Usa nga Waray Pahuway nga Kalibotan
An kalibotan usa nga lugar nga waray-pagpahuway. Nakikita naton an mga tawo nga nagdadagmit ha pamiling hin katagbawan ha buruhaton or kiriwahon. Damu an nagdedikar han ira kinabuhi basi magkaada hin mga bahandi. An iba naruruyag han ngatanan nga kalipayan han sensual nga kinabuhi. Pero an iba liwat karuyag magkaada hin dugang nga panahon ha libangan ngan nag-aandam ha pagtrabaho hin mas gutiay, ngan paglipaylipay o pagmulay hin mas damu. Pero an ira espirito diri la gihap nakokontento. An mga gadgets, mga kalipayan, ngan mga panag-iya nawad-an na han ira kaanyag ha kataposan. An kada tagsa nga bag-o nga pantanggal-luntog napapahimuslan ha usa ka panahon pero madagmit nawawara an iya husay. Baga hin may-ada nakukulang.
Kita ngatanan may-ada mga kapakyasan. An aton mga buruhaton limitado han aton pisikal nga mga abilidad. An mga membro han pamilya nagkikinahanglan hin padayon nga pag-atiman. Inaabat naton nga nahuhulog kita ha usa nga trabaho tungod kay kulang an aton kaabtik ha pagbuhat hin iba nga trabaho. Naggasto kita hin kwarta ngan nangutang nga naglalaom nga an sunod nga pagpalit magigin mas masayon han kinabuhi. An aton pag- asawa diri sugad han aton ginlaoman. Ha waray kapulsanan an aton pagpamiling hin katumanan ngan panuyo.
Amo la ba ini an kinabuhi? Diri ba sadang nga may-ada mas mapulsanon nga butang nga maghahatag ha aton hin katagbawan, usa nga mas permanente? Sigurado, may-ada gad man usa ka sulosyon.
Ano an Kinabuhi?
An kinabuhi usa ka birilhon nga kahalaba han panahon nga iginhatag ha aton han Maghirimo. An Biblia nasiring nga ito pariho hin lambong (1 Kronikas 29:15); sugad hin halipot la nga kinabuhi han mga tanom ngan mga bukad (1 Pedro 1:24); ngan sugad hin madamit mawara nga alisngaw (Santiago 4:14).
Ha dida nga batan-on pa kita, nakikita naton nga an kinabuhi nagpapadayon hin mga tuig. Ha dida nga nagtitikalagas kita, an panahon baga hin nagdadagmit. Diri na naton mahihimo an aton ginlalaoman hadto. Nabibido kita tungod han magkadurodilain nga mga ulang nga naglimitar han aton pamaagi han kinabuhi.
Ano an Problema?
Ano an nakaambag han pagkawaray-kontento han aton sulod?
An kinabuhi usa nga higayon pero usa liwat nga responsabilidad. Diri kita malipayon kon nasupak kita ha maopay nga aton hinbabaroan nga kinahanglan naton buhaton. An sala kontra ha aton igkasi-tawo nagriresulta hin kabaraka ngan pagbasol. An sala ha aton kalugaringon nakakaraot ha aton kamurayawan ha hunahuna. Nakaabat kita nga may baratunon kita ha aton buhat.
An kadam-an nga mga tawo naabat nga an kinabuhi bahin la han mas daku nga hulagway kay han ira pipira la ka tuig dinhi ha tuna. Para ha damu nga mga tawo nangangahulogan ini nga kinahanglan nira kilalaon an mas hitaas nga espirituwal nga gahum, an mas daku nga katuyoan nga nagios ha uniberso. Bangin diri hira maaram kon hin-o o ano iton hiya.
Urog nga an mga tawo diri nakontento ha kinabuhi tungod kay diri nira nakikita iton ha sugad nga panlantaw han kanan Dios. Diri hira maaram han kaburut-on ngan katuyoan han Dios para ha tawo, ngan danay kinaburut-on nga diri hira maaram hito. Damu an diri nakakaghunahuna han waray kataposan nga kalipay han mga matinumanon ngan mas karuyag nira igbalewaray an kataposan nga paghukom ha mga magraot ngan diri-diosnon. (Mga Taga-Roma 6:23)
Bakante an Hura nga Kinabuhi
Hi Jesus nayakan ha Juan 16:24, “Tubtub niyan waray pinangamuyo nga bisan ano ha akon ngaran: pangamuyo kamo, ngan makakarawat, basi an kalipayan mahingpit.” An kalipay nga iginhahatag ni Jesus diri masayon makuha tikang ha kasingkasing han usa nga Kristohanon.
Usahay nasusubo kita tungod han mga pagsulay. Kondi an kalipay tikang ha presensya han Espiritu Santo mas hilarom pa. Bangin diri ito an nag-aaghat, masayon nga pagbati ha ngatanan nga panahon, kondi an simple ngan kalmado nga pagsarig ha Ginoo amo an nakakabulig ha aton nga magpabilin hin madig-on nga matukdaw ngan diri maperdi han bagyo.
Bangin sumiring ha imo an iba nga an Kristiano nga paagi sobra ka istrikto basi mapahimulsan. Bangin maghunahuna hira nga basi magin malipayon kinahanglan makahimo ka han imo karuyag. Usisaha la an Ginoo! Mahibabaroan mo nga makalilipay an pag-alagad ha Usa nga namatay para ha imo. Magigin klaro ha imo nga an tawo nga nag-aalagad ha iya kalugaringon amo lugod an uripon ngan an uripon ni Kristo amo an gawasnon nga tawo.
An tuod nga katagbawan diri mababasa ha pagsunod ha mga uso ngan ha pagsubad han mga uso o ha paghimo han aton kinabuhi nga susbaranan basi magpabilib ha iba. Ito nga klase han pagkinabuhi nagigin makuri nga puwersa ha aton ngan nagriresulta ha pagkauripon. Kon mapainubsanon kita, may kagawasan kita. May kagawasan nga magin kita ha aton kalugaringon. Kagawasan ha pagpahuway han aton hunahuna tikang ha kabaraka kon ano an ginhuhunahuna han iba mahitungod ha aton.
Nagtatanyag hi Jesus hin Kinabuhi nga Mapulsanon
Ha Mateo 11:28 aton mababasa, "Kadi kamo ha akon, ngatanan kamo nga ginugul-an hin mabug-at, ngan akon kamo tatagan hin pagpahuway.” Dinhi hi Jesus naghahatag hin pagpahuway ha ngatanan nga an pinas-an baga hin labaw ha ira maiilob, nga an ira kinabuhi waray katuyoan, nga an ira kinabuhi waray katumanan.
Pakadi ha Ginoo ngan ihatag ha Iya an imo mga sala, an imo kasubo, an imo waray matuman nga kahubya, ngan an imo kapakyasan. Admitira an imo kawaray abilidad ha pag-atubang ha mga problema ha kinabuhi. Bayai an imo hinbabaroan nga sayop ha imo kinabuhi. Ihatag an imo kinabuhi kan Jesus. Sarig ha Iya nga kuhaon ka Niya ha kamot ngan maggiya ha imo.
Ha dida nga nasantop mo nga nagkikinahanglan ka hin bulig ha imo kinabuhi, makakadto ka kan Jesus ngan makakarawat hiton nga bulig. Tubtob nga inaabat mo nga independente ka ngan makakahimo ha imo kalugaringon, waray hiya mahihimo para ha imo. Kon igintutugyan mo an imo kalugaringon ha iya pagmangno, may-ada paglaom para ha imo.
Hi Jesu-Kristo makakahimo ha pagtagbaw han pinakahilarom nga hingyap han imo kalag. Ihatag an imo kinabuhi ngan kaburut-on ha Iya. Samtang ginhahangyo mo hiya nga pun-on ka han iya kahuraan, an kinabuhi ha tanan nga kahuraan maimo.