Usa ka hamubo nga eksposisyon pinaagi sa pangutana ug tubag nga magpamatuod sa lima ka kamatuoran sa Kristohananong pagtulon-an mahitungod ni Jesus, ang atong Manluluwas.
1. ANG PAGPAKATAWO – Si Jesus mao ba gayud ang Dios nga nagpakatawo?
2. ANG PAGKALANSANG SA KRUS – Namatay ba gayus si Jesus gikan sa kamatayon?
3. ANG PAGKABANHAW – Nabanhawa ba gayud si Jesus gikan sa kamatayon?
4. ANG PAGKABANHAW – Mikayab ba gayud si Jesus ngadto sa langit?
5. ANG PAGBALIK – Mobalik ba gayud si Jesus pag-usab?
Ang Pagpakaatawo
(Si Jesus – Ang Dios nga nagpakatawo?)
Pangutana – Unsa ba ang ipasabut sa Kristohanong pagtulon-an sa PAGPAKATAWO, nga nagakahulogan ang Dios nahimong unod?
Tubag – Nga ang Dios, ang Magbubuhat sa Langit ug sa yuta nagpahayag sa hingpit, sa iyang kaugalingon diha sa tawo nga si Jesucristo. “Ang pulong nahimong unod, ug mipuyo uban kanato, (ug atongmakita ang himaya ingon sa bugtong anak sa Amahan ) puno sa garsaya ug sa kamatuoran” (Juan 1:14) “Ang Dios nagpadayag diha sa unod” (1 Tim. 3:16)
P –Nagpadayag ba usab ang Dios sa iyang kaugalingong paagi?
T -Ang Dios nagasulti ngadto sa katawhan sa nagkalinlaing paagi (Heb. 1:1-3); pinaagi sa iyang esperitu, sa iyang mga profeta, sa iyang pulong ug pinaagi sa mga katingalahang buhat ug mga ilhanan. Apan labaw sa tanan, siya mianhi kanato sa usa ka kahibulongan ug talagsaong paagi diha sa atong Ginoong Jesukristo. Siya nagapahayag sa iyang kaugalingon dili lamang pinaagi sa pulong, kon dili pinaagi sa us aka persona,diha sa kinabuhi sa iyang anak nga nagasaput sa unod sa tawo. (Juan 3:16).
P - Ngano nga nagtoo man ikaw nga si Jesus matuod nga Dios ugu matuod nga tawo?
T - Siya, ANG PULONG sa Dios, nga “nahimong unod” (Juan 1:14) gilalang ug gipanamkon sa Esperitu Santo (Mat. 1:18; Lukas 1:31) gipanganak pinaagi ni Birhen Maria – ang matuod nga anak sa tawo, mipuyo kauban nato, siya
Mikaon ug miinom, siya gikapuyan; siya ginatental sa tanan; siya ginatental sa tanang paagi sama kanato (apan walay sala, Mga Heb. 4:15); siya nagaantus ug namatay.
P -Nganu nga ikaw miangkon nga si Jesukristo mao ang hingpit nga bugna sa Dios?
T - (1) Tungod sa mga butang nga iyang gitudlo mahitungod sa iyang kaugalingon – “Nahibalo ako sa akong gigikanan ug nahibalo usab ako sa akong pag-adtoan.’’ (Juan 8:14) “ Kamo nagagikan sa ubos, ako nagagikan sa itaaas; kamo kalibutanon, ako dili kalibutanon” (v. 23) “Ako mao ang kahayag sa kalibutan siya nga nagasunod kanako (mosalig kanako) dili na magalakaw sa kangitngit, apan makabaton sa kahayag sa kinabuhi. “ v. 12.
(2) Tungod sa Iyang hingpit nga kinabuhi – “Ako mao ang Dalan ang Kamatuoran, u gang Kinabuhi (Juan 14:6) “Siya walay nahimo nga pagpakasala, walay hingkaplagang limbong diha sa iyang baba “(I Pedro 2:22) “Mahitungod ba kang Jesus nga Nazaretnon, nga us aka profeta nga gamhanan sa buhat ug sa pulong sa atubangan sa Dios ug sa tanang nga tawo” (Lukas 24:19) “Ug sa hilabihan ka dakung kahibulong, sila nanag-ingon, mayo gayud ang iyang pagkabuhat niining tanan!” (Marcos 7:37)
(3) Tungod sa Iyang Hingpit nga Buhat sa Kaluwasan alang sa Katawhan; “Tan-awa, ginapahiluna ko sa Sion ang us aka bato nga pinili, ang bililhong bato sa pamagang, ug siya nga magasalig Kaniya dili gayud maulawan” (I Ped. 2:6) “ Kay wala nay laing patukoran nga ikapahimutang pa ni bisan kinsa gawas sa gipahamutang na, nga mao si Jesucristo. “(I Cor. 3:11) “Ug siya mao ang halad-pasighiuli alang sa atong mga sala, ug dili lamang sa ato rang mga sala kondili sa mga sala usab sa tibuok kalibutan. “(I Juan 2:2
P -Ihatag ang mga ehemplo sa gitudlo ni Cristo mahitungod sa iyang kaugalingon.
T -Siya miingon, “Ako mao ang maayong magbalantay sa mga karnero. Ang maayong magbalantay sa mgakarnero magahalad sa iyang kinabuhi sa pagkamatay alang sa mga karnero” (Juan 10:11) “Ako mao ang tinapay nga naghatag ug kinabuhi” (Juan 6:35) “Ako mao ang pultahan: kon adunay mosulod agi kanako, siya maluwas” (Juan 10:9) Sa diha nga ang mga tinun-an nagpamatuod, “Ikaw ang Cristo, ang anak sa buhing Dios.” Si Jesus mitubag “niining bato (pahayag) akong pagatukoron ang akong iglesia” (Mateo 16:16-18).
P -nabasa ko sa usa ka pulyeto nga “Wala ba si Jesus magatawag sa iyang kaugalingon nga anak sa Dios?” Ang tubag mao kini, “Siya kanuany nagatawag sa iyang kaugalingon nga ‘anak sa tawo’.”
T -ang pulyeto dili kompleto, ug tungod niana makalibog! Si Jesus nagatawag sa iyang kaugalingon ingon nga anak sa Dios ug Anak sa tawo.
P -ipahayag kanako diin si Jesus nagpamatuod sa iyang kaugalingon nga anak sa Dios?
T -ingon ba diay ninyo ako ang gididikar sa Amahan ug gipadala niya nganhi sa kalibutan, ‘Ikaw nagpasinapala’ tungod kay nag-ingon ako, ‘anak ako sa Dios?” (Juan 10:36) “Amahan, ang takna nahiabutna; pasidunggi ang imong Anak aron ang Anak makapasidungog Kanimo” (Juan 17:1); (Tan-awa usab ang Mateo 11:27,28)
P - Ako nahibalo nga si Jesus nga nagpakatawo nga walay tawhanong Amahan, kini ba ang hinungdan siya gitawag anak sa Dios?
T -Dili. Ang Titulo “Anak sa Dios” wala magagikan sa kinaiya sa iyang pagkatawo. Siya sa kanunay usa ug kauban sa Iyang Amahan. Siya bahin sa TULOSAHON Dios, Amahan, Anak, ug Esperitu Santo. Siya “ang pulong” sa sinugdanan kauban sa Dios (Juan 1:2)
P -Dili pa usab ang mga tinnun-an ni Jesus gitawag nga anak sa Dios?
T - Matuod. Ang amahan mao nga kita mangatawo pag-usab sama sa gisulti ni Jesus “Kinahanglankamo magpakatawo pag-usab” (Juan 3:7). Kini ka esperituhanong pagkatawo nga nagagikan sa pagsalig sa Dios ug sa pagtubos sa atong mga sala pinaagi ni Jesukristo (Roma 5:11) ug pagsugid ug pagtalikod sa atong mga sala, ug pinaagi niini “makadawat sa pagka-iananak” (Gal. 4:5). Si Jesucristo lamang ang Anak sa Dios sa sinugdanan, ug sa katungdanan.
Ang Pagkalansang sa Krus
(Namatay ba gayud si Jesus sa Krus?)
P -Tuohan ba nato ang Bag-ong Tugon sa diha nga kini nagapahayag sa kamatayon ni Jesus?
T -O, o kay kini sila, miingon man sa DaangTugon gigibugna sa Dios (II Tim. 3:16) Kini sila gisulat ug gisabwag samtang ang mga saksi mga buhi pa ug sila makahimo pa sa pagpamatuod batok sa mga sayop. Walay hinungdan nga may usa kanila nagbaton ug pagduda mahitungod sa kamatayon ni Cristo.
P -Kinsa ba ang atung tuohan sa hukmanan sa balaod, ang mga “saksi” o ang mga “hinungihong” gikan sa usa nga walay kasinatian?
T - Atong tuohan ang mga saksi.”Kadto nga diha na sukad pa sa sinugdan nga maong nadungog, ug among nakita pinaagi sa maong kaugalingong mga mata, nga maong nasud-ong ug nahikap pinaagi sa among mga kamot, mahitungod sa pulong nga nagahatag ug kinabuhi (u gang kinabuhi gipadayag, ug kami nakakita niini ug nakapanghimatuod niini ug magamantala kaninyo sa maong dayong kinabuhi, nga diha kauban sa Amahang ug mga gipadayag kanamo), kadto nga maong nakakita ug nadungog, ug among gimantala usab kaninyo, aron kamo usab makabaton sa pakig-ambitay uban sa Amahan ug sa iyang Anak nga si Jesukristo.”(1 Juan 1:1-3)
P - Nagapahayag ba ang basahon sa mga Hebreohanon nga si Cristo namatay?
T -O.o ”Apan ang nakita nato karon mao si Jesus, siya nga sa makadiyot nahimo uan nga ubos sa mga manolunda, nga gupurongpurongan ug himaya ug dungog tungod sa iyang pag-antus sa kamatayon, aron nga pinaagi sa grasya sa Dios makatilaw siyag kamatayon alang sa matag-usa katawo.”(Heb.2:9) Basaha usab ang Hieb. 9:14,15;10:12;13:20.
P -Mahimo ba nga ang maong magsusulat sa mao gihapong basahon mabalhin ang hunahuna ug maglimud nga si Jesus namatay?
T -Kana dili katuohan!
P -Unsaon mo pag-eksplikar sa yano nga paagi ang Heb. 5:7? “Sa mga adlaw sa tawhanon niyang kinabuhi si Jesus, uban sa makusog nga pagsinggit ug paghilak, naghimog mga pag-ampo ug pangamuyo ngadto kaniya nga arang makaluwas kaniya gikan sa kamatayon, ug siya gidungog tungod sa iyang diosnong kahadlok.”
T -Ang Dios nakabati kaniya sa diha nga siya nag-ampo uban ang pag-agulo, “Ug dihay mannulonda nga mitungha kaniya gikan sa langit sa pag-lingon kaniya.” (Lucas 22:43). Adunay duh aka paagi nga ang Dios makahimo pagluwas sa usa gikan sa kamatayon. Mahimong pugngan sa Dios magabanhaw kaniya human siya mamatay. Oinaagi sa pagbannhaw ang Dios nagluwas kang Jesus gikan sa kamatayon ug pagkadunot (Salmo 16:10).
P -Apan ngano nga si Jesus nag-ampo uban ang agulo ug luha?
T - Tungod kay ingon nga tawo, siya dili gusto sa pag-antus sa kamatayon. Busa siya nag-ampo, “O Amahan, kung mahimo man isaylo lang kanako kining kopa; (Mat. 26:39). Apan ingon nga matuod nga anak sa Dios, iyang gidumili-an ang iyang kaugalingong tinguha, ug pagbati ug misumiter o gitugyanniya ang iyang kaugalingon ngadto sa kabubut-on sa Amahan ug nag-ampo, “ngani dili sumala sa akong pagbuot kondili sa imo” (Mat. 26:39). Ang Dios nakabati niini nga nag-ampo pinaagi una sa tanan sa paghatag kaniya sa kaisug pag-atubang sa kamatayon ug unya pagbanhaw niya gikan sa kamatayon.
Ang Pagkabanhaw
(Mibangon ba gayud si Jesus gikan sa lubnganan?)
P -Unsa ang kahulugan sa pagkabanhaw?
T -Kini nagakahulogan:
1. Ang pagkabanhaw ni Jesukristo giksn sa mga patay human sa iyang pagkamatay ug paglubong “Siya nabanhaw” (Mateo 28:6)
2. Nga pinaagi sa iyang pagkabanhaw adunay pagdaug batok sa kamatayon ug lubnganan – “O kamatayon hain na ang imong udyong?” (I Cor. 15:55).
3. Nga ang tanang lawas mangabanhaw gikan sa mga patay, ug magatagbo sa atong Ginoo sa panahon sa iyang ikaduhag pagbalik aron magadawat sa ilang gnati sumala sa nahimo sa matag-usa, maayo o dautan. (Juan 5:29).
4. Nga ang esperituhanong pasencia kauban sa iyang disipolo sa walay katapusan – “Ako ang maga-uban kaninyo sa kanunay, hangtud sa katapusan sa kalibutan.” (Mat. 28:20).
P -Sa unsang paagi kita mahibalo nga si Cristo nabanhaw gikan sa mga patay?
T -Ang PULONG sa Dios nagpamatuod kanato. Ang iyang lubnganan walay sulod, ang mga anghel naga-ingon, “Umari, tan-awa ang dapit nga nahimutangan sa Ginoo” (Mat 28:6) Sila usab naga-ingon “Siya nabanhaw” (Marcos 16:6) Siya nagpakita sa iyang kaugalingon nga buhi ngadto sa iyang mga tinun-an, “Si Jesus mitindog sa ilang taliwala” (Lukas 24:36) “Unya sa us aka higayon nagpakita siya ngadto sa kapin sa lima ka gatus ka mga igsoon.” (Cor. 15:6).
P -Nagapahayag ba si Jesus ngadto sa iyang mga tinun-an nga siyia nabanhaw gikan sa kamatayon?
T -O,o “Ug miingon kanila, sa ingon niini nahisulat, nga ang Cristo kinahanglan gayud maga-antus, ug sa ikatulo ka adlaw mabanhaw siya gikan sa mga patay” (Lukas 24:46)
P -Mahimo ba nga si Jesus sa musulti niini, naga-ilad lamang sa iyang mga tinun-an?
T -Walay usa nga nakatoo niiana!
P -May lawas pisikal ba si Jesus human sa iyang pagkabanhaw?
T -Siya may pisikal nga lawas bisan matuod nga ang iyang lawas nausab na ug may us aka “lawas nga mahimayaon” (Filipos 3:21) “Tan-awa ninyo ang akong mga kamot ug mga tiil, nga mao gayud ako. Hikapa ninyo ako ug tan-aawa kay ang esperitu walay unod ug mga bukog ingon sa inyong nakita nga ania kanako.” (Lukas 24:39)
Ang Pagkayab
(Mikayab ba si Jesus ngadto sa Langit?)
P -Mituo ba ang mga Kristohanon nga si Jesus karon atoa sa kahitas-on?
T -Ang mga Kristohanon nagatoo nga si Jesus atua sa langit. Dapit diin ang Dios nagapuyo (Eccl. 5:2) Si Esteban nakakita kaniya sa langit “sa tuong kamot sa Dios” (Mga Buhat 7:55)
P -Nagapahayag ba ng Bag-ong Tugon nga ang mga disipolo nakakita kang Jesus nga mikayab ngadto sa kalangitan?
T -O,o “samtang nanagtan-aw sila, naisa siya sa kahitas-an ug ibabaw sa us aka panganud hawa sa ilang mga mata” (Mga Buhat 1:9)
P -Unsa ang kahulugan sa “mikayab o mipata-as?”
T -Kini us aka ilhanan nga nakita sa mga disipolo nga sukad niadtong panahona, si Jesus atua sa Langit. Ang ilang pagkasaksi sa Iyang pagkayab, nakapalig-on sa ilang pagtoo.
P -Ako nakabasa sa us aka pulyeto nga nagapahayag nga si Jesus wala mokayab tungod kay wala man kini hisguti sa mga basahon sa ebanghelyo. Tinuod ba kini?
T -Ang pulyeto nagalibug kanimo kay kini wala man mahisgut sa Mga Buhat 1:9 nga atong gihusgutan sa itaas, nga gisulat ni San Lukas. Dugang pa niini basaha ang Juan 20:17 “…mosaka ako ngadto sa akong amahan ug inyong Amahan” ug usab ang Juan 6:62, “nan, maunsa man kaha diay kon inyo nang Makita ang anak sa tawo nga magsasaka ngadto sa dapit diin siya kaniaadto?”
ANG PAGBALIK
(Mobalik ba si Jesus pag-usab?)
P -Nagatudlo ba si Jesus mobalik pag-usab/
T -Siya miingon ngadto sa iyang mga tinun-an, “Ako mobalik pag-usab, ug pagadawaton ko kamo nganhi uban kanako, aron nga diin ngani ako atua usab kamo.” (Juan 14:3) Dugang pa niini basaha ang Mateo capitulo 24 ug 25 diin siya naghisgut sa dili makulang sa 12 ka higayun mahitungod saiyang pagbalik.
P -Aduna bay ubang propesiiya nga nahasulat ang iyang pagbalik? “Kay ang Ginoo mao ang manaug unya gikan sa langit” (I Tes. 4:16) “sa diha nga ang Ginoong Jesus ipadayag na gikan sa langit kinuyogan sa iyang gamhanan mga monulonda” (II tes. 1:7) “Aapan ang adlaw sa Ginoo Moabut sama sa us aka kawatan” (II Pedro 3:10) “Kining maong Jesus nga gikuha gikan kaninyo ngadto sa langit, mobalik ra unya sa paagi nga sama sa inyong nakita sa iyang pagsaka sa langit.” (Mga Buhat 1:11)
P -Sa unsang paagi si Jesus mobalik?
T -Ang Balaang Kasulatan wala nag-ingon nga Siya mobalik sa kalibutan pag-usab, “Siya moanhi sa maong paagi nga inyong nakita siya miadto sa langit. Ug inig-abut na sa Anak sa TAwo diha sa iyang himaya, ug sa tanang mga monulonda, ug sa tingog sa trumpeta sa Dios. Ug unya ang mga nangamatay diha kang Cristo mouna sa pagpamangon; ug kita nga mga buhi pa nga mahabilin, pagasakgawon ngadto sa mga panganud uban kanila sa pagsugat sa Ginoo diha sa kahanginan; uug sa ingon niini kita magapakig-uban na sa Ginoo sa tanang panahon. (I Tes. 4:16,17) Sumala niini nga bugna ang Ginoo dili motunob niini nga yuta (sama sa gihunahuna sa uban) apan ang mga balaang tinubos pagalalinon sa itaas ug motagbo kaniya sa kahitas-an sapag-adto sa ilang langitnong puloy-anan.”
P -Unsa baa ng kaatuyo-an sa pagbalik ni Jesus?
T -Ang Ginoo miingon, “Tan-awa moabot ako sa dili madugay, magdala sa akong ipamalus, sa pagbayad ngadto sa matag-usa sumala sa iyang binuhatan.” (Pinadayag 22:12) “Kay uban sa kahimayaan sa iyang Amahan, moanha ang Anak sa Tawo uban sa iyang mga monulonda, ug unya pagabalusan niya ang matag-usa sa tumbas sa iyang binuhatan” (Mateo 16:27) “U gang Hari magaingon kanila diha sa iyang too, ‘Umari kamo, Oh mga dinayeg sa akong Amahan, pinunda ninyo ang gingharian nga gitagana alang kaninyo sukad pa sa pagkatukod sa kalibutan… Unya ang Hari magaingon kanila nga diha sa iyang wala, ‘pahawa gikan kanako, kamong mga tinunglo, ngadto sa kalayong walay katapusan nga gitagana alang sa yawa ug sa iyang monulonda… ug sila mahawa ngadto sa silot nga dayon apan angmga matarung ngadto sa kinabuhing dayon.” (Mat. 25:34-36).
P -Makakita baa ng tanan sa Ginoo sa iyang pagbalik?
T -“Tan-awa, siya umalabut uban ang mga panganud, ug makita siya sa tanang mata, sa tanang nanagdughang kaniya,” (Bugna 1:7)
P -Sa unsang paagi kita andam sa pagbalik ni Cristo?
T -Labing kinahanglan ang pagsalig sa Ginoong Jesucristo sa ma sa iyang pag-ingon: “Sa mosalig kanko, sumala sa giingon sa kasulatan” (Juan 7:38) Kini nagpasabut:
1. “Tan-awa, mao kana ang Cordero sa Dios, nga nagkuha sa sala sa kalibutan! (I Juan 1:29)”
2. Pag too nga ang iyang (Jesus) dugo giula “alang sa kapasayloan sa atong mga sala” (Mateo 26:28) ibabaw sa krus.
3. Pagkatawo pag-usab sama sa giingon ni Jesus: “Sa pagkatinuod, sa pagkatinuod, magaingon ako kanimo, gawas kon ang tawo iga-anak pag-usab, dili diya makaita sa gingharian sa Dios” (uan 3:3) Kini naga-uban sa paghinulsol ngadto sa Dios, ,ug pagtoo ngadto sa Ginoong Jesukrsto. (Mga Buhat 20:21)
4. “Busa paghinulsol kamo, ug pamalik na kamo kaniya, aron mapala ang inyong mga sala” (Mga Buhat 3:19)
5. Ang niluwas nga kalag magahimo sa pagsugid sa iyang baba ug motuo uban sa iyang kasingkasing diha sa ginoong Jesucristo. (Rom. 10:9-10)
6. “…nagatuman sa tanan nga akong gisugo kaninyo” (Mat. 28:20) Mosunod sa iyang mga lakang o lagda.
7. “Busa kamo usab kinahanglan mangandam, kay ang Anak sa Tawo moabut sa takna nga wala ninyo dahuma.” (Mat. 24:44)