Si Jesus nagsulti kanato nga ang mga ganghaan sa kahimayaan sirado para kanato gawas kon kita matawo pag-usab. Busa kita mangutana: Higala, natawo ka na ba pag-usab? Ikaw nga membro sa simbahan, natawo ka na ba pag-usab? Kon wala pa, nan ikaw mahisalaag. Kay si Jesus nag-ingon,” …Gawas kong ang tawo magapakatawo pag-usab, dili siya makakita sa gingharian sa Dios” (Juan 3:3). Sa tinuod walay usa nga magtinguha nga mamatay nga usa ka makasasala, o’ malaglag; nan kinahanglan magpakatawo kamo pag-usab.

Niining higayona buhi ka, nagginhawa ka, naglihok-lihok o nagtrabaho. Tingali ikaw nagkinabuhi sa kahamugaway o naglungtad sa kasakitan. Ang adlaw mosubang ug mosalop; sa usa ka dapit usa ka bata ang matawo; apan usab sa usa ka dapit, aduna kanunayng usa nga mamatay. ANG TANAN NGA KINABUHI USA LAMANG KA TEMPORARYO NGA KAHIKAYAN. APAN ASA KA MOADTO PAGKAHUMAN SA KAMATAYON? Kung relihiyoso ka man, o dili ba motuo sa bisan unsang relihiyon. Kinahanglan pa nimo nga husayon ang labing hinungdanon nga pangutana,

”Kalinaw, hain ang kalinaw - alang sa atong mga nasod, atong mga balay, ug labaw sa tanan alang sa atong mga kasingkasing ug mga hunahuna?" Kining desperadong singgit nadungog latas sa mga katuigan. Kini ba usab ang singgit sa imong kasingkasing? Ang mga tawo gikapoy ug nabalaka. Walay duhaduha nga gikinahanglan ang giya ug tambag, kasigurohan ug pagsalig. Kita nagkinahanglan, ug nagtinguha, ug kalinaw sa hunahuna. Kalinaw sa hunahuna - pagkadakong bahandi! Ang maong bahandi makaplagan ba diha sa kalibotan nga daghan kaayo ang panag-away ug kawalay-paglaom, kagubot ug problema?

Napasaylo ka na ba? Ang imong walay-kataposang kaugmaon nagdepende sa tubag niining seryosong pangutana. Ang Bibliya nagtudlo kanato nga "wala gayoy matarung, walay bisan usa" (Roma 3:10). Ang bersikulo 23 sa mao gihapong kapitulo nag-ingon, "Kay ang tanan nakasala, ug nawad-an sa himaya sa Diyos". Kinahanglang natong pangitaon ang kapasayloan sa Diyos kon buot natong maluwas gikan sa mga sangpotanan sa sala. Usa ka adlaw kita makigtagbo sa Ginoo sa paghukom. “Kay kinahanglan kitang tanan mopadayag sa atubangan sa hukmanan ni Cristo; aron ang matag-usa makadawat sa mga butang nga gibuhat sa iyang lawas, sumala sa iyang gibuhat, maayo man kini o daotan” (2 Corinto 5:10). Kita nag-atubang sa kahangturan, ug tungod niini kinahanglan nga mahibalo kita kon kita ba gipasaylo. Kon kita pasayloon, kita dawaton sa langit. Kon dili kita pasayloon, kita pagahukman sa walay katapusan nga impyerno uban sa yawa ug sa iyang mga manulonda (Mateo 25:31-34, 41).

Ang Kalibutang Walay Pahulay

Kini nga kalibotana usa ka lugar nga walay pahulay. Nakita nato ang mga tawo nga nagdalidali sa pagpangita og katagbawan diha sa kalihokan. Daghang tawo ang nagsakripisyo sa ilang kinabuhi sa pagtigom og mga bahandi. Ang uban nagtinguha sa tanang kalipay sa sensual nga kinabuhi. Ang uban usab gusto og dugang nga kalingawan ug mohikay sa schedule nga motrabaho og diyutay ug mas makalingawlingaw pa. Bisan pa niana, ang ilang mga espiritu wala matagbaw. Ang mga gamit, mga kalingawan, ug mga kabtangan sa ngadtongadto mawad-an na sa ilang madanihon nga kinaiya. Ang matag bag-ong kalingawan makapahimuot sa usa ka panahon apan sa madali lang mawala ang iyang kailibgon. Morag adunay kulang gayud.

Ang mosunod maoy uban sa mga hulagway ug ilhanan sa kinaugalingong kinabuhi. Ang Espiritu Santo lamang ang makahubad ug makabutang niini sa imong kaugalingon. Sa imong pagbasa, susiha ang imong kaugalingon sa atubangan sa Dios. Kinaugalingon nga Kinabuhinaka-Amgo ba Ikaw ug: -Usa ka tinago nga espiritu sa garbo o mapahitas-on nga pagbati tungod sa imong kalampusan o kahimtang – tungod sa imong maayo nga pagbansay o panagway – tungod sa imong kinaadman ug katakus – usa ka mahinungdanon, iya-iyahon nga espiritu? Prov. 16:18, 20:6; 25:14; Roma 12:3; Sant. 4:6.

Paghukom – Unsa may kahulogan niini? Husto ba ang paghukom? Nakahunahuna ka na ba niining mga pangutanaha? “Ayaw kamo paghukom, aron kamo dili pagahukman” (Mateo 7:1), nagtukmod sa daghang Kristohanon sa paghinapos nga sila walay katungod ni responsibilidad sa paghukom sa ilang nakita ug nadungog. Apan kining maong konklusyon nagpabilin kanila nga wala mahibalo kon unsaon pagsagubang sa kinabuhi sa ilang palibot. Ang pagtuon sa Pulong sa Diyos magpakita nga ang iyang mga anak adunay responsabilidad sa paghukom.

Ang Kristiyanidad gibase sa Diyos, sa iyang Anak nga si Jesu-Kristo, ug sa Bibliya, nga mao ang Pulong sa Diyos. Ang usa ka Kristohanon mao ang usa nga nagtuo sa Bibliya ug nagkinabuhi sumala sa mga pagtulon-an ni Jesu-Kristo. Kining paagiha sa kinabuhi magdala ug kalinaw ug katagbawan dinhi niining yutaa ug mag-andam kanato alang sa usa ka puy-anan sa langit.

Nahibalo ka ba nga ang Bibliya nagtudlo nga ang tanang tawo natawo nga makasasala ug may kinaiyanhong kiling sa pagbuhat ug daotan? Busa ang tanang tawo anaa sa nawad-an ug kahimtang. “Kitang tanan sama sa mga karnero nga nasalaag ug wala mosubay sa hustong dalan.” (Isaias 53:6). “Kay gikan sa sulod, gikan sa kasingkasing sa mga tawo, nagagikan ang daotang mga hunahuna, mga panapaw, mga pakighilawas, mga pagpatay, mga pagpangawat, mga kahakog, mga pagkadautan, mga limbong, mga kalaw-ayan, usa ka daotang mata, pagpasipala, garbo, kabuang” (Marcos 7:21-22). Salmo 51:5.

Naghatag ang Bibliya ug hulmahan para sa usa ka panimalay nga matahum ang disenyo, lig-on ang baruganan, ug nindot ang kahimtang. Ang panimalay mahimong lugar sa panag-usa ug kahapsay, o mahimong lugar sa tensyon ug panaglalis. Malipay-on ba, lig-on, ug andam ba mo-barug sa mga bagyo sa kinabuhi ang inyong panimalay?