Jireenni adeemsa akka ta'ee beektuu? Adeemsi kun karaa lamaa fi bakka lama qaba. Isin karaa kamirra deemuu filattan laata? daa'imni yommuu dhalatu adeemsa jireenyaa jalqaba. Waqni samii jiraatu daa'imman guddataniif karaa adda ta'e qopheesseera. Karaan garraamummaa kun daa'immaniif duwwaadha. Karaa kanarra hatiifi abbaan, durabu'oota, ta'ani ijoollee waa'ee jireenyaa barsiisuun isaaniif ta'a.
Akka daa'imaatti hundi keenya karaa garraamummaa irra dedeebineerra. Haata'uu malee karaa isa qaxxaamuraa fuulleetti baana. Yeroo daa'imummaa keenya xumuramu karaan keenya inni garraamummaanis wojjiin dhuma. Karaan gurguddaan lama nuu eeggatu. Amma sanatti haatiif abbaan keenna nu qajeelchaa turaniiru. Haata'uu malee amma karaa isa qaxxaamuraa irra yeroo geenyu murteessuun dhimma keenya. Karuma kamillee yemmuu deemnu murtiin nu’u murteeffannu baay'eetti nu fayyada. Sababni isaa karaan tokko gaarii, qulqulluu, gamachuun kan guutamee fi gara jannataa kan geessu yemmuu ta'u, inni kuun ammo karaa cubbuu, hammeenyaa, kan gaddaan gutamee fi kan gara ibidda bara baraa geessuu dha.
Yoomiif akkamitti karaa qaxxaamuraa kanarra akka geennu beekna? Seera laakkayamee fi daangaa umurii hinqabu. Daa'imman tokko tokko yeroma sana karaa daa'imummaa irraa karaa kannatti cee'u.
Tarii namoonni wongeelaan karaa isa caalaa itti himamee hamma ifa bahanitti gara karaa qaxxaamuraa hinbahani ta'a. Namoota dhibiitiif wongeelli yemmuu lallabamu yaanni isaanii itti ulfaatee sirrii waan hin taaneefis waan ta'efis hundumaafuu gooftaa duukaa akka bu'an dadammaqsuu isaanif ta'a. Kunis immoo karicha isa qaxxaamuraa irraa gahuu keenya nutti argisiisa. Waan hundumaa keessatti waaqayyo waaqa jaalalaa waan ta'eef karaan lamaanuu akka ifa bahanii beekaman nuu gochuu ni danda'a. karaan qall'oo fi baldhaa kun lammii kamiyyuu kan qabuu fi, aadaa kamiyyuu keessa kan jiru maraaf ni muldhata ni geggeessasi. Karaa qaxxaamura irra yemmuu dhaabattan maal hubattanii beektu? Karaa lamaanuu hubadhaatii ilaalaa. Jalqabatti lamaanuu nama hawwisiisu yoo hubannee ilaalle karaan inni tokko baldhaa lallaafaa fi adeemsaaf qajeela ta'e arganna. Karaa isa baldhaa irra namnii deemu baay'ee dha. Karaa isa dhiphoo irra kan deeman garuu namoota muraasa. Isa sirrii ta'e filachuun nu fayyada. Karaa isa Kamirra akka deemnu dogoggorreerraa laata? Karaa isa baldhaa irra namni hundumtuu yeroo deemanu qalbiin keenya yoo hawwee jiraate, sagalee hoogganaa karaa kanaa dhagahuu ni dandeenya. Innis immoo akka nu isa wojjiin adeemnu nu gaafata. Adeemsaa yeroo jalqabnu akka isa karaa dhiphootii miti. Jarri karaa kana jalqaban cuftinuu yaada nagaya qabaachuu ni danda'u. Namoonni baay'een yeroodhaaf gufuu karaa sana irratti kanargamu irraa uf eeggatani ta'a. Dubbiin durseen karaa kanaa, hawwisiisaa fi bareedaa ta'u ni danda'a. Karaa kana irra hiriyyoota baay'ee qabaachuu ni dandeenya, garuu waan gammachuu qaban hin fakkaatani. Bashannanni isaanii daangaa hinqabu. Dhugaatii dhugu, tamboo xuuxuu, sirbaa fi bashannanni adda addaa baay'eedha, Madaalliin, gaarummaa fi gaafiin amantii eddoo hin qabani. Sobuuni hatuunii fi gowwomsuun shaakala salphaadha. kan nutti fakkaate filachuu ni dandeenya. "Bilisa" kan jeedhamu jiraa tii.
Karaan kun ifaa fi salphaa waan ta'eef otoo hin dammaqin yeroon nu jalaa darbuu ni danda'a. Namoota rakkoolee isaanii keesaa karaa bahan dhabanitu nu qunnama. Abdii kutachuu, hadooduu sammuu, uf ajjeesuu fi kan kana fakkaatan hundi bu'aa karaa kana irraa argamani.
Jireenna keenna keessatti wonti nu barbaannu kana ta'aa laata? Karaa kana irra adeemuu feenaa? Ni yaadanna yoota'e karaa kana irra kan nugeggeessu dhuma irratti badhaasa nuuf kennu nutti hin himne. Waan isa gannuuf nutti himuu hin barbaadu. Bifa hoolaa kan uffate yeeyyiin sheexana mataa isaati. Karaa isa namatti toluu fi baldhaa irra worra deddeebi’aniif badhaasni isaanii ibidda bara baraatti gatamuu dha. Ibiddi kunis kan qophaaye sheexanaa fi ergamoota isaatiif ture. Booyichi wotwaachuun, ilkaan wolitti qaruun achitti hamma bara baraatti ta’a. Isin hoo badhaasa kana isaan wojjiin qoodachuu karaa kana adeemuuf ni yaadduu? Daandii isa dhiphoo itti siiqnee haa ilaalluu. Daandiin Kun Karaa baldhaa irraa gargari. Kan bu'aa bahiin itti baay'atu, woxalli aduu itti jijjiiramullee lageewwan nama qabbaneessan jiru. Lageewwan xixiqqoon kun kan adeemsaan dadhabaniif miila gadhiisisanii adeemsa itti aanuuf nu qopheesu.
Gaarran jiruu irra bahuutu nurra jirra. Yeroo tokko tokko karaan kun hin muldhatu; obsinee yemmuu deemnu iddoo lalisaa fi bakka magariisa biqile geenya. Karaa kana irratti kan nu quunnaman hunduu amantoota, obboleeyyanii fi obboleettota. Isaanis nu jaalatu, eeggannoo nuuf godhu, yoo gufannellee akka miila keenyaan dhaabbannu nu gargaaru. Hundumtuu kan nu gargaaranii fi gaariiwwanni. Kana hundarra han caalu garuu dura- bu’aan keenya hiriyyaa dhuunfaa keenya kan ta'ellee inni tiksee baheessa (Far. 23). Inni nu jaalata karaa isa dhiphoo irrattis nu wojjiin adeema. Yeroo dukkanni hammaate harka keenya qabee hamma hubbannee ilaallutti nu geegeessa. Yeroo tokko tokko yemmuu dadhabnuu fi karichi yeroo rakkisaa ta'u tisseen kun ufitti nu ammatee nu baata. Sana booda humna arganna; karichi inni dhiphooon kana fakkaata. Karaan lamaan kun yeroo jireenyi keenya inni biyya lafaa xumuramu qaxxaamurama. Kamiyyuu yoo ta'e du'a fuldura dhaabbachuun keenya hinhafu.
Duuti akka bishaan lagaa cee'uutti lakkaayama. du'a cee’umsa booda murtiin jira. Karaa isa kam irrallee yoo deemne Waaqatu nurratti murteessa (Ibr. 9:27).
Worri sheexana duukaa bu'anii karaa isa baldhaa irra deeman martinuu laga kana ceehuu ni sodaatu. Maalif yoo jedhame kan isaan faana ceehu homtuu hinjiru, firootni isaanii du'a ni sodaatu. Kanaafuu kophaa isaanii ceehuutu isaanirra jira. Yeroo dammaqan garuu ibidda bara baraa isa hindhaamne keessatti uf argu.
Karaa isa dhiphaa irra worri deeman garuu laga kana cehuuf hin dhiphatani. Badhaasa laga gamatti isaan eegu beeku. Achittis yeroo gaarii isaaniif ta'a. Tiksee gaariin isaan wojjiin ta'ee hamma dhumaatti mana isaanii, jannataan, isaan gaha. Jannata keessatti kan jechi ibsuu hindandeenye faarsaa ergamtootaa, daandiiwwan worqee irraa hojjatamanitu jira. Bu'aa bahiin hinjiru. Iddoo gammachuu fi nagaya bara baraatiin guutame. Gooftaan keenya inni nu geggeessaa ture achittis nu wojjiin ta'a. "Inni imimmaan hundumaa ija isaanii irraa in haqa; wanti duraa waan darbeef, egaa duuni deebi'ee hinargamu, gadduun, booyuun, woraannis si'achi hin jiru" (Mul 21:4).
Ati karaa isa kam filatte laata? Deebiin kee maali? Filannoon keenya murteessaa ta'uu isaa haa yaadannu. Jannata yookaan jahaannama filanne jechuudha. Karaa isa dhiphaa filadhuutii akka gooftaan si gargaaru isa gaafadhu.
"Karaa isa dhiphaan ol seenaa! karaan gara badiinsaatti geessu guddaa dha, karri isaas baldhaa dha; namoonni ittiin ol seenanis baay'ee dha. karaan gara jireennaatti geessu qadhaa dha, karri isaas dhiphaa dha, namoonni isa argatanis muraasa" (Mat 7:13-14).