Ang mosunod maoy uban sa mga hulagway ug ilhanan sa kinaugalingong kinabuhi. Ang Espiritu Santo lamang ang makahubad ug makabutang niini sa imong kaugalingon. Sa imong pagbasa, susiha ang imong kaugalingon sa atubangan sa Dios.
Kinaugalingon nga Kinabuhinaka-Amgo ba Ikaw ug:
-Usa ka tinago nga espiritu sa garbo o mapahitas-on nga pagbati tungod sa imong kalampusan o kahimtang – tungod sa imong maayo nga pagbansay o panagway – tungod sa imong kinaadman ug katakus – usa ka mahinungdanon, iya-iyahon nga espiritu? Prov. 16:18, 20:6; 25:14; Roma 12:3; Sant. 4:6.
-Gugma sa pagdayeg nga tawhanon; usa ka tinagong pagkamahigugmaon nga himatikdan; gugma sa pagkalabaw; pagdani nganha sa kaugalingon diha sa panagsulti; pagpadako sa kaugalingon kon may kahigayonan sa pagsulti o pag-ampo? Juan 5:44; 12:42, Cor. 13:4.
-Ang pagsinta sa kasuko o walay pag-apilub nga, labing dautan sa tanan, tawgon lang nga nerbiyos o balaan nga pagkasuko; ang pagkadali lang nga mahiubos, sabdonon nga espiritu; usa ka kinaiya nga mosukol ug manimalos kon dili uyonan o supakon; usa ka tinguha nga mosulti ug mahait, masuk-anon nga mga pulong sa uban? Sal. 37:8; Eccl. 7:9; Luc. 21:19; Sant. 1:19.
-Pagkamatinumanon sa gusto; ang pagkagahian,dili matudloan nga espiritu; usa ka malalison, tabian nga espiritu; bastos, mabiay-biayon nga mga sinultihan; usa ka dili masunoron, masinupakon nga kinaiya, usa ka kinaiya nga hinawayon ug mangitag sayop kon dili iapil ug tagdon: usa ka sapoton ug masuk-anon nga espiritu: kinaiyang gusting tagdon ug kahimut-an? Deut. 1:43; Mal. 2:2; Sant. 3:17; Ped. 2:10.
-Tawhanon nga pagkahadlok, espiritu nga mahadlokon sa tawo; pagtago gikan sa pagtamay ug katungdanan; pangatarungan labut sa mga kasakitan; paglikay gikan sa pagbuhat sa tibuok nga katungdanan ngadto sa mga adunahan ug may katungdanan; kahadlok nga may usa nga magpakaulaw ug mag-abog sa pipila ka inila nga mga tawo palayo; usa ka mauyon-uyonon nga espiritu? 1 Sam. 15:24; Prov. 29:25; Gal. 2:12; 1 Juan 4:18.
-Usa ka masinahon nga kinaiya; usa ka tinagong kasina gitakpan sa imong kasingkasing; usa ka dili maayong pagbati sa pagkakita sa dakong pagkamauswagon ug pagkamalampuson sa uban; usa ka kinaiya nga maghisgut sa mga kasaypanan ug kapakyasan imbis ang mga gasa ug hiyas niadtong mga tawong may labaw nga kahibalo ug ginadayeg kay kanimo? Gen. 26:12-16; 1 Sam. 18:8,9; Prov. 6:34; 14:30; Mat. 21:15; Roma 12:9, 10.
-Usa ka limbongan ug malinglahon nga kinaiya; ang paglikay ug pagtabon sa kamatuoran; ang pagtabon sa imong tinuod nga kasaypanan; pagpakaaron-ingnon nga maayong tawo; dili-tinuod nga pagpa-ubos; pagpasobra; pagpili sa matuod? Sal. 15:2, 3; Isa. 29:13, Jer. 17:9; Mat. 23:28; Luc. 22:48; Buh. 5:2,3; 1 Tim. 4:2.
-Pagkawalay pagtoo; espiritu nga walay kadasig sa panahon sa kalisdanan ug paglutos; pagkakulang sa kalinaw ug pagsalig sa Dios; usa ka kinaiya nga masub-anon ug matutolon taliwala sa kasakit, kakabus o mga kabubut-on sa Dios; usa ka hilabihan nga pagkabalaka kong ang tanang butang matapus ba nga malampuson? Isa. 7:9; Luc. 12:28-30; 1 Cor. 2:14; 2 Cor. 5:6; Heb. 11:6; 1 Ped. 5:7.
-Pagkamaayo lang sa gawas ug pagkawalay kinabuhi; kakulang sa kahangawa ngadto sa nangawalang mga kalag; pagkawalay kadasig ug pagkalainon; pagkakulang sa gahum uban sa Dios? Mat. 15:14; 2 Tim. 3:5; Pin. 2:4; 3:1.
-Pagkahakog; pagkamahigumaon sa kasayon; pagkamahigugmaon sa salapi? Amos 6:16; Luc. 12:19-21; 1 Tim. 6:10, 11.
Kini ang uban sa mga kinaiya nga nagpakita sa usa ka tawhanong kasingkasing. Pinaagi sa pag-ampo, buksi ang imong kasingkasing sa masusihong kahayag sa Dios hangtud nga imong makita ang kinasuloran gayud. “Susiha ako, o Dios, ug hibaloi ang akong kasingkasing; sulayi ako, ug hibaloi ang akong hunahuna; ug tan-awa kong kanako aduna bay dalan sa pagkadautan”, (Salmo 139:23, 24).
Ang Espiritu Santo makahimo kanimo, pinaagi sa pagsugid ug pagtoo, sa pagdala sa imong “Kinaugalingong kinabuhi” ngadto sa kamatayon. Ayaw tapaki sa ibabaw, apan adtoa sa kinahiladman ug hinloi ang tanang hugaw. Kini lamang ang makatagbaw.
O, nga maluwas ako gikan sa akong kaugalingon, mahal nga Dios!
O, nga mawala ako diha Kanimo!
O, nga dili na unta ako,
Apan si Cristo nga nagpuyo sa sulod nako!
“Buhaton mo ako ug usa ka ulay nga kasingkasing, O, Dios; ug bag-oha ang usa ka espiritu nga matul-id sa sulod nako,” Salmo 51:10.