Title here
Summary here
Chila muntu afwile ukuipusha ilipusho ilikankala, “Finshi ifyo ine mfwile ukucita pakutila nkapusuke?” Abantu abengi bacetekela ukuti balipusuka, lelo Yesu atile, “Teuyo onse uunjeba ati, ‘we Mfumu, we Mfumu,’ eukengila mu Bufumu bwa mu mulu, kano uyo uucita ubufwayo bwakwa Tata wa mu mulu” (Mateo 7:21). Ukupusuka, kulafwaikwa ukucetekela ukuti Kristu akatwelela imembu shesu, elyo tufwile ukulapila, ukwikala ubwikalo bwabumushilo no kutemwana umo na umo. Pantu kwaliba amasambililo ayengi ayapelwa na mabumba yaba kapepa ayalekana lekana. Ilipusho lingepushiwa nili ilyakuti, “Bushe icine cine cinshi?” Bushe “Ukufyalwa Nakabili” kupilibula finshi? Bushe Ninani Alefwaikwa Ukufyalwa chipya chipya? Ukulapila Icitetekelo ne Cumfwila
Yesu Cibusa Obe Nalikwata icibusa. E cibusa uwapulamo pa fibusa fyonse nakwata. Wacikuku sana kabili wacishinka icakuti ndekabila ukuti nobe umwiishibe. Ishina lyakwe ni Yesu. Ne cawamishapo cakuti alafwayo kuba cibusa obe. Leka nkwebe pali wene. Tulabelenga ili lyashi mu Cipingo. Baibulo yacishinka. Eshiwi lyakwa Lesa. Lesa ewapangile isonde na fyonse ifyabamo. E Mfumu yakumuulu ne sonde. Ewupela umweo no bumi kufintu fyonse. Yesu aishile pe sonde nga akanya. Wishi na nyina pano isonde bali Yosefe na Maria. Afyelwe mu cibaya ca ng’ombe no kubikwa mu mulimba. Ubushiku bumo Aleisa nakabili! Akasenda bonse abasumina muli Wene ukuya kumwakwe kumuulu.
Yesu atweba ukuti impongolo sha kumũlu shaliisalikwa kuli ifwe kano fye twafyalwa icipya. E ico, tuleipusha: We cibusa, bushe walifyalwa icipya? We munyinane, icipya? Nga tefyo, ninshi, waliluba. Pantu Yesu alanda, “Ngo muntu tafelwe icipya, te kuti amone ubufumu bwa kwa Lesa” (Yohane 3:3). “Ni lilali ninga lolela ukufyalwa cipya?” Amalembo yatila, “Ubwa lelo, nga mwaumfwe shiwi lyakwe” (Abahebere 3:7). Ico cipilibulo kutila pa mushinku ũli onse, pa nshita nelyo pa ncende, nga waumfwa ubwite no kwãsuka, kuti wafyalwa icipya kuli Mupashi.
Nimukwatila imbila nsuma! Eko aba Umo ungamwafwilisha, ukumwelela imembu shenu, no kumupela insansa shamuyayaya. Ishina lyakwe ni Yesu. Lekeni n’ mwebe pali wene. Lesa ewapangile icalo. Apangile fyonse ifyabamo mu calo. Abumbile imwe na ine. Lesa alitutemwa. Alitemwa onse uwaba mu calo. Lesa alitutemwa icakuti alitumine Yesu, umwana wakwe eka umwaume, pano calo. Elyo Yesu pano isonde, Aliposeshe abalwele; Alitalalike abalanda, alengele impofu ukumona. Alisambilishe abantu ifintu ifingi. Tulabelenga pali ifi mu Baibolo. Yesu alefwaya ukuti twishibe icitemwiko cikalamba ico Wishi atukwatile imwe na ine. Alishimikile ili ilyashi ilyalelondolola ico icitemwiko cakwa Wishi.
Abantu nabanaka nokuilishanya bailishanyafe cilanshita. Ukukanapita mumbali tulefwaika ubutungulushi busuma, nobwafwilisho, nokucingililwa, elyo kabili tufwile nokucetekela. Tulekabila kabili nokufwaisha umutende wamumutima. Mutende wamutima – yangu wecuma wee! Necacinene bushe ici cuma kuti casangwa mucalo cafulisha sana icimfulumfulu emo abantu banenuka cilanshita, pamulandu wacimfulunganya namafya yafulisha? Umuntu Mukati Kacimfulunganya Nangula umweo wesu ukabila Lesa, imibele yesu yalubembu ilakansana na wene. Ubu ubulwi bwamukati ulalenga ukucushiwa nokukana kwata umutende. Elyo ifwe, nga Adamu na Eva, tufwailisha bukaitemwe mufyo tukabila nefyo tufwaya, nokucushiwa kwesu eko kulelundilako. Amalangulushi ya bumi nokucinja, nokubipa kwacalo filasunkanya ukucingililwa kwesu nokufulunganya umutende wesu. Yesu Kristu, Cilolo Wamutende
“Moneni, icishinka ca mu fya munda eco mubekelwamo” (Amalumbo 51:6). Bucishinka e bulumba bwa bucine ukulosha ku fifwaikwa fya bumi. Buchishinka mucituntulu mulandu wa mutima. E cishinka ce landwe lyakwa Yesu Kristu. Lesa aishiba ukutontonkanya no kufwaya kwa mutima. Amona bucine pamo nge cacindamisha pantu ena ni Lesa wa cine. (Amalango 32:4) Ukwabulwa ukutwishika akapaala mukupwililika bucishinka bwa mitima yesu. Bushe ulalanda icine ilyo lintu wasanganishiwa, lelo tauba wa cishinka ilyo lintu tapali uuli onse ungeshiba? Bushe mukwishiba ulasha uuli onse ne tunko lya bufi? Bushe ulashita pa nkongole ilyo lintu wishibe ukuti tawingaba na maka yakubwesha? ● Ukubepesha icine?