနပ်စရာအကြောင်းများ၊ အနှောင့်အယှက်နှင့် ဆူပူလှုပ်ရှားမှုများဖြင့် လွှမ်းမိုးနေသည့် အလယ်၌ သင်သည် အရာအားလုံးကို ကျော်လွှားနိုင်သော စိတ်နှလုံးငြိမ်သက်ခြင်းကို လိုလားတောင့်တပါသလား။ အဆုံးမရှိသော အောင်မြင်ခြင်းသည် ကမ္ဘာကို ပို၍လုံခြုံစေသည်ဟု ထင်ရသော်လည်း အမှန်တကယ်တွင် ဘဝအသက်တာကို ပို၍ရှုပ်ထွေးစေပါသည်။ လူအချို့သည် သူတို့မိဘများ၏ဘဝထက်သာ၍ အေးဆေးလွယ်ကူသောဘဝ၌ နေထိုင်ဖို့ရာ နည်းလမ်းမျိုးစုံဖြင့် ကြိုးစားနေကြသော်လည်း ထူးခြားမှုမရှိဘဲ သာ၍ပင် ခက်ခဲသောသူများဖြစ်ကြရသည်၊ စိတ်ပင်ပန်း၍ သောကရောက်နေကြသည်၊ အထက်ပါမေးခွန်းကို ဆင်ခြင်ကြည့်သော် လူတို့အတွက် လမ်းညွှန်ခြင်း၊ တိုင်ပင်ခြင်း၊ လုံခြုံခြင်းနှင့် ယုံကြည်စိတ်ချခြင်းတို့ လိုအပ်နေသည်ကို တွေ့ရပါသည်။
အချိန်ဆိုတဲ့အရာမစတင်ခင်မှာ ဘုရားသခင်ဆိုတာရှိတယ်။ သူဟာ ဒီကမ္ဘာမြေကြီးကိုဖန်ဆင်းပြီး အထဲမှာရှိတဲ့အရာအားလုံးကိုလည်း သူဖန်ဆင်းခဲ့တယ်။ သူ့ရဲ့ချစ်ခြင်းမေတ္တာအားဖြင့် လှပတဲ့ဥယျာဉ်တော်ထဲမှာ လူကိုသူနဲ့ပုံသဏ္ဍာန်တူအောင် ဖန်ဆင်းခဲ့တယ်။ ဒါပေမဲ့ လူကဘုရားသခင်ရဲ့သွန်သင်မှုကို မနာခံခဲ့ဘူး။ အဲဒီမနာခံမှုကအပြစ်ဖြစ်စေခဲ့ပြီး ဘုရားသခင်နဲ့ကင်းကွာစေခဲ့တယ်။ ဘုရားသခင်က သူတို့အပြစ်တွေအတွက် တိရစ္ဆာန်ငယ်ကိုပူဇော်ရမယ်လို့ပြောထားခဲ့တယ်။ ဒါပေမဲ့ ဒီတိရစ္ဆာန်ကို ပူဇော်ခြင်းက သူတို့အပြစ်တွေကို လုံးလုံးလျားလျားမပြေပျောက်စေပါဘူး။ တစ်နေ့မှာတော့ ဘုရားသခင်က သူ့သားတော်ယေရှုကို လူသားအားလုံးရဲ့အပြစ်တွေအတွက်ယဇ်ပူဇော်ဖို့ ဒီကမ္ဘာမြေပေါ် စေလွှတ်ချင်ခဲ့တယ်။ ဒီလိုနှင့် နှစ်ပေါင်းလေးထောင်ကြာပြီးတဲ့နောက်မှာတော့ နာဇရက်မြို့ငယ်လေးမှာ မာရိဆိုတဲ့ အမျိုးသမီးငယ်လေးရှိခဲ့တယ်။ သူမက ယောသပ်ဆိုတဲ့သူနှင့်လက်ထပ်ထိန်းမြားဖို့စီစဉ်ခဲ့ပြီးတဲ့သူဖြစ်တယ်။ တစ်နေ့မှာတော့ကောင်းကင်တမန်က မာရိဆီကိုလာပြီးသူမဆီမှာ ကလေးငယ်လွယ်ရမည်ဖြစ်ကြောင်း၊ ဒီကလေးငယ်ကတော့ဒီကမ္ဘာပေါ်က အဖေနဲ့ရတဲ့ကလေးဖြစ်မည်မဟုတ်၊ ဘုရားသခင်ရဲ့သားတော်ဖြစ်မယ်ဆိုပြီး လာပြောပြခဲ့တယ်။ ထိုသို့ကောင်းကင်တမန်ပေါ်လာပြီးတဲ့နောက် ယောသပ်နဲ့မာရိတို့က သူတို့အတွက် အခွန်ဆောင်ဖို့ ဗက်လင်မြို့သို့ခရီးထွက်လာခဲ့ကြတယ်။ ဗက်လင်မြို့ကို သူတို့ရောက်လာကြတော့ မြို့ထဲမှာ လူတွေနဲ့ပြည့်လို့နေခဲ့လေပြီ။အိမ်ခန်းငှားစရာမရှိတော့တဲ့အတွက် နွားတင်းကုပ်ငယ်လေးထဲမှာ သူတို့တည်းခိုခဲ့ရတယ်။ အဲဒီနေရာဟာယေရှုခရစ်တော်မွေးဖွားခဲ့တဲ့နေရာပေါ့။ နွားစားခွက်ငယ်လေးထဲမှာ အဝတ်လေးပတ်ပြီး ယေရှုခရစ်တော်မွေးဖွားခဲ့တယ်။ အဲဒီညမှာပဲ မြို့ရဲ့အပြင်ဘက်တောင်ကုန်းတစ်နေရာမှာ သိုးထိန်းတို့က သူတို့သိုးတွေကို ထိန်းကျောင်းနေခဲ့ကြတယ်။အဲဒီအချိန်မှာ ဘုရားသခင်ရဲ့ဘုန်းတန်ခိုးတော်နှင့် လင်းလက်တဲ့ကောင်းကင်တမန်တွေပေါ်လာပြီး “မကြောက်ကြနှင့်။လူတွေဝမ်းမြောက်ဝမ်းသာဖြစ်ဖို့အတွက် သတင်းကောင်းကို ငါယူဆောင်လာတယ်။ ဒီညမှာပဲ ကယ်တင်ရှင်မွေးဖွားပြီ။သူသည် သခင်ယေရှုခရစ်တော်ဖြစ်တယ်။ သူ့ကို အဝတ်ပတ်ပြီး နွားစားခွက်ငယ်လေးထဲမှာ သင်တို့တွေ့ရလိမ့်မယ်” ဆိုပြီး လာပြောပြခဲ့တယ်။ အဲဒီနောက် ကောင်းကင်တမန်များစွာပေါ်လာပြီး “အမြင့်ဆုံးသောနေရာ၊ ဤမြေကြီးပေါ်မှာ၊လူသားအားလုံးအပေါ်မှာ ဘုရားဘုန်းတော်ထင်ရှားပါစေ” ဆိုကာဟစ်ကြွေးကြလေတယ်။ ကောင်းကင်တမန်တွေပျောက်ကွယ်သွားတော့ သိုးထိန်းတွေကလည်း ဗက်လင်မြို့ကို အလျင်အမြန်ပြေးသွားကြတယ်။ ပြီးတော့ကောင်းကင်တမန်တွေပြောတဲ့အတိုင်း ကလေးငယ်လေးကို သူတို့တွေ့ခဲ့ကြတယ်။
သမ္မာကျမ်းစာတွင် အောက်ပါအတိုင်းဖတ်ရသည်။ “သေလွန်သောသူ အကြီးအငယ်တို့သည် ပလ္လင်တော်ရှေ့မှာရပ်နေကြသည်ကို ငါမြင်၏။ စာစောင်များကို ဖွင့်ထား၏။ အသက်စာစောင်တည်းဟူသော အခြားတစ်ပါးသောစာစောင်ကိုလည်း ဖွင့်လေ၏။ သေလွန်သောသူတို့သည် မိမိတို့အကျင့်အတိုင်း စာစောင်တို့၌ ရေးထားချက်များနှင့်အညီ တရားစီရင်ခြင်းကိုခံရကြ၏” (ဗျာဒိတ်ကျမ်း ၂၀:၁၂)။ ဘုရားသခင်မှတ်တမ်းထားသည်မှာ ဤကျမ်းပိုဒ်က သက်သေဖြစ်သည်။ အမေရိကန်ပြည်ထောင်စု မာရီလန်းပြည်နယ်မှ လူငယ်တစ်ဦးဖြစ်သူ ဂျိုဆွာဟဲရစ်သည် ပွာတိုရီကိုနိုင်ငံတွင် အချိန်အတန်ကြာနေထိုင်ခဲ့သည်။ တစ်ညတွင် အိပ်မက်တစ်ခုမြင်ရာ မိမိ၏ယုံကြည်ခြင်းကင်းမဲ့မှုကို ပဲ့ပြင်သည့်အနေဖြင့် ဘုရားသခင်မှပေးမက်သည်ဟု ခံစားမိလေသည်။ သည်အိပ်မက်သည် ယေရှုခရစ်ကိုယ်တော်တိုင်နှင့် အသွေးတော်၏ အသက်တာပြောင်းလဲစေနိုင်သော တန်ခိုးစွမ်းအားကို ဂျိုဆွာဟဲရစ်အား ပြန်လည်အမှတ်ရစေခဲ့သည်။ ထိုအိပ်မက်အကြောင်းကို မိတ်ဆွေတို့အား ဝေမျှလိုပါသည်။ ကျွန်တော် နိုးတစ်ဝက်၊ အိပ်တစ်ဝက်ဖြစ်နေချိန်မှာ အခန်းလေးတစ်ခုထဲရောက်နေတာကို တွေ့လိုက်ရတယ်။ နံရံတစ်ဘက်မှာ အက္ခရာစဉ်ထားတဲ့ ဖိုင်တွဲငယ်တွေအပြည့်ရှိနေတာကလွဲလို့ အခန်းက ထူးထူးခြားခြားမရှိပါဘူး။ ဖိုင်တွဲတွေက စာကြည့်တိုက်ထဲက စာရေးဆရာအမည်၊ ဒါမှမဟုတ် ဘာသာရပ်ကိုလိုက်ပြီး ခေါင်းစဉ်တွေကို အက္ခရာစဉ်အလိုက်ပြုစုထားတဲ့ ဖိုင်တွေနဲ့ အလားတူပါတယ်။ ဒါပေမဲ့ ခေါင်းစဉ်တွေကတော့ လုံးဝကွဲပြားပါတယ်။ ဖိုင်တွေက ကြမ်းပြင်ကနေ မျက်နှာကြက်အထိ ရောက်နေပြီး မဆုံးနိုင်လောက်အောင်ပါပဲ။ ဖိုင်တွဲထားရာနံရံနားကပ်လိုက်ချိန်မှာ ကျွန်တော့်ရဲ့အာရုံကို ပထမဆုံးဖမ်းစားထားတဲ့အရာက “ကျွန်တော်ချစ်ကြိုက်ခဲ့သော မိန်းကလေးများ” ဆိုတဲ့ဖိုင်တွဲပါ။ ဒါကိုဖွင့်ပြီး ကတ်ပြားတွေကို အပြေးအလွှားလှန်လှောဖတ်လိုက်တယ်။ ကတ်ပေါ်ကနာမည်တွေကို ရင်းနှီးနေတာကြောင့် အလန့်တကြား အမြန်ပြန်ပိတ်လိုက်ရတယ်။ အဲဒီအချိန်မှာ ကိုယ်ရောက်နေတဲ့နေရာကို မပြောဘဲ အလိုလိုသိလာတယ်။ ဖိုင်တွဲတွေနဲ့ အသက်မဲ့အခန်းလေးဟာ ဘဝကိုမှတ်တမ်းတင်တဲ့ ကတ်တလောက်စနစ်တစ်ခုပါလား။ ဒီနေရာမှာ မှတ်ဉာဏ်လိုက်မမီနိုင်တဲ့အထိ ကိုယ့်ရဲ့လုပ်ဆောင်မှုမှန်သမျှကို ကြီးငယ်မရွေး အသေးစိတ်မှတ်တမ်းတင်ထားတယ်။