Nahibalo ka ba nga adunay Usa nga nahibalo sa tanan mahitungod kanimo? Ang Dios ang naghimu sa kalibutan ug ang tanan nga anaa niini. Si Jesus, Ang anak sa Dios , nahibalo sa tanan mong binuhatan. Nahibalo Siya sa mga hinglabay na, karon , ug sa umalabot pa. Gihigugma ka Niya ug mianhi sa kalibutan aron luwason ka gikan sa sala. Aduna Siya’y plano sa imung kinabuhi nga maghatag kanimo og kamalipayon.
Usa ka adlaw naglakaw si Jesus uban sa iyang mga higala. Miabot sila sa usa ka baryo sa Samaria. Mipahuway si Jesus kilid sa tabay samtang ang iyang mga higala nanglakaw aron sa pagpalit og makaon.
Samtang si Jesus naglingkod didto, may usa ka babaye nga miabot aron sa pagkuha og tubig didto sa tabay. Si Jesus miingon kaniya: “Pwede ba Ako nimu hatagan ug mainom?”
Nakurat ang maong babaye, “Mihangyo ka kanako og mainom?” Wala kaba masayod nga ako usa ka Samarianhon?, ug ang imung mga tawo, ang mga Judio, dili gani makigharong kanamo.
Si Jesus mitubag ug miingon kaniya, “Kong ikaw nakaila sa Dios ug kung kinsa kining imung kaestorya, ikaw mangayo kaniya, ug siya maghatag kanimo og buhi nga tubig, malipayon unta ako sa pagbuhat niana.
Ang babaye natingala nga nagtotok kaniya. “Sir,” miingon siya, “ang tabay halalom ug wala kay magamit aron sa pagkuha og tubig. Unsaon man nimu paghatag kanako sa buhi nga tubig?”
Si Jesus mitubag kaniya, “Kung kinsa kadtong magainom gikan niini nga tabay sila pagauhawon pag-usab. Pero kadtong magainom sa tubig nga gikan kanako, dili na gayud pagauhawon pag-usab.”
“Sir,” ang babaye miingon, “ hatagi ako niana nga tubig aron dili na ako pagauhawon pag usab ug dili na usab ako mubalik dinhi aron sa pagkuha og tubig.”
“Lakaw, sultie ang imung bana ug bumalik ka dinhi,” si Jesus miingon.
“ Wala koy (usa ka) bana” miingon ang babaye.
“Tinoud kana” si Jesus miingon. “Kay ikaw may lima na ka mga bana, ug dili mu bana kanang imung gika-ipon karon.
Naghunahuna siya, giunsa; paghibalo niini nga lalaki ang mahitungod kanako? “Sir, nakita ko nga usa ka ka manalagna. Aduna unta akoy pangutana kanimo. Ang akong katawhan nagsimba dinhi niini nga lugar. Miingon kamu nga ang Jerusalem mao ang lugar aron sa pagsimba.
Si Jesus miingon kaniya, “Dili importante kung hain kita magsimba; karon ang tinood nga mga magtotoo makasimba sa Amahan sa espiritu ug sa kamatuoran bisan diin.”
“Nahibalo ako nga muabot ang Mesiyas, nga ginganlag si Kristo,” miingon ang babaye, “ug kung muabot na Siya, sultian kita Niya sa tanang mga butang.”
Kahuman, simple lang nga nitubag si Jesus, “ Ako mao Siya.”
Gibiyaan niya ang iyang sudlanan ug nibalik sa syudad. Miingon siya, “Tara, tan-awa ninyo ang tawo nga nagsulti kanako sa tanan nga akong nabuhat. Dili ba Siya ang Kristo?
Migawas ang mga tawo sa syudad aron sa pagtagbo kang Jesus. Daghan ang mitoo nga Siya ang Kristo, ang manluluwas, tungod nahibalo Siya sa tanan mahitungod kanila. Mabasa mo kini nga storya sa Bibliya sa Juan 4:3-42.
Nahibalo si Jesus sa tanan mahitungud kanato, maayo man ug dautan. Gusto nato itago ang mga dautan nga mga butang nga atong nabuhat sa atong kinabuhi, pero dili na nato matago kang Jesus. Mianhi Siya aron luwason kita Niya gikan sa silot nga angayan kanato tungod sa pagbuhat sa mga sayop. Kuhaon Niya ang kabug-at nga atong gibati sa atong kasingkasing ug hatagan kita Niya og kalinaw. Namatay Siya aron kuhaon ang atong mga sala ug magka-anaa kita’y lugar sa langit inig mamatay kita.
Si Jesus ang tubag sa tanan ninyo nga mga panginahanglanung mga pangutana. Gusto Niya nga mahimo nimo Siyang higala. Gusto Niya nga pun-on ang huwang sa imong kasingkasing. Iyang pulihan og kalinaw ang imong kahadlok ug kaguol.
Si Jesus miingon, “ Umari kamo kanako…… ug hatagan ko kamo ug kapahulayan” (Mateo 11:28). Mag-ampo lang sa Dios ug sultian mo Siya nga nangayo ka og pasaylo sa imong mga sala. Sultii si Jesus nga pasudlon mo Siya sa imong kinabuhi. Ug isalig ang imong kaugalingon Kaniya nga dako nga Dios pinaagi sa pagtoo, magpabilin Siya sa imong kasingkasing. Ang iyang presensya maghatag kanimo og kalipay. Tagaan ka niya og kusog ug katuyoan sa kinabuhi. Siya ang mahimung tubag para kanimo.