“Gospel Tract and Bible Society epesameli mpo na kokabola nsango ya lobiko ya biblia na bato banso na mokili mobimba. Tozali kotalela mingi liloba oyo enyatami, kosalelaka batrakte ya pete (ba pamphlets). Ba trakte oyo ezali kolimbola oyo Biblia eyebisi biso na ntina ya lobiko, bomoi ya Yesu Klisto.”" , mpe bomoi ya boklisto ezali na batrakte na biso na site Internet na biso mpo na kotánga, mpe mingi ezali mpe na lolenge ya koyoka. Ebongiseli na biso etambwisami na bavolontaires oyo bazali na vision ya kolakisa moto moko na moko nzela ya lobiko na nzela ya Yesu Klisto. Tozali na bamisionɛrɛ oyo bamipesaka na bolingo na bango moko mpo na kosalisa na mosala ya konyata mpe kokabola batrakte na Amerika ya Nɔrdi, na Amerika ya Sudi, na Afrika, na Mpoto mpe na Azia. Bazali mpe mpo na kokutana na bato oyo bakoki kozala na mituna. Tozali na babiro mibale ya minene, moko na Kansas, na États-Unis, mpe mosusu na Manitoba, na Canada. Babiro yango nde etalelaka makambo mingi ya kosolola na biso, kokɔtisa komande mpe kotinda biloko. Basali na biso basololaka malamu na minɔkɔ ndenge na ndenge, bazali koyeba mikakatano mingi ya konyata mpe kotinda batrakte na biso na mokili mobimba. Batrakte na biso elobeli mitó ya makambo lokola Bomoi ya boklisto, Yesu, Makambo ya bizaleli malamu, Kimya, Bomoi ya libota, Lisumu, mpe mikolo mizali koya. Tozali kopesa batrakte 100+ na Lingelesi, mingi na yango ebongolami na minɔkɔ 80+."