Ano an kahulogan hini nga nagputokputok ha akon dughan?
Ini nga padayon nga pamiling hin kamurayawan ngan pagpahuway?
Ini nga kamingaw nga akon inaabat?
Bisan kon nakikig-upod ako han mga tawo
Ini nga maul-ul nga buho han kawad-an halarom ngan makusog an tingog;
Tuod gud an iya pagtangis! Tuod gud!
Waray-Pulos nga Kalibotan, makakahimo ka ba ha pagkontento hini nga pagbiling?
An imo ba dagku nga mga tindahan naghahatag hini nga pagpahuway?
Busa taposa ini nga pagtangis han paghingyap!
"Kitaa! Mga bahandi, pagtawa, pagpahitaas, ngan kabantogan,
Kon gin-aangkon, gutiay nga ngaran la ito!
Diri hira nakakakontento!
Ah, amo ini an akon kalag! Amo ini an imo pagtangis!
Nakikita mo nga harani na an waray kataposan nga kamatayon,
Gawas kon an Dios maghatag ha imo hin pagpahuway?
Ha lubnganan, ikaw usa ka bahin ha Iya;
Ngan tungud hini, nagtitinguha ka hin pagkaluwas tikang ha sala,
Ha pag-ukoy upod ha Iya ha kataposan!
Oh! mesirable ako! Nawara ako ha sala!
Nahabulag tikang ha Dios an akon kalag nga anhi ha sakob!
Kalooyi ako, Ginoo!
Pamati! Pamati! Usa nga tingog yana an nagsasangpit han akon ngaran:
“Hinigugma nga Salaan, ginpas-an ko an pagbasol ha imo:
Iginpaagay Ko an akon dugo para ha imo!
Ha ira nga imnabot, ako nahatag hin matam-is nga pagpahuway,
An kamingaw ha butnga han dughan;
Igin-aagian ito ha akon la.”
Tikada ako ha imo, Ginoo, tikada ako yana.
Ubos ha imo krus ako malipayon nga nayukbo;
Ihatag ko ha imo an ngatanan ko!
Matam-is nga kamurayaw an maakon ha Kalbaryo!
An akon pinas-an nagpaharayo, an akon kalag natalwas!
(Ngadi na gud ako maukoy!)
Oo, hi Jesus nagpapahilom hito nga nakatago nga pagtangis;
An akon kalag may-ada na yana usa nga balay ha kahitas-an,
Ngan naghuhulat hito nga daku nga adlaw!
Bangin pamilyar ka hini nga tinago nga pagsangpit kon diri kontrolado ni Jesus an imo kasingkasing. Bangin diri mo bug-os nga masabtan ini nga hingyap. An imo kalag an nagsasangpit han Dios. Iya ito ginhimo, ngan nagkakab-ot ito ha Iya. “Ngan an tawo nahimo nga buhi nga kalag” (Genesis 2:7) Ini nga kalag mabubuhi ha kadayonan.
May-ada daku nga kaguol nga sumakob han tuna; damu an nagdadlagan ngadto nganhi (Daniel 12:4). An nakakaworuk ngan lurong nga pamiling hin kalipayan naghahadi imbes nga an tawo sinsero nga magtawag ha Dios para han baton ha pagpamiling han iya kalag. Damu nga kalalakin-an ngan kababayin-an ngan mga bata umundang ha pagigintangkod ngan pagigindesente tungod han waray pulos nga paglaom nga matuman ini nga masakit nga kawad-on ha sulod. Ha ira pangalimbasog nga pun-on ini nga kawad-on, natural la nga an mga tawo magtinguha ha "kairiphon han unud, ngan kairiphon han mga mata, ngan panhambog han kinabuhi" (1 Juan 2:16). Makasurubo an paghunahuna nga yinukot, bisan minilyon pa ngani, an nagtitikaduro ngadto ha daku nga lit-ag ni Satanas pinaagi hini nga mga hingyap. Ha kataposan nga adlaw aabaton nira an nakakaraot nga kamatuoran nga hi Satanas usa nga parapanlimbong ngan an makasasala, unodnon nga pagkinabuhi usa la ka ilusyon. Ha kataposan han ira kinabuhi, ilalabog hira ha nagkakalayo nga buho han impyerno. Ha impyerno! Didto mag-aantos hira hin waray kapariho nga pag-antos ngan kasakit ha waray kataposan nga mga katuigan. (Kitaa liwat an Mateo 25:41; Pahayag 20:10-15; 21:8)
Yana pa an adlaw han grasya, an panahon nga an mga makasasala makakadaop ha Ginoo para hin pagpasaylo. Yana nga adlaw, kon an imo kasingkasing nag-aaghat ngan namimiling hin kamurayaw ngan pagpahuway, balik ngadto ha Iya nga hinigugma han imo kalag. An sala nagbulag ha aton tikang ha Dios, pero may-ada Usa nga makakatalwas ha imo - hi Jesus, an bugtong nga Anak han Dios (Juan 3:16). Karuyag gud niya nga talwason ka. Hiya la an makakahatag ha imo hin pagpahuway ha kasingkasing ngan hunahuna. Gintatawag Niya hin malumo an ngatanan "kanhi ha akon, kamo ngatanan nga ginugul-an ngan binubug-atan, ngan akon kamo tatagan hin pagpahuway" (Mateo 11:28).
Hi Jesus nag-antos ngan namatay ha krus basi matalwas an aton mga kalag (1Pedro 2:24). Kita an nakasala! An hustisya nagkinahanglan nga an kadatagsa ha aton mamatay - bisan an waray kataposan nga kamatayon. Kondi tungod hini nga paglukat, an kamatayon "lalamyon ha pagdaug" (1 Korinto 15:54). Hi Jesus amo an waray sala nga "Kordero han Dios, nga nagkukuha han mga sala han kalibutan" (Juan 1:29). Hinigugma gud niya an mga kalag han mga tawo salit disidido hiya nga bayaan an trono han iya Amay upod an ngatanan nga himaya hito ngan kumanhi ha tuna. Hi Jesus nag-ukoy dinhi sugad nga tawo ngan ha kataposan iginhatag an iya kinabuhi ha krus. Igin-ula niya an iya dugo basi mapasaylo an aton mga sala. “Para nga an ngatanan nga natoo ha iya diri mawara, kondi magkamay-ada kinabuhi nga waray katapusan” (Juan 3:15).
Damu an naghuhunahuna nga matatalwas hira tungod la kay natoo hira kan Jesus. Ha pagkamatuod, kinahanglan tumoo kita ha Iya, pero an "pagtoo nga waray mga buhat patay" (Santiago 2:20). Hi Jesus mismo nagsiring, "Diri an ngatanan nga nasiring ha akon, Ginoo, Ginoo, makakasulud ha ginhadian han langit, kondi an nagbubuhat han kaburut-on han akon Amay, nga aadto ha langit" (Mateo 7:21).
Bangin an imo kalag diri mamurayawon, ngan bangin nahadlok ka ha waray kataposan tungod han sala ha imo kasingkasing. Kumadto ka kan Jesus ha bug-os mo nga kasingkasing ngan pangaro ha iya nga pasayloon ka han imo mga sala ngan paglimpyohan ka han ngatanan mo nga karat-an. An sala diri makakasulod ha langit. “An kalag nga nakakasala, ini mapatay” (Esekiel 18:4). Kondi magmaisugon ka! “Kadi, ngan pakigmatadongay kita, nasiring an Ginoo: bisan kon an iyo mga sala masugad han eskarlata, hira magbusag sugad han niebe; bisan kon hira mapula sugad han takuranga, hira masusugad han barahibo han karnero” (Isaias 1:18).
Samtang ginbabasa mo ini nga mga pulong bangin abaton mo nga an Espiritu han Dios malinawon nga nagtutuktok ha imo kasingkasing. Pakadi kan Jesus yana! Andam hiya ha pagpasaylo ngan ha pagluwas ha imo tikang ha pagkauripon han sala ngan kahadlok.
Basi mabaton an tawag han Dios, abrihi an imo kasingkasing ha Iya. Karawata nga makasasala ka ngan waray mo mahihimo, ngan nawawara ka ha kadayonan. Sarig nga an imo la paglaom aada kan Jesus, nga nag-antos ngan namatay para ha imo mga sala. Magdadara ini hin hilarom nga kabidoan tungod han imo mga sala. Kon magbabasol kamo ngan maghimo hin bug-os nga pagsarig ha Dios, papasayloon kamo niya. Makakaabat ka hin pagkakalmado ngan kamurayaw nga makakakontento han nasinggit ha imo kasingkasing. Importante nga sumunod nga upod an pagkamasinugtanon ha dida nga an Baraan nga Espirito nagtitikang paggiya ha imo kasingkasing. Hiya magiya ha imo ha pagkumpisal han imo mga sala ngan pagpahibalik kun diin kinahanglanon. Amo ini an pagkatawo hin utro nga ginyakan ha Juan 3:3.
An natawo hin utro nga tawo nakakarawat hin bag-o nga kinaiya, bag-o nga hingyap, ngan usa ka kasing-kasing diin puno hin gugma han Dios. Hi Jesus, pinaagi han Baraan nga Espiritu, nag-uukoy ha kasing-kasing han natawo hin utro nga tawo, ngan an maiha nga hingyap han kasingkasing makontento. May-ada niya pagkaurusa upod han Maghirimo! Ha dida nga magpadayon pagkamapaubsanon ngan pagkamasuguton ha mahinay ngan gutiay nga tingog ha Espirito han Dios, hiya magigiyahan ha dalan nga nagdadara ha waray kataposan nga kalipay.
Mahimo ba naton makipamalooy utro? Diri ka ba madaop kan Jesus yana? Ayaw na pagtaboni an tinago nga pagtatangis! Ha kalibutan nga puno hin kasamok ngan kakurian, kun diin an sala nagkakalat ha ngatanan nga dapit, pwede ka makakamay-ada hin matam-is nga kamurayawan ngan pagpahuway!