Kaniadto walay bisan unsa niining kalibotana.
Walay isda.
Walay mga bitoon sa langit.
Walay dagat ug matahom nga mga bulak.
Ang tanan walay sulod ug ngitngit.
Apan dihay Diyos.
Ang Diyos adunay maayong plano. Siya naghunahuna sa usa ka matahom nga kalibotan, ug samtang Siya naghunahuna, Iyang gihimo kini. Gihimo niya kining tanan gikan sa wala. Sa dihang gibuhat sa Diyos ang bisan unsang butang, Siya miingon lamang, "mahimo kining tanan", ug kini nahimo!
Siya nagbuhat og kahayag. Siya naglalang sa mga suba ug kadagatan, sa yuta nga gitabunan sa balili, sa mga mananap, mga langgam, ug mga kahoy.
Sa kataposan, Iyang gibuhat ang usa ka lalaki, ug unya Iyang gihimo ang usa ka asawa alang sa lalaki. Ang ilang mga ngalan mao si Adan ug Eva.
Gihigugma sila pag-ayo sa Diyos. Matag gabii Siya miduaw kanila sa matahom nga tanaman nga ilang gipuy-an.
Ang tibuok nga tanaman ilaha, gawas sa usa ka kahoy, nga mao ang kahoy nga gidili sa Diyos.
Si Adan ug Eva malipayon hangtod nga usa ka adlaw gitintal sila ni Satanas, ang kaaway sa Diyos. Sila mihukom sa pagtilaw sa bunga sa gidili nga kahoy sa Diyos. Sila nakasala. Sa unang higayon sila naulaw ug nasubo.
Sila dili na makapakigsulti sa Diyos. Karon sila makaagom og kasakit ug kasamok. Ug sila kinahanglang mamatay. Pagkadako gayud sa ilang pagmahay!
Ang Diyos nagsaad nga motabang kanila. Sa dihang moabot na ang hustong panahon, Siya magpadala sa iyang Anak nga si Jesus nganhi sa kalibotan. Si Jesus moanhi gikan sa langit ug maghimo og paagi aron mapasaylo ang sala. Aron mahimo kini, siya mag-antos ug mamatay alang sa katawhan. Pagkadako sa ilang kalipay nga ang Diyos magpadala og Manluluwas!
Si Adan ug Eva may mga anak ug mga apo. Sa ngadtongadto daghan na ang mga tawo nga nagpuyo sa kalibotan.
Buot sa Diyos nga magmalipayon ang tanan. Gisultihan niya sila kon unsay buhaton. Ania ang listahan sa mga lagda nga gihatag sa Diyos kanila (Exodo 20:3-17):
1. Dili ka magbaton og lain nga mga dios sa atubangan ko.
2. Alang kanimo dili ka magbuhat ug usa ka larawan nga linilok.
3. Dili mo paggamiton ang ngalan ni Jehova sa pasipala.
4. Hinumduman mo ang adlaw nga igpapahulay, aron sa pagbalaan iniini.
5. Tahuron mu ang imong amahan ug inahan.
6. Dili ka magpatay.
7. Dili ka magpanapaw.
8. Dili ka magpangawat.
9. Dili ka magsaksi og bakak batok sa imong isigkatawo.
10. Dili ka magtinguha sa balay sa imong isigkatawo, dili ka magtinguha sa asawa sa imong isigkatawo, ni sa iyang ulipon nga lalake, ni sa iyang ulipon nga babaye, ni sa iyang vaca, ni sa iyang asno, ni sa bisan unsa nga iya sa imong isigkatawo.
Kini gisulat diha sa Bibliya aron mabasa nato kini. Kon atong sundon kini, kita magmalipayon.
Si Satanas dili buot nga kita magmasinugtanon kaniya. Usahay siya moingon kanato nga mangawat og butang sa dihang walay nagatan-aw. Apan ang Diyos nahibalo niana. Ang Diyos nakakita sa tanang butang.
Usahay si Satanas magtukso kanato sa pagsulti og bakak ug magpahunahuna kanato nga walay makakita niana. Ang Diyos nahibalo niana. Siya makadungog sa tanang butang..
Sa dihang atong buhaton kining mga butanga, mobati kita og dili maayo sa sulod. Gihigugma kita sa Diyos ug gusto niyang tabangan kita nga mahimong maayo. Mao kana ang hinungdan nga Iyang gipadala si Jesus sa kalibotan. Nahinumdom ang Diyos sa iyang saad. Human sa daghang tuig, si Jesus natawo ingong gamayng bata. Siya mitubo ug nahimong usa ka hamtong lalaki.
Siya nagbuhat og daghang katingalahang mga butang. Iyang giayo ang mga masakiton. Iyang gihimo nga makakita ang mga buta. Iyang gipanalanginan ang mga bata.
Si Jesus wala gayod magbuhat og daotan. Gisultihan niya ang mga tawo bahin sa Diyos ug kon unsaon pagsunod Kaniya.
Paglabay sa pipila ka panahon, gilansang siya sa krus sa mga kaaway ni Jesus. Siya namatay.
Siya nag-antos ug namatay alang sa mga sala sa tanang mga tawo, bisan niadtong naglansang Kaniya sa krus.
Si Jesus gilubong. Apan unya usa ka katingalahang butang ang nahitabo. Wala siya magpabilin sa lubnganan. Siya nabanhaw!
Sa wala madugay gidala Siya sa Diyos balik sa langit diha sa usa ka panganod. Samtang ang iyang mga higala nagtan-aw sa Iyang pagbiya, usa ka manulonda miingon kanila nga si Jesus mobalik pag-usab.
Si Jesus namatay usab alang sa atong mga sala. Buot niya nga kita maghinulsol ug mosugid sa atong mga sala. Siya andam sa pagpasaylo kanato.
Kita makaampo sa Diyos bisan kanus-a. Siya nakadungog sa matag pulong ug nahibalo sa matag hunahuna. Siya magpabati kanato og kalipay sa sulod sa atong kasingkasing sa dihang ang atong mga sala mapasaylo. Dayon gusto natong buhaton kon unsay matarong. Nan gusto kitang magmalulot-on.
Mahimo natong pilion ang pagsupak sa Diyos ug pagsunod kang Satanas. Apan ang pulong sa Diyos nag-ingon nga kon atong isalikway Siya niining kinabuhia, Siya mosulod kanato ngadto sa impiyerno. Ang impiyerno maoy usa ka dapit sa kalayo nga nagdilaab hangtod sa kahangtoran.
Apan kon atong higugmaon ug sundon si Jesus, Siya magdala kanato ngadto sa langit sa dihang Siya mobalik. Ang langit mao ang matahom nga pinuy-anan sa Diyos ug sa iyang Anak nga si Jesus. Kini maoy pinuy-anan sa gugma ug kahayag. Didto kita magmalipayon sa walay kataposan.