Sa sinugdanan gibuhat sa Dios ang kalibutan. Gibuhat niya ang adlaw, bulan ug mga bituon, mga hayop ug mga tanum. Sa ikaunom ka adlaw gibuhat niya ang tawo sa iyang kaugalingon dagway ug gihuypan niya og gininhawa sa kinabuhi.
Kining unang tawo mao si Adan ug ang ngalan sa iyang asawa mao si Eva. Gihatagan sila sa Diyos ug balay diha sa matahom nga tanaman. Gihigugma sa Diyos si Adan ug Eva ug gihigugma nila ang Diyos. Gisugo sa Diyos si Adan sa pag-atiman sa tanaman. Gisultihan sila sa Dios nga sila makakaon bisan unsa nga ilang gusto, gawas sa kahoy sa kahibalo sa maayo ug daotan, ug nga sila mamatay kung sila dili mosugot.
Usa ka adlaw usa ka makalilisang nga butang ang nahitabo! Si Adan ug Eva nakasala sa dihang sila misupak sa Diyos ug mikaon sa bunga sa gidili nga kahoy. Nahadlok sila sa Diyos ug nagtago gikan Kaniya. Nahibalo ang Diyos kon dis-a sil nagtago. Siya niabot ug mitawag kang Adan. Giingnan siya sa Diyos nga tungod kay sila nagsupak sila kinahanglang mobiya sa ilang matahom nga tanaman nga pinuy-anan.
Ang Diyos wala malimot kang Adan ug Eva. Gihigugma gihapon niya sila. Misaad siya nga ipadala ang iyang bugtong nga Anak, si Jesus, dinhi sa kalibutan. Si Jesus mamatay tungod sa ilang kasal-anan aron sila mabuhi! "Kay gihigugma sa Dios ang kalibutan nga gihatag niya ang iyang bugtong Anak, nga bisan kinsa nga motuo kaniya dili mawala, apan adunay kinabuhi nga walay katapusan" (Juan 3:16).
Si Jesus miabot gayod! Siya nagtudlo nga ang tanang tawo nakasala. Ang mga makasasala kinahanglang mamatay. Si Jesus nahigugma kaayo kanato nga Siya miingon sa Diyos nga Siya mamatay alang sa mga sala sa tanang tawo. Siya namatay alang sa matag tawo nga nakasala.
Maayong balita! Si Jesus buhi! Siya mibangon gikan sa lubnganan! Siya miingon, "Ako mao ang dalan, ang kamatuoran, ug ang kinabuhi" (Juan 14:6). Gusto ni Jesus nga dad-on kita sa balay ngadto sa Iyang langitnong Amahan.
Usahay dili kita mobati nga gihigugma. Ang mga tawo sa atong palibot masulob-on, nasakitan o nasuko. Tingali mahadlok kita o mobati ug tinguha sa sulod nga dili gayod mawala. Naghunahuna kita kon kinsa ang makatabang kanato, ug nganong mobati kita nga nag-inusara kaayo. Ang Diyos nagbutang niana nga pangandoy sa kinahiladman sa imong kasingkasing tungod kay gihigugma ka Niya. Kini maoy usa ka linaing butang nga makapadani kanimo sa imong langitnong Amahan. Gusto sa Diyos nga ilisan ang maong tinguha diha sa imong kasingkasing sa Iyang gugma.
Buot niya nga mag-ampo ka gikan sa imong kasingkasing ug moingon, "Jesus, nagkinahanglan ako kanimo. Gikapoy na ako sa akong mga sala. Palihog Jesus, hugasi ako ug ako mobiya niining tanang ngil-ad nga mga butang". Si Jesus nakadungog sa imong tim-os nga pangamuyo. Siya naghugas kanimo ug nag-andam kanimo alang sa balay nga Iyang giandam.
Sa wala pa si Jesus mobiya niining yutaa, Siya miingon: "Ayaw pasagdi nga malisang ang inyong kasingkasing: kamo nagtuo sa Diyos, magtuo usab kamo kanako. Diha sa balay sa akong Amahan adunay daghang mga puloy-anan. Kon dili, gisultihan ko unta kamo. Ako moadto sa pag-andam ug dapit alang kaninyo". Kana nga langitnong puy-anan maoy malinawong dapit diin adunay walay-kataposang kalipay ug gugma.
Gihimo ni Jesus nga matahum ang iyang balay nga dili niya tugotan ang bisan unsang pagkadautan o sala sa sulod. Kung ang atong mga kasingkasing namansahan sa sala sa diha nga kita mamatay, dili kita tugutan ni Jesus sa pagsulod.
Unsa kaha ang pagkinabuhi uban kang Jesus? Wala na unyay kasakit, kahadlok o kagutom. Walay sakit, kamatayon o masulob-ong mga panamilit. Didto kita magaawit ug magadayeg sa Diyos uban sa mga naluwas sa tibuok yuta.
Sa kataposan makauli na! Sa balay sa langit uban ni Jesus nga atong Manluluwas!