”Kalinaw, hain ang kalinaw - alang sa atong mga nasod, atong mga balay, ug labaw sa tanan alang sa atong mga kasingkasing ug mga hunahuna?" Kining desperadong singgit nadungog latas sa mga katuigan. Kini ba usab ang singgit sa imong kasingkasing?
Ang mga tawo gikapoy ug nabalaka. Walay duhaduha nga gikinahanglan ang giya ug tambag, kasigurohan ug pagsalig. Kita nagkinahanglan, ug nagtinguha, ug kalinaw sa hunahuna.
Kalinaw sa hunahuna - pagkadakong bahandi! Ang maong bahandi makaplagan ba diha sa kalibotan nga daghan kaayo ang panag-away ug kawalay-paglaom, kagubot ug problema?
Ang dakong pagpangita nagsugod na! Daghang tawo ang nangita ug kalinaw diha sa kabantog ug bahandi, diha sa kalipayan ug gahom, diha sa edukasyon ug kahibalo, diha sa tawhanong mga relasyon ug kaminyoon. Buot nilang pun-on ang ilang ulo sa kahibalo ug ang ilang mga pitaka sa bahandi, apan ang ilang mga kalag magpabilin nga walay sulod. Ang uban naningkamot sa pag-ikyas sa mga kamatuoran sa kinabuhi pinaagi sa mga droga o alkoholikong ilimnon, apan ang kalinaw nga ilang gipangita dili nila mabatonan. Sila walay sulod ug nag-inusara gihapon, anaa gihapon sa naglisod nga kalibotan nga may naglisod nga hunahuna.
Ang Tawo diha sa Kasamok
Ang Diyos naglalang sa tawo ug gibutang siya sa usa ka matahom nga tanaman aron makatagamtam ug hingpit nga kalinaw, kasadya, ug kalipay. Apan sa dihang si Adan ug Eva wala magmasinugtanon, sila dihadiha, nabati nila ang pagkasad-an. Diin sa wala pa sila makasala sila nangandoy sa presensiya sa Diyos, karon sila nagtago sa ilang kaugalingon tungod sa kaulaw. Ang kalinaw ug kalipay nga ilang nailhan gipulihan sa pagkasad-an ug kahadlok. Ang sala sa tawo mao ang sinugdanan sa usa ka masamok nga kalibotan ug usa ka masamok nga hunahuna.
Bisan tuod ang atong kalag nagtinguha sa Diyos, ang atong makasasalang kinaiya nagrebelde sa iyang mga dalan. Kini nga pakigbisog sa sulod maoy hinungdan sa tensiyon ug kaguol. Sa dihang kita, sama kang Adan ug Eva, makasentro sa atong kaugalingon diha sa atong mga tinguha ug mga ambisyon, kita mahimong mabalaka ug masuko. Kon mas mag-focus kita sa atong kaugalingon, mas maglisod kita. Ang mga kawalay-kasegurohan sa kinabuhi ug ang nagakausab, nagakahugaw nga kalibotan nagguol sa atong kasegurohan ug nagsamok sa atong kalinaw.
Bisag tingali wala nimo kini mailhi o dawata, ang sala mahimong hinungdan sa imong kaguol. Daghang tawo ang nangita sa gawas ug materyal nga mga butang aron makakaplag ug kalinaw. Sila nagbasol sa naglisod nga kalibotan tungod sa ilang naglisod nga hunahuna, apan napakyas sa pagtan-aw sa ilang kaugalingong kasingkasing.
Si Jesu-Kristo, ang Prinsipe sa Pakigdait
Walay kalinaw hangtod nga ang tanang bahin sa kinabuhi mahiuyon sa Usa nga nagbuhat ug nakasabot kanato. Posible lamang kini pinaagi sa bug-os nga pagsurender kang Kristo. Siya dili lamang ang agalon sa kalibotan kondili nahibalo usab sa atong kinabuhi gikan sa sinugdanan hangtod sa kataposan. Siya naghunahuna kanato sa diha nga Siya mianhi sa kalibutan "sa paghatag ug kahayag kanila nga nanaglingkod sa kangitngit ug sa landong sa kamatayon, sa paggiya sa atong mga tiil ngadto sa dalan sa pakigdait" (Lucas 1:79).
Si Jesus nagtanyag ug kahayag alang sa kangitngit, pakigdait alang sa panagbangi, kalipay alang sa kasubo, paglaom alang sa kawalay-paglaom, ug kinabuhi alang sa kamatayon. Siya nag-ingon diha sa Juan 14:27, "Ang kalinaw akong gibiyaan kaninyo, ang akong kalinaw akong gihatag kaninyo... Ayaw tugoti nga ang inyong kasingkasing masamok, ni himoa nga kini mahadlok. "
Ang Paghinulsol Naghatag ug Kalinaw sa hunahuna
Sa dihang mabati nimu ang bug-at nga palas-anon sa sala , ang tambal mao ang "Paghinulsol... ug balik kaniya, aron ang imong mga sala mapapas" (Buhat 3:19). Si Jesus nagdapit kanimo niining labing makahuloganon, makausab-sa-kinabuhi nga kasinatian. "Umari kamo kanako, kamong tanan nga nagabudlay ug nabug-atan, ug ako magapahulay kaninyo" (Mateo 11:28). Ang 1 Juan 1:9 nagsaad, "Kon atong isugid ang atong mga sala, siya matinumanon ug matarong sa pagpasaylo kanato sa atong mga sala, ug sa paghinlo kanato gikan sa tanang pagkadili-matarong." Motubag ka ba sa iyang pagdapit?
Sa dihang muduol ka kang Jesus, ikaw makakaplag ug kapasayloan ug kagawasan. Inay magdumot ug dili magpasaylo, ang imong kasingkasing napuno sa gugma ug kaluoy. Uban kang Jesus nga naghari diha sa imong kasingkasing, higugmaon nimo ang imong mga kaaway. Posible kini pinaagi sa gahom sa atong manunubos nga si Kristo ug sa iyang dugo.
Malungtaron nga kalinaw
Ingon usa ka Kristohanon, ang pagtuo sa Dios ug pagsalig sa Iyang pag-atiman mao ang tambal batok sa kahadlok ug kabalaka. Unsa ka malinawon nga magsalig sa usa ka Dios nga dili mausab ug nga gikan sa sinugdanan hangtod sa kahangturan. Gihigugma Niya kita ug kanunay nga mag-atiman kanato. Busa, nganong mabalaka ug masuko pa ta? Kat-oni nga buhaton sama sa atong mabasa sa 1 Pedro 5:7, “Ihulog ninyo kaniya ang tanang inyong kabalaka, kay Siya mag-atiman kaninyo.” Aduna usab kita’y saad, “Pagahimoon Mo nga hingpit ang kalinaw sa tawo nga ang hunahuna nagapadayon kanimo; kay siya nagasalig kanimo” (Isaias 26:3).
Uban kang Jesu-Kristo diha sa imong kasingkasing, ang imong pagpangitag kalinaw natapos na. Siya mohatag ug kalinaw ug kalig-on nga maggikan lamang sa pagsalig kaniya. Makasugid ka uban sa magbabalak:
Ako nakaila sa kalinaw, diin walay kalinaw,
Usa ka kalmadong dapit, diin naghuyop ang ihalas nga mga hangin,
Usa ka tinago nga dapit diin mag-atubang
Uban sa Agalon ako moadto.
-Ralph Spaulding Cushman
Ikaw makabaton ug kalinaw sa hunahuna diha sa usa ka malisod nga kalibotan! Ablihi ang pultahan sa imong kasingkasing ngadto kang Kristo ”karon” ug sa usa ka adlaw Siya magbukas sa pultahan sa langit alang kanimo, diin ang hingpit nga kalinaw maghari hangtod sa kahangtoran.