Yana nga takna buhi ka, humihinga ka, nagkikiwa o nagbubuhat. Bangin nag-uukoy ka ha kahimyangan o nag-uukoy ka ha kasakitan. An adlaw nasirang ngan natunod; ha usa nga lugar may natawo nga bata; kondi ha usa liwat nga lugar, may-ada pirme namamatay.
AN TANAN NGA KABUHI USA LA NGA
TEMPORARYO NGA ARRANSAMENTO O ARRANGEMENT.
PERO
MAKAIN KA PAGKATAPOS HIT IMO KAMATAYON?
Kon relihiyoso ka man,
o diri la natoo ha bisan ano nga relihiyon.
Kinahanglan mo pa gihapon nga masulbad ini
nga importante nga pakiana,
tungod kay katapos han halipot nga kinabuhi ha tuna, an tawo nakadto
ha iya waray kataposan nga kapalaran [Eklesiastes 12:5].
PERO DIIN
An sementeryo diin ikaw iglulubong diri makakatago han imo kalag. Bisan kon an imo lawas ginsunog ha cremation pyre, diri ito makakaon han imo kalag. Bisan kon mapatay ka ha kahiladman han dagat, an imo kalag diri malunod.
AN IMO KALAG DIRI MAMAMATAY!
AN DIOS HAN LANGIT NGAN TUNA
NAGSIRING HIYA, "Akon an ngatanan nga mga kalag."
Ha usa nga lugar kahuman hini an imo kalag - an tuod nga ikaw - makikigkita han mga nabuhat nga imo ginbuhat samtang buhi pa an imo lawas (ini nga kinabuhi), maopay man o maraot. Kitaa an Hebreo 9:27.
Pwede ka nagsingba ha kinasingkasing.
Pwede nagbasol ka tungod han imo magraot nga mga buhat.
Pwede naibalik mo ngani an imo mga ginkawat.
Sigurado nga ini nga tanan kinahanglanon.
PERO
Diri ka makakagbayad han imo mga sala.
An Dyos han langit, an matadong nga maghurukom han bug-os nga tuna, maaram han imo mga sala ngan kinabuhi. Waray tinago tikang ha Iya. Tungod han imo mga sala diri ka gud makakasulod ha kalipayan ngan himaya han tiarabot nga kalibotan.
Kondi ini nga langitnon nga Dios usa nga Dios han gugma. Nagplano Hiya hin paagi basi matalwas an imo kinabuhi ngan an imo kalag. Diri ka kinahanglan ilabog ha waray kataposan nga sirot ngan kalayo han impyerno. Ginsugo han Dios hi Jesus nganhi hini nga kalibotan basi matalwas an imo kalag. Ginkuha ni Jesus an iyo mga sala dida ha Iya kalugaringon han nag-antos ngan namatay Hiya ha krus han Kalbaryo. Iginhatag han Dyos an gimamaupayi han langit sugad nga halad para han imo mga sala. "Kondi Hiya ginsamad tungud han aton mga pagtalapas, Hiya ginsamad tungud han aton mga karat-an: an sirot han aton kamurayaw nakada ha Iya; ngan pinaagi han Iya mga kasamdan kita naupay" (Isaias 53:5). Ini nga mga pulong igintagna mahitungod kan Jesus damu ka tuig ugsa Hiya kumanhi ha tuna.
Matuod ka ba nga hi Jesus nahigugma ha imo? Mag-aampo ka ba ngan magsusumat han imo mga sala ha Iya? Magbabasol ka ba ngan matoo kan Jesus, an Anak han buhi nga Dios? Ha bug-os nga debosyon ha Iya, maghahatag Hiya hin kamurayawan ha imo kalag ngan maghahatag ha imo hin mahimayaon nga kinabuhi katapos han kamatayon. Dida la hito nga paagi makakasiguro ka han waray kataposan nga urukyan han daku nga kalipay ngan pagliaw para ha imo kalag.
Pero kitaa! An atabay han paghukom ngan waray kataposan nga kalayo nga naghuhulat hadton nagdumiri han nakakatalwas nga gugma ni Jesus. Waray na iba nga paagi o pagtalwas katapos han kamatayon. "Niyan hiya masiring man ha mga aada ha Iya wala: Iwas kamo tikang ha akon, mga magraut gud, ngadto ha kalayo nga waray katapusan, nga iginandam ha yawa ngan ha iya mga angel” (Mateo 25:41). “Ngan ilabog an waray pulos nga surugoon ngadto ha kasisidman ha gawas: didto may manonook ngan manngingigot nga mga ngipon” (Mateo 25:30).
An Dios, ha Baraan nga Biblia, nagpapahamangno mahitungod han tiarabot nga ultimo nga paghukom ha bug-os nga tuna. Hini nga Baraan nga Kasuratan igintagna nga ugsa hito nga makatirigamnan nga Adlaw han Paghukom magkakaada matin-aw ngan matin-aw nga mga tigaman.
Ugsa han Iya pag-abot, magkakaada mga gira ngan mga hurob-hurob mahitungod han mga gira, kakurian ngan pagruhaduha han mga nasud. An mga nasud makikig-away ha usa kag usa ngan baga hin waray hira paagi ha pagsulbad han ira mga pagkaiba han mga kinaiya ngan mga opinyon.
Magkakaada mga linog ngan mga peste ha magkalainlain nga mga lugar. An Biblia nagsusumat ha aton nga an magraot nga mga tawo magtitikadamu nga magraot. Ha pariho nga panahon an mga tawo diri mamamati ha pahamangno kondi magigin mga mahigugmaon ha kalipayan labaw kay ha mga mahigugmaon ha Dios. Diri ba nakikita naton an katumanan hini nga mga tagna ha aton panahon? Kitaa an Mateo 24:6-7, 12 ngan 2 Timoteo 3:4.
Hinumduman naton nga an aton matadong ngan daku nga Hukom diri maimpluwensyahan han aton presente nga karikohan o kakablasan, kabantogan o kaarawdan, o han aton kolor, kaliwatan, klase o relihiyon. Usa ka adlaw matindog kita ha atubangan han aton harangdon nga Maglalarang ngan Ginoo basi hukman uyon ha aton mga buhat. Basaha an Mateo 25:32-33.
Ha waray kataposan nga kadayonan ha tidaraon waray oras nga orasan, waray tinuig nga kalendaryo, ngan an mga siglo o centuries diri maiihap. An aso han kakurian han mga makasasala ngan mga diri-diosnon masaka ha waray kataposan ngan ha waray kataposan ---samtang ha pariho nga panahon an kalipay, mga kanta, kalipayan, ngan pagliaw han mga linukat diri matatapos ha langit. Pagpili yana! Ha diri pag-iiha bangin hirani na an panahon. "Kitaa, yana amo an adlaw han kaluwasan" (2 Korinto 6:2, Mateo 11:28-30).