Malipayon ka ba? An kahadlok ngan pag-abat hin sala makakakuha han imo kalipay. Bangin magpakiana ka, ‘Paonan-o ako magigin malipayon?
May-ada ako maopay nga sumat para ha imo! May-ada usa nga makakabulig ha imo. Mapapasaylo niya an imo mga sala ngan tatagan ka hin waray kataposan nga kalipay. Jesus an iya ngaran. Tugoti ako hin pagsumat ha imo mahitungod ha Iya.
An iya Amay, an Dios, amo an naghimo han kalibotan. Hiya an naghimo han ngatanan nga butang ha kalibotan. Iya kita ginhimo.
Hinigugma kita han Dios. Hinigugma Niya an ngatanan ha kalibutan. An Dios nahigugma gud ha aton salit ginsugo Niya an iya bugtong nga Anak, hi Jesus, nganhi ha kalibotan. Han nakanhi hi Jesus ha tuna, Iya gintambalan an mga may sakit ngan ginlipay an mga masulub-on. Iya gin-abrihan an buta nga mga mata. Gintutdoan Niya an mga tawo hin damu nga mga butang.
Karuyag ni Jesus nga masabtan naton an daku nga gugma han iya Amay ha imo ngan ha akon. Iginsumat Niya ini nga istorya nga nagsaysay han gugma han iya Amay. Mababasa mo ini ha Biblia ha St. Lukas 15:11-24.
May-ada hadto tawo nga may-ada duha nga anak nga kalalakin-an. Naghunahuna hiya nga maopay an idog han tanan. Usa ka adlaw usa han mga anak nga kalalakin-an an nagrebelde ngan kinmadto ha iya ngan nagsiring, “Diri ako naruruyag hini nga balay, karuyag ko an akon kalugaringon nga paagi, ngan mabaya ako. Ihatag ha akon an akon bahin han panurundon. Nasubo gud an amay, kondi iginhatag niya an kwarta ngan ginpalakat hiya. Naghunahuna hiya kon makikita pa ba niya utro an iya anak.
An anak nga lalaki linakat hin hirayo nga lugar ngan naglipaylipay upod han iya kwarta ngan han iya kasangkayan. Ha waray paghunahuna ginkaragan niya an iya kwarta ha makikalugaringon nga pagkinabuhi. Naghuhunahuna hiya nga malipayon gud hiya tubtob nga tigda la nga waray na hiya kwarta ngan ginbayaan na hiya han iya kasangkayan. Nag-uusahan la hiya ngan pawaraywaray na niya butang. Ano an sadang nga buhaton niya yana?
Sanglit kinmadto hiya hin usa nga parauma, nga nagsugo ha iya ngadto ha panon hin kababoyan. Waray hiya hatagi hin igo nga pagkaon. Gingugutom hiya hin duro ngan karuyag unta niya kumaon han pagkaon han kababoyan. Nagtikang hiya paghunahuna han ngatanan nga maraot nga iya ginbuhat ngan kon paonan-o niya gintratar an iya amay. Nagin mas masurub-on hiya.
Usa ka adlaw nahinumdoman niya kon mationan-o ka mahigugmaon an iya amay ngan kon mationan-o kamaupay an pag-ataman ha iya han nakadto pa hiya ha panimalay. Bisan an mga surugoon han iya amay may-ada igo nga pagkaon.
Naghunahuna hiya, ‘Makakauli ba ako ha akon Amay katapos han ngatanan nga akon ginbuhat ha iya? Hinigugma pa ba ako niya? Diri ako takos nga magin iya anak. Andam ako nga magin surugoon la kon karawaton la ako niya.
Dida dayun bimnuhat hiya ngan inuli ngadto ha balay han iya amay. Karuyag niya hibaroan kon papasayloon ba hiya han iya amay.
An amay namimiling han iya anak tikang pa han iya pagbaya. Kaurog hiya maghunahuna, “Mabalik pa ba hiya?” Kondi usa ka adlaw, nakita niya nga may-ada naabot tikang ha hirayo. Iya na ba ini anak? Han nakita niya nga amo ito, dimnalagan hiya ha iya upod an naiharangkop nga mga kamot.
Ngan an anak siniring ha iya, “Amay, ako nakasala kontra ha imo, Diri ako takos nga magin imo anak.”
Kondi an iya amay nagsiring: “Dad-a an gimamaupayi nga panapton ngan paghimo hin selebrasyon. Nawara an akon anak nga lalaki kondi yana hin-again na hiya.
Kita nga tanan pareho hini nga anak; kita nga tanan nahibulag ha Dios, an aton Amay. Ginkaragan naton an mga higayon ngan damu nga mag-opay nga mga butang nga Iya iginhatag ha aton. Nagkinabuhi kita nga makikalugaringon ngan nagrebelde ha Iya. Yana, gin-aaghat kita han aton langitnon nga Amay nga kumadto kan Jesus. Naghuhulat hiya ha aton nga may binuklad nga mga butkon.
Iginpakita ni Jesus an Iya gugma ha aton pinaagi ha paghatag han Iya kinabuhi sugad nga halad para ha aton mga sala ngan para ha mga sala han bug-os nga kalibotan. Nag-antos Hiya hin kasakit ngan iginkadiri samtang gintutugotan Niya an magraot nga mga tawo hin pagraysang ha Iya ha krus. Pinaagi han gahom han Dios nabanhaw Hiya tikang han mga minatay ngan nabuhi Hiya ha kadayonan.
Pakadi kan Jesus ngan pangaro ha Iya nga pasayloon ka han imo sala. Kon hikit-an ka Niya nga nagbabasol ka han mga sayop nga imo nabuhat, papasayloon ka Niya ngan paparaon an ngatanan mo nga sala pinaagi han Iya dugo nga Iya igin-paawas. Makalilipay gud ito! Magigin bag-o ka nga tawo. An kinabuhi magkakamay-ada na hin bag-o nga kahulogan. Liliwanan ni Jesus an imo pag-abat hin sala ngan kahadlok hin kalipay. Hiya an magigin imo Mantaralwas.