Nan moman sa ou vivan, w ap respire, w ap fè mouvman oubyen w ap travay. Ou kapab ap viv nan konfò oubyen w ap viv nan mizè. Solèy la leve, e li kouche; yon kote gen yon timoun k ap fèt; men tou yon lòt kote, toujou gen yon moun k ap mouri. TOUT LAVI A SE SÈLMAN YON ARANJMAN TANPORÈ. MEN KI KOTE OU PRALE APRE LANMÒ Menm si ou relijye, oubyen senpleman ou pa kwè nan okenn relijyon, ou toujou bezwen reponn kesyon trèz enpòtan sa a, paske apre yon lavi brèf sou latè, lòm prale

Pi gran batay yo nan lavi a fèt andan kè a. Anpil lidè nan istwa te gen entansyon domine lòt nasyon. Konn gen kèk lidè ak dirijan egoyis ki menm fè panse pou yo domine lemonn antye. Lidè sa yo konn fòse plizyè milye sòlda antre nan batay akòz dezi pèsonèl yo pou gen pouvwa, richès ak renome.

Èske ou konn gade toutotou ou epi mande kijan tout bagay te kòmanse? Gen anpil bèt, zwazo, pyebwa, ak plant sou tè a. Ki kote yo te sòti? Èske yo te toujou egziste? Ki kote moun sòti? Gade tèt ou epi wè kijan kò ou fonksyone. Ou sèvi ak je ou pou wè, zòrèy ou pou tande, e pye ou avèk men ou pou ede ou fè mouvman e pote ou ale kote ou vle. Èske tout bagay sa yo jis rive konsa, oubyen kiyès te fè yo?

Avan tan kòmanse, Bondye te la. Li te kreye latè ak tout bagay ki sou li. Nan amou li, li te kreye moun nan pwòp imaj li e li te mete li nan yon bèl jaden. Lòm te dezobeyi kòmandman Bondye. Dezobeyisans sa te yon peche e sa te separe lòm ak Bondye. Li te di yo pou yo ofri kòm sakrifis jenn bèt ki pafèt pou peche yo. Sakrifis sa yo pa t peye pou peche yo men sa te demontre pi gran sakrifis ke Bondye pral bay yo. Yon jou Bondye ta voye Pitit li, Jezi, sou tè sa pou li vin pi gran sakrifis la pou peche tout moun.

Krisyanis baze sou Bondye, Pitit li Jezi Kri, e sou Labib, ki se Pawòl Bondye. Yon Kretyen se yon moun ki kwè nan Labib e ki viv daprè ansèyman Jezi Kri. Yon lavi konsa plen ak lapè e kontantman sou tè sa e li prepare nou pou yon plas nan syèl la.

“Yo pote kèk timoun bay Jezi, pou li touche yo. Men disip yo te repwoche moun yo ki te prezante yo. Lè Jezi wè sa, sa te endiye l, li di yo: Kite timoun yo vin jwenn mwen, e pa anpeche yo; paske wayòm Bondye a se pou moun ki sanble avèk yo. Mwen di nou sa an verite, nenpòt moun ki pa resevwa wayòm Bondye a tankou yon timoun p ap antre ladan li. Epi li pran timoun yo nan bra li, li etann men li sou yo, e li beni yo” (Mak 10:13-16).

“Lapè, ki kote lapè ye—pou nasyon nou, fwaye nou, e sitou pou kè nou ak lespri nou?” Kri ijan sa a te la nan tout syèk yo. Èske ou gen kri sa nan kè ou tou? Lemonn chaje ak pwoblèm e enkyetid. San dout, nou bezwen direksyon ak konsèy, sekirite ak konfyans. Nou bezwen e nou dezire yon lespri anpè. Lespri anpè—ala yon trezò! Èske nou ka jwenn trezò sa nan yon monn ki plen konfli, dezespwa, boulvès ak twoub?

“Ki nonm pami nou, si li gen san mouton, e si li pèdi youn ladan yo, p ap kite katrevendiznèf lòt yo nan dezè a pou ale dèyè sa ki pèdi a jouk tan li jwenn li? Lè l jwenn li, li mete l ak kontantman sou zepòl li, e lè l tounen lakay li, li rele zanmi li ak vwazen li yo, e li di: Fete ak mwen, paske mwen jwenn mouton m ki te pèdi a” (Lik 15:4-6).

Èske ou jwenn padon? Avni etènèl ou depann sou repons kesyon serye sa. Labib anseye nou ke “pa genyen moun ki jis, pa menm yon sèl” (Women 3:10). Vèsè 23 nan menm chapit la di nou: "paske tout moun fè peche, e yo tout manke glwa Bondye." Nou bezwen jwenn padon Bondye si nou vle sove anba konsekans peche yo. Yon jou nou pral rankontre Senyè a nan jijman. "Paske fòk nou tout konparèt devan tribinal Kris, pou chak moun resevwa daprè byen oubyen daprè mal li te fè, lè li te nan kò li" (2 Korentyen 5:10). Nou va fè fas ak letènite, e sa trè enpòtan pou nou konnen ke nou jwenn padon. Si nou jwenn padon, n ap kapab antre nan syèl. Si nou pa jwenn padon, nou pral kondane nan lanfè etènèl ansanm ak dyab la e zanj li yo (Matye 25:31-34, 41).

Yon jou, pa t gen anyen sou latè. Pa t gen pwason. Pa t gen zetwal nan syèl la. Pa t gen lanmè, e pa t gen bèl flè. Tout espas la te vid e fènwa. Men Bondye te la. Bondye te gen yon plan mèveye. Li te panse sou yon bèl lemonn, e pandan li t ap panse, li te fè l. Li te fè l san anyen. Lè Bondye te kreye yon bagay, Li te di, “Se pou li fèt,” e li te fèt!