Title here
Summary here
May-ada ka ba pag-abat nga nag-uusahan, o may-ada ka ba pag-abat nga salaan ngan nahahadlok ha kahiladman han imo kasingkasing? Nagpapakiana ka ba kon ano an katuyoan han imo kinabuhi? Damu nga mga tawo an nangangalimbasog ha pagbiling han baton hini nga mga pag-abat. Bangin makatara ka hin mga kaliawan o iba nga mga buruhaton nga bangin makabulig ha imo nga mawad-an hini nga mga pag-abat ha sulod hin halipot nga panahon, pero katapos nabalik ito, bangin mas makusog pa kay han hadto.
Maaram ka ba nga may-ada Usa nga maaram han ngatanan mahitungod ha imo? An Dios an naghimo han kalibotan ngan han ngatanan nga aada hito. Hi Jesus, an Anak han Dios, maaram liwat han ngatanan nga imo nabuhat. Maaram Hiya han naglabay, yana, ngan tiarabot. Hinigugma ka Niya ngan kinanhi ha kalibotan basi talwason ka tikang ha sala. May plano Hiya para ha imo kinabuhi basi magin malipayon ka.
Nakahunahuna ka na ba kun paonan-o nagtikang an ngatanan? Damu an mga hayop, tamsi, kahoy, ngan tanom ha tuna. Diin hira tikang? Permi na ba hira dinhi? It tawo? Kitaa an imo kalugaringon ngan kun paonan-o nagbubuhat an imo lawas. Giggagamit mo an imo mga mata ha pagkita, an imo mga talinga ha pamati, ngan an imo mga tiil ngan mga kamot ha pagbuhat han mga butang ngan pag-kadto ha mga lugar nga karuyag mo. Nahitabo la ba ini ngatanan, o may naghimo hito?
An kalibotan usa nga lugar nga waray-pagpahuway. Nakikita naton an mga tawo nga nagdadagmit ha pamiling hin katagbawan ha buruhaton or kiriwahon. Damu an nagdedikar han ira kinabuhi basi magkaada hin mga bahandi. An iba naruruyag han ngatanan nga kalipayan han sensual nga kinabuhi. Pero an iba liwat karuyag magkaada hin dugang nga panahon ha libangan ngan nag-aandam ha pagtrabaho hin mas gutiay, ngan paglipaylipay o pagmulay hin mas damu. Pero an ira espirito diri la gihap nakokontento. An mga gadgets, mga kalipayan, ngan mga panag-iya nawad-an na han ira kaanyag ha kataposan. An kada tagsa nga bag-o nga pantanggal-luntog napapahimuslan ha usa ka panahon pero madagmit nawawara an iya husay. Baga hin may-ada nakukulang.
Ha Baraan nga Bibliya aton mabasa, “Ngan hinkit-an ko an mga minatay, dagko ngan gudti, nga nanunukdaw ha atubangan han trono. Ginbuksan in mga basahan nga ginbuksan liwat in usa nga basahan, nga amo an basahan han mga buhi. An mga minatay ginhukman sumala han ira mga ginbuhat nga nahisurat dida han mga basahan” (Ginpadayag 20:12). Amo ini an ebedensya nga an Dios may-ada paglilista.
Maaram ka ba nga may-ada libro nga nagsasaysay kon paonan-o nagtikang an kalibotan? An siyahan nga mga pulong hini nga libro amo ini, “Ha tinikangan ginhimo han Dios an langit ngan an tuna”. Katapos hini nga mga pulong, iginsusumat hito kon paonan-o ginlarang an kalibotan, ngan mahitungod han siyahan nga lalaki ngan babaye nga naukoy dinhi ha tuna. Diri la ito nagsusumat ha aton mahitungod han tinikangan han panahon, kondi nagsusumat liwat kon ano an mahitatabo katapos matapos ini nga kinabuhi. Ha bug-os hini nga libro, mababasa naton kon paonan-o kita sadang magkinabuhi basi magin andam ha kinabuhi katapos mamatay.
An pipira han pinakadaku nga mga pakig-away ha kinabuhi gin-aatubang ha sulod han kasingkasing. Damu nga lider ha bug-os nga kasaysayan an determinado ha pagsakop ha iba nga mga nasud. An iba nga makikalugaringon nga mga magmarando ngan mga lider naghuhunahuna pa ngani nga magmando ha bug-os nga kalibotan. Ini nga mga lider nag-aaghat hin yinukot nga mga sundalo nga makig-away tungod han ira personal nga hingyap nga magkaada hin gahum, karikohan, ngan dungog.
May-ada ako sangkay. Hiya an gimaopayi nga sangkay nga akon nakarawat. Maopay gud Hiya ngan tangkod ngan karuyag ko nga makilala mo liwat Hiya. An iya ngaran hi Jesus. An urusahon nga butang amo nga karuyag Niya magin imo sangkay. Tugoti ako hin pagsumat ha imo mahitungod ha Iya. Nabasa naton ini nga istorya ha Biblia. Tuod an Biblia. Pulong ito han Dios. An Dios an naglarang han kalibotan ngan han ngatanan nga aada hito. Hiya an Ginoo han langit ngan han tuna. Hiya an naghahatag hin kinabuhi ngan gininhawa ha ngatanan nga butang.
Ano an kahulogan hini nga nagputokputok ha akon dughan? Ini nga padayon nga pamiling hin kamurayawan ngan pagpahuway? Ini nga kamingaw nga akon inaabat? Bisan kon nakikig-upod ako han mga tawo Ini nga maul-ul nga buho han kawad-an halarom ngan makusog an tingog; Tuod gud an iya pagtangis! Tuod gud! Waray-Pulos nga Kalibotan, makakahimo ka ba ha pagkontento hini nga pagbiling? An imo ba dagku nga mga tindahan naghahatag hini nga pagpahuway? Busa taposa ini nga pagtangis han paghingyap! “Kitaa! Mga bahandi, pagtawa, pagpahitaas, ngan kabantogan, Kon gin-aangkon, gutiay nga ngaran la ito! Diri hira nakakakontento!
Naghahatag ba an Biblia hin baton ha pakiana nga urog nga ginpapakiana kon an usa ka tawo may-ada ba ebidensya han kaluwasan o waray? Makikilala ba han usa nga tawo kon ginpasaylo ba an iya mga sala o waray, o kinahanglan ba hiya maghulat tubtob ha Adlaw han Paghukom basi hibaroan ito? Makalilisang ngan peligroso nga pabay-an ini nga importante hinduro nga pakiana nga diri masusulbad ugsa maabot ito nga panahon.
An paghukom - Ano an kahulogan hiton? Sakto ba nga maghukom? Nakahunahuna ka na ba hini nga mga pakiana? “Diri kamo maghukom, basi diri kamo paghukman” (Mateo 7:1), nag-aghat ha damu nga mga Kristiano nga maghunahuna nga waray hira katungod o responsabilidad ha paghukom han ira nakikita ngan hinbabatian. Kondi ini nga konklusyon nagriresulta hin pagruhaduha ha ira kon paonan-o nira aatubangon an kinabuhi. An pag-aram ha Pulong han Dios magpapakita nga an Iya mga anak may-ada responsabilidad ha paghukom.
May-ada ba Dios? May-ada ba labaw nga persona o magmarando han uniberso? Paonan-o ako makakasiguro? Importante gud an baton hini nga pakiana tungod kay, kon may-ada Dios ngan diri ko Hiya gintatagad, ano an magigin mga resulta? May-ada makuri nga mga pakiana nga nagkikinahanglan hin baton. Kay ano nga aanhi ako? Diin ako tikang? Ano an mahitatabo katapos han kamatayon? Ano an katuyoan han akon kinabuhi? Sigurado nga may-ada hinungdan han akon pag-eksister.
An mga kasamok ngan problema aada ha ngatanan nga lugar. An sakit, kasubo, ngan damo nga karaotan upod bahin han kinabuhi. Diin ito nagtikang? Permi la ba ito sugad? An Biblia, an pulong han Dios, may-ada mga baton hini nga mga pakiana.
· An lalaki limningkod ha bangko han parke nga an iya ulo aada nasandig ha iya mga kamot. May-ada hiya masurub-on nga pamahongpahong. An iya marig-on nga mga butas ha pagtrabaho daan na nga ruba, ngan an tahi han iya mga jaket nagbibitay na. Nag-inusaan hiya hito nga adlaw han panahon han kathagkot.
“Kon an Anak maghatag ha iyo hin kagawasan, magkakaada gud kamo hin kagawasan” (Juan 8:36) Karuyag han ngatanan nga magin talwas. An kagawasan ha pagyakan, panhunahuna, relihiyon, ngan pag-imprinta amo an importante ha damu nga mga sosiedad ha kalibotan yana. An sosiedad nakakita nga kinahanglanon an pagpugong han kagawasan han mga nagtalapas han balaud, basi tugotan an iba nga pahimulsan an ira katungod nga kagawasan. Ito an hinungdan han pag-eksister han mga prisohan. An mga tawo nga nagtalapas ha mga balaud han tuna makakita gud hit ira kalugaringon ha literal nga prisohan.
Ugsa magtikang an panahon, may-ada na Dios. Iya ginhimo an kalibotan ngan an ngatanan nga aada hito. Tungod han iya gugma, ginhimo han Dios an tawo ha iya kalugaringon nga dagway ngan iginbutang hiya ha makaruruyag nga hardin. Waray sumugot an tawo ha mga instruksyon han Dios. Ini nga pagtalapas amo an sala ngan nagbulag han tawo tikang ha Dios. Ginsidngan Niya hira nga kinahanglan maghalad hin perpekto nga bata nga hayop para ha ira mga sala. Ini nga mga halad waray magbayad para han ira sala kondi nagtutodlok la han pangkataposan nga halad nga ighahatag han Dios. Usa ka adlaw ipapadara han Dios an iya Anak nga hi Jesus nganhi ha tuna basi magin pinakaimportante nga katapusan nga halad para ha mga sala han ngatanan nga mga tawo.
An seguridad han ngatanan nga mga Kristohanon aada kan Kristo. Namatay hiya para ha aton, ginpasaylo kita, ngan nagsaad hin urukyan ha langit ha mga matinumanon. Didto, magpapabilin kita nga may seguridad ha iya presensya. Bisan yana nga panahon, an mga Kristiano makakalaom nga matatalwas tubtob nga magmatinumanon hira, tungod kay samtang buhi pa hira, may-ada hira giya han Baraan nga Espiritu, ngan kon mamatay na hira, may-ada iginsaad ha ira nga usa nga urukyan ha langit.
Malipayon ka ba? An kahadlok ngan pag-abat hin sala makakakuha han imo kalipay. Bangin magpakiana ka, ‘Paonan-o ako magigin malipayon? May-ada ako maopay nga sumat para ha imo! May-ada usa nga makakabulig ha imo. Mapapasaylo niya an imo mga sala ngan tatagan ka hin waray kataposan nga kalipay. Jesus an iya ngaran. Tugoti ako hin pagsumat ha imo mahitungod ha Iya. An iya Amay, an Dios, amo an naghimo han kalibotan. Hiya an naghimo han ngatanan nga butang ha kalibotan. Iya kita ginhimo.
Ha tinikangan ginhimo han Dyos an kalibutan. Iya ginlarang an adlaw, bulan ngan mga bitoon, an mga hayop ngan mga tanom. Ha ikaunom ka adlaw ginhimo Niya an tawo uyon ha Iya kalugaringon nga dagway ngan ginhuyop ha iya an gininhawa han kinabuhi.