Sayop baa ng pagtabako? Nag-ingon ba ang Biblia nga kini sala? Adunay mga pangutana, sa nagkalain-laing paagi nga kanunay ipangutana sa mga hinabako kon sila pakighisgutan mahitungod sa pagtabako. Dili, nag Biblia wala maghisgot ug piho mahitungod sa kaibog sa pagtabako. Apan naghatag kini ug mga giya kon unsaon sa katawhan, kalalakinhan, ug kababayenhan, nila pagdala ang ilang mga baruganan sa kinabuhi.
Magtan-aw kita ug pipila ka mga bersekulo ug atong tan-awon kon unsaon nato paggamit: Ang Dios nagpahimatngon “… maglikay kamo sa mga kailibgon nga lawasnon, nga nagapakig-gubat batok sa kalag.” 1 Pedro 2:11.” Kay pinalit kamo sa usa ka bili: busa, himayaon ninyo ang Dios sa inyong lawas g sa inyong espiritu, nga mga iya sa Dios” 1 Corinto 6:20. “ Kong may tawo nga magalaglag sa templo sa Dios, ang Dios magalaglag kaniya; kay ang Dios balaan ug mao kana kamo.” 1 Corinto 3:17. “ Dili kamo magpalimbong;ang Dios dili arang matiawan kay bisan unsa nga igapugas sa tawo, mao usab kana ang iyang pagaa-nihon. Kay kadtong nagapugas alang sa kaugalingon niyang unod, gikan sa unod magaani sa pagkadunot; apan kadtong magapugas alang sa Espiritu, gikan sa Espiritu magaani ug kinabuhi nga walay katapusan”. Galacia 6:7,8.
Ang pagtabako, paglagut, pagsimhot-simhot sa tabako pagkaon ba alang sa lawas? Makapangayo ba ikaw sa Langitnon Amahan niini ingon nga pagkaon sa lawas - “ Ihatag mo karon kanamo ang tinapay namo sa matag-adlaw” Mateo 6:11? Kini dautn tungod sa pag-usik-usik sa mga materyal nga panalangin sa Dios nga aron unta alang sa atong kalipay ug ikapaambit sa uban. Ang multimilyong pesos nga nagasto kada tuig sa tabako sa iyang nakadaiyang matang sa dakung kantidad aron makahimo ug abo, aso, na bungkag nga mga panimalay, daut nga kusog, kagul-anan sa mga kasingkasing, ug mga kamatayon.
Napamatud-an nanga ang segarelyo maghatagug kahasol sa tutunlan, makabalda sa paghilis sa pagkaon, maka-pakanser sa baga, ulser sa tiyan, maghatag ug nerbios, makadaut sa kasingkasing, ug makapamubo sa kinabuhi.
Ang Dios nagsulti pinaagi ni Propeta Isaias: “ Nan ngano man nga maga-gasto kamo sa salapi alang niana nga dili tinapay? Ug sa inyong pingangitaan alang niadtong dili makabusog? Patalinghug kamo pag-ayo kanako, ug kan-a ninyo kana nga maayo, ug tugoti nga ang inyong kalag magakalipay sa inyong kaugalingon nga katambok” Isaias 55:2.
Kadaghanan sa mga hinabako mopalit niining “sagbot” apan ang ilang mga anak nahikawan sa mga butang nga ilang gikinahanglan sa kinabuhi - pagkaon ug sapot ug bisan pa gani mga panimalay. Makaingon ba ikaw nga maayo kini nga gawi, putli, dili makadaut, ug dili makahasol sa uban? Kabahin ba kini sa mga tawong balaan diin nahibulag na sa mga sala sa kalibutan pinaagi sa krus ni Cristo? O’ dili ba kini usa ka dili kinaiyanhon, unod-nong gawi? Kini sala tungod kay kini usa ka kaibog sa unod, diin gisaway sa Biblia. “Kay kadtong mga nanagsunod sa unod, managtagad sa mga butang sa unod: apan ang mga nanagsunod sa Espiritu, sa mga butang sa Espiritu.”Rpma 8:5.
Makagamit ba usa ka tawo niini aron paghimaya sa Dios? “ Busa, kong mangaon kamo, kun manginum, kun bisan unsa ang inyong pagabuhaton, buhaton ninyo ang tanan alang sa himaya sa Dios.” 1 Corinto 10:31. Motabako ba kaha anfg atong Dios? Kitang tanan maka-ingon dili gayud siya motabako! “ Kay ang mao nga labawng sacerdote nahiangay kanato: balaan, walay sala, walay buling, ginahin gikan sa mga makasasala…” Hebreohanon 7:26.
Sa ibabaw niining mga pangutana, sa mga bersikulo ug sa maayon katarungan, tugutan ba nimo ang Dios nga makasulti kanimo, pinugngan ang kaugalingon mong gusto, ug isalikway ang tanan mong hinakog nga katarungan ug kaugalingon nga kapanghingatarungan ug itugyan kining hugaw nga butang didto sa atubangan sa usa ka Balaan nga Dios alang sa Iyang pagpai-go? Ug susama sa batan-ong Samuel ikaw moingon: “… Sulti; kay ang imong sulogoon namati?” 1 Samuel 3.10.
Dili kinahanglan nga ikaw magpadayon sa pagtabako bisan pa kon hinabako ka sa dugay nang panahon. Ang uban nakaundang pinaagi sa gracia sa Dios. Si Jesus miingon,”… sa Dios ang tanang butang mahimo.” Marcos10:27. Sila nakahimo sa pagbiyasa pagtabako pinaagi sa pag-ampo ug paglimod sa kaugalingon. Ang pag-ingon nga “dili” sa mga tentasyon ug ang pagpuno sa kasingkasing ug kaisipan sa mga espirituhanong butang ugmga hunahuna. May usa ka hinabako miingon: “ Sa dihang nakahukom na gayod ko sa pag-undang ug tabako, gisulod nako ang akong gamay nga Testamento sa bulsa sa akong polo diin akong butanganan sa sigarilyo. Kon mohunong ako sa pagtrabaho aronmakigsulti sa usa ka tawo, ang naandang pagkuot sa bulsa aron pagkuha og sigarilyo napulihan sa pagkuha saTestamento ug mobasa ug usa o duha ka bersekulo.”
“Dili ninyo pagpalungon ang Espiritu.” 1 Tesalonica 5:19. “ Busa ang mahibalo pagbuhat sa maayo, ug kana wala niya pagabuhata, kaniya kana sala.” Jacobo 4:17. “ Adunay usa ka dalan nga daw matarung sa usa ka tawo; apan ang katapusan niana mao ang dalan sa kamatayon.” Proverbio 14:12. “Busa, mga hinigugma, sa nabatonan nato kini nga mga saad, managhinlo kita sa tanan nga kahugawan sa unod ug sa espiritu, magmahingpit sa pagkabalaan diha sa kahadlok sa Dios.” 2 Corinto 7:1. “ Kay kon magkinabuhi kamo nga uyon sa unod, mangamatay gayud kamo; apan kong tungod sa Espiritu gipamatay ninyo ang mga buhatsa lawas, mangabuhi gayud kamo.” Roma 8:13. “ Ug ang tanan nga aduna niini nga paglaum diha kaniya, maga-putli sa iyang kaugalingon, maingon nga siya putli.” 1 Juan 3:3.